السلام عليكم ورحمة الله وبركاته
شلونكم خواتي شخباركم شكلي متحمسه مره للمنتدى لانه هذي ثاني مشاركه لي اليوم قلت مايهون علي لازم اعطي كل شي حلو لكم وصدقوني هالطريقه للبيدجان شي رهيب بس طبقوها بحذافيرها لانه عن جد روعه وكل خواتي واهلي يسألوني شلون الطريقه
ادري شوقتكم على الطريقه بس ياريت اذا عملتيها تاكلينه واهي بارده يعني تحطينها بالبراد وقبل الاكل تطلعينها بفتره حلاتها تكون شوي بارده لانه واهي حاره مو زيها واهي بارده
سوري طولت عليكم :)))
قولوا بسم الله نبدي
الشرح يمكن يكون كبير بس لا تخترعون لانه من جد سهل ولا يبيله شي :)
المقادير:
3 حبات بيدجان كبيره تقطع حلقات تكون الحلقه وسط مو تخينه ولا رفيعه+2بصل كبير حلقات+قوطي نخي معلب+1سكانه كاتشب وياريت يكون الكتشب الشيره كنه فيه شكر+1 سكانه الHP (الصباره) لونها بوني+نص سكانه باربكيو+ربع سكانه صويا صوص+ملقعه كبيره ملح+شكر والشكر راح اشرحه بالطريقه شلون تظعينه
الطريقه:
1- بعد ماتقطيعين البيدجان تنقعينه بماي وشكر تاخذين صحن فيه مويه وملعقتين شكر او ثلاث وتظعين البيدجان نصف ساعه قبل القلي والبصل تقلينه بدون لاتضعينه بالشكر فقط البيدجان يتنقع بالشكر
2- اذا نقعتي البيدجان عندج نص ساعه جهزي الصلصه عباره عن (واحد سكانه كتب شيره+واحد سكانه الHP الصباره البونيه+ نصف سكانه باربكيو+ربع سكانه صويا صوص+ملعقة ملح+ملعقتين شكر وتكون ملعقه الشكر وسط) وتظعين الصوص اللي سويته على جنب على ماتقلين البيدجان والبصل
3-وبعد ماتقلين البيدجان والبصل نشفي البيدجان من الدحن بالاكياس حقت البطاط واللي تمتص الدهون او كلينكس وبعد ماتنشفيهم تاخذين طنجره (مقلى) تحطين شويه دهم وتصفين البيدجان اول وفوقه البصل وتظعين وياهم علبة النخي وتظعي فوقها الصلصه اللي سويتيها وتهدي النار تخليها هاديه مره لمدة عشر الي ربع ساعه لمن تحسي انه البيدجان والبصل والنخي تشرب.
4- تاخذين طبق لتقديم وتشيلين البيدجان والبصل والنخي بطريقه منظمه يعني تحت البيدجان وفوقه البصل والنخي يكون شكله حلو لتقديم وبعدين تاخذين بقدونس وتفرمينه فرم ناعم يعني صغااار صغاار وتحطينه فوق الاكل وتصكرين بقصديير وتظعينه بالبراد لانه حلاته يقدم واهو شوي بارد مش حار لانه الطعم بصير اللللللللللللللذ
صدقوني مراح تندمون وراح تدعولي الاكله ماتاخذ منك اصلا ساعه
واسفه على الاطاله
ام علي
Miss_sFer @miss_sfer
محررة
يلزم عليك تسجيل الدخول أولًا لكتابة تعليق.
Marwa_Q8
•
رووووووووووووووووووووووووووووووووووووووووووووووووووووعه
انا ذايقه هالطبق وصج حلوووو ماشالله .. وشكرا على المقاديير والشرح السهل ..
والورده هذي هديه مني لج :26:
انا ذايقه هالطبق وصج حلوووو ماشالله .. وشكرا على المقاديير والشرح السهل ..
والورده هذي هديه مني لج :26:
الصفحة الأخيرة
مع تحيا ت أم انس :26: