خلطتي الخاصه لتوحيد لون الجسم والنعووومه .. جربي وادعيلي......

اخواتي العزيزات

شلونكووم وشخباركم

عندي لكم خلطه طبيعيه ميه بالميه وعجيييييييبه انا مسويتها بيديني ومجربتها ونتيجتها خياليه:23:

من اول استعمال نعوومه فضيييييعه ومع الوقت اذا استمريتي عليها بتوحد لون جسمج يعني لا ركب ولا رقبه لونها مختلف عن لون جسمج!!

انا استعملتها شخصيا بعد الولاده وخلال اقل من اسبوعين رديت احسن من الاول بكثيييييير

وللحين مستمره عليها

وعلى ضمانتي الشخصيه النعومه خصوصاااااا وما فيها مشاكل لا مواد كيماويه ولا هم يحزنون..

المقادير وهي متوفره بكل مكان

1: ربع كيلو شعير
2:نصف كيلو حمص حب ناشف
3: محلب(تلاقينه عند العطار) يعني كميه بسييييييطه انا اشتريت منه بنصف دينار
4:نشأ ذره (الكرتون الاصفر)
5:زيت اللوز المر(من العطار) العلبه الصغيره
6:ليمون
7:اذا حصلتي برادة خشب خير وبركه مقدار نصف كوب

اول شي تطحن المقادير الجافه عند المطحنه ثم تخلط مع علبه النشا كاامله وتحفظ في مكان جاف

عند الاستعمال يؤخذ مقدار كوب من الخلطه ويضاف له خمس ست نقط من زيت اللوز المر وعصير ليمونه واحده وعلبه روب(زبادي) انا استعملت علبه الروب مكيال..
اذا شفتيها سميكه خففيها بماء دافئ...

توضع قد ما تقدرين على جسمج انا اخليها نصف ساعه او اكثر حسب استطاعتي خصوصا واني استغل الوقت لما احطها على جسمي واسوي بديكير لرجولي على ما اخلص...:27:

لما اخلص استعمل قشر الليمون اللي عصرته وافرك فيه الاكواع و والركب وباقي جسمي افركه بالليفه ليما ينهد حيلي:21:( اتغشمر بس حاولي توصلين لكل مناطق الجسم)

وعقبها دش عادي واذا حصل سنفره خير وبركه ....

انا علمت اختي فيها واهي ما كانت مقتنعه بهالسوالف وانصدمت من النتيجه..

والصدمه الاكبر اني اكتشفت ان بعض الحريم يبيعون نص مقدار هالخلطه بعشرين دينار:o تخيلووو
لا وعليها اقبال بعد!!!


وادعووووولي بنات