عناية للبشرة الجــــــافة الحساسة(الحل النهائي لمشاكلها)

العناية بالبشرة

هاي يا بنوتات حبيت أفيدكم بخصوص منتجات تنظيف للبشرة الجافة ووشلون تعتنين فيها خصوصا الحساسة :




أول شي هالبشرة تنقصها الزيوت ماتزيت بالاصح وراح اتكلم عن نفسي انا ابد مايزيت وجهي حتى عرق مااعرق
وهالشي يطفش ويتعب المهم الحين :


ممنوووووووووووووووووع استخدام الصابون حتى لو للتفتيح ببايا وغيره لان الصوابين خصوصا البابايا تسد مسامات البشرة الجافة وبالتالي تحبب البشرة وأنا عانيت من هالشي وأول مره يجيني وجلست شهور من طبيب لاخر ويعطوني مراهم مقشرررة للحبوب والحبوب تزداااد أكثر وأكثر كلهم يقولون اللي فيك غريب واللي يقول حاولي تعرفين السبب ومره قال لي طبيب ودي اخذ من جلدك شوي عشان احلل واشوف وش فيك !!



وبعد عنااااااااء وتعب اكتشفت السر والأسباب !!!


أولا هالبشرة كثرة التنظيف فيها والخلطااااااات تسد مساماتها عشان كذا ممكن تحبب البشرة
يعني أي ماسك أو خلطة في المنتدى أو حتى كريم طبعا ماتعيبون على الخلطات وهالاشياء العيب في البشرة لازم تفهون بشرتكم ليش ماتقبلت الخلطة او الكريم او الخ ....
قبل لاتستخدمون أي شي لازم تتأكدون أول شي انو الخلطة من النوع الرطب يعني أهم شي ماتكون من النوع اللي تجف بقوة على الوجه وحتى الماسكات نفس الشي ماسك مايجف على البشرة ولابتلاقين حبوب صغيرة واحمرار


ثاني شي بالنسبة لاختيار الكريمات لازم تختارون كريم مرطب ويرطب أهم شي مايكون لوشن اللوشن ماينفع لنا لانو ممكن يحبب البشرة وأحيانا تكون الحبوب مو حمراء صغيرة تجي شفافة بس حبوب أغرب حبوب :06:


ألحين نجي للي أنصحكم فيه وجربته :
الفازليـــــــن ايه ماغيره القديم بعد كل وضوء تطبطبين بالمناديل وتحطين فازلين أنا حاطة علبة صغيره بالحمام بس مجرد ماأخلص وضوء أحطه وهكذا بعد كل صلاة بالنسبة للي عندهم حبووووب ألحين هالترطيب راح يشيل كل هالحبوب الصغيرةباذن الله

ثاني شي كريم مرطب QV هذا طبي وفي منه كريم وفيه لوشن اللوشن مايصلح لنا الكريم زين وممكن أي كريم ماتخافون بس الأهم تتأكدين انو يرطب كويس

ألحين منظفات الوجه بس ميلك وتونر (ماتستخدمون رغوة ولاصابون) أوكي
:
الميلك الاول سيتافيل طبي حلو سعره 60 تقريبا او شي وخمسين
الميلك الثاني لوريال اللي ضد الجفاف اسمه anti-dryness لونه وردي فاتح هذا يجنننننننننننن وفيه omega ومعروفة زيوت السمك ممتازة للبشرات الناشفة واللي فيهم التهابات وامراض جلدية صراحة انا منزمان ادور على شي غير السيتافيل ولاقدرت استخدم شي كل شي يهييج بشرتي ويسبب لي وخز الا هذا وسعره رخيص وحلو الميلك والتونر كل واحد 25 وممكن تستغنين عن التونر لان بشرتنا مافيها مسام يعني كل يومين ثلاثة مسحة من التونر

وفيه شي بديل للميك أب أكيد الكل يعرفه بس اللي هو كريم أولاي بالتوت البري تستخدمون الكريم المدور مو السائل أنا جربت السائل يحبب الكريم لا ويرطب ترطيبه حلو ولاتحسين انه يعمل طبقة عازلة وهذا اللي ينفع لنا

وبس ياحلوات الحين الكل يقول لي وش مسوية في وجهك اللي يقول وش أساسك واللي يقول شلون تغيرتي وهو كله لاني فهمت بشرتي والحين صرت اعرف اختار منتجات من دون خوف وعقبالكم يارب :04:


وبس هذا اللي عندي واخيرا الحين اقدر احط واجرب اللي ابيه زي باقي الخلق بعد ماعرفت لهالبشرة و****الله تستفيدون مثلي
ولاابي أي شي منكم والله الا دعاء صادق حتى لو في قلبك مو ضروري تردين على الموضوع لان الدعوة للي من قلب احلى وأصدق ..

تحياتــــي
30
75K

يلزم عليك تسجيل الدخول أولًا لكتابة تعليق.

تسجيل دخول

donia06
donia06
تشكرين انا نفس بشرتك حساسة كثـيـــــــــــر محيراني ما خليت حاجة ما استعملتها الغالي و الرخيص اي كريم او مرهم او لوشن يرطب بس بعدسن قشور على الوجه ، على العموم حبيبتي حجرب الفازلين ان شاء على الله تناسبني الله لكن للأسف انا عندي مسامات في الخدين ايه رايك؟
بيلساااان2
بيلساااان2
حبيبتي اشكرك على موضوعك كأنك تتكلمين عن بشرتي احس بجن مافي شي فاد معها لا ترطيب ولا جفاف بصراحه احس اني يئست بس انا ابي شي يصفيها ويرطبها ويكون طبيعي وشاكرة لك
umziad3
umziad3
فين ينباع كريم أولاي بالتوت البري ؟
هل هو بديل لكريم الأساس ؟
يعطيك العافية ياقمر
حلاوه حمره
حلاوه حمره
الله يعطيكي العاافيه
انا صراااحه ما اعترف بالكريمااات اهم شي عندي الفاااااااااااازليييييييييييين
كــــرز
كــــرز
الله يعافيكـ