من قطر

من قطر @mn_ktr

عضوة نشيطة

مشاوي على كيف كيفك !!! جربوا

أطباق رئيسية

اقدم هذه المشاوي مع رز ابو طبقات اللي شرحت لكم من قبل

إن شاء الله تجربونه وبعدين قولوا لي بس أرجوك لا ترموني باطماطم

الدجاج المشوي :

عدد 2 دجاج

بصل + 2 علب روب + نصف كوب خل التفاح الطبيعي + 2 كوب عصير ليمون

+ ربع كوب صويا صوص + ربع كوب زيت + فلفل أسود مطحون لازم تطحنينه وقت التتبيل

+ ملح + فلفل أحمر حار + شويه سماق + فنجان قهوة سكر + فصوص ثوم ما أكثر من الثوم

تضعين البصل وكل المقادير في الخلاط تخلطينه ثم تضعينه على الدجاج

الدجاج كامل مو مقطع بس مفتوح من الصدر كامل وتفتحين بين الفخوذ وبين الجناحين يعني

بين المفاصل تعملين شقوق

أن شاء الله عرفتي قصدي وتتركينه طول الليل لليوم الثاني

بعدين تشعلين الفحم نحن نشوي على الفحم الذ لحد ما يشتعل زين وتضعين الدجاج في المشبك

وتضعينه على الفحم مو مباشرة مرتفع عن الفحم مقدار 50 سم أكيد عنك مكان مخصص

للشوي من الرخام وتقلبيه كل 5 دقائق حتى يستوي من جميع النواحي وتتوزع الحرارة بالكامل

عليه ويحمر من جميع الجوانب

بالنسبة للحم

تختارين اللحم الطري من الصدر بين الضلوع مو لحم الفخذ حق الخروف

بصل مبشور وناخذ الماي حقه فقط ونرمي اللب ونخلطه مع الليمون والفلفل الاسود

واذا حبتي كمون مطحون (( سنوت تقليه على النار بعدين تتطحنيه )) اختاري

وشويه خل تفاح + في ناس تحب تضيف الروب الزبادي + ملح

المهم تتبلي اللحم بعد ما تضربي قطع اللحم المقطعه بالطول بسكين ثقيله ضربات خفيفة

تحسي ان في فجوات خفيفه بين قطعه اللحم أكيد عرفتي قصدي

المهم تبلي اللحم من بالليل وفي الصباح قلبي اللحم شوي كل ساعة على جانب ليشرب

من التتبيله

وعند الشوي ادهني القطع بالزبد وابدئي بالشوي

قدميه حار بجانب الرز ذو الطبقات


اذا عندك طماطم فرش اغسليها جيدا وقطعيها مثل علامة الزائد + من فوق

واطحني السنوت والفلفل الاسود وملح وضعي قليل منه داخل الطماطم وشويه خل تفاح

وضعيه على الفحم لحد ما يستوي يذبل قدميه مع الرز واللحم والدجاج

جربوا على عدد قليل

بالهناء والشفاء

اختكم

نوراااااا

من قطر

وإذا تحبون تزوروني في البيت حياكم الله في قطر

وأنا أعد لكم الطبخات على الهواء مباشرة

أي سؤال حياكم الله
19
5K

يلزم عليك تسجيل الدخول أولًا لكتابة تعليق.

تسجيل دخول

القصيمية
القصيمية
يسلمو حبيبتي
من قطر
من قطر
تسلمين حبيبتي على المرور

ويعطيك العافية
MISS_CHEF
MISS_CHEF
بسم الله

هلا قطرية ....معروف عن اهل قطر ان طبخهم حلو

طبعتها بادرجها على جدول الاعمال .....في اقرب فرصة اجربها ان شاء الله
MISS_CHEF
MISS_CHEF
بسم الله

قبل ما اطلع ...طلعت العصر طلعت الدجاج

والحين سويت التتبيلة

بس عندي كم سؤال

1- لاحظت الصلصة كميتها كبيرة ...وكذلك عصير الليمون .....والمصيبة السكر الله يستر لا يطلع طبق حلو :))))))))))))

2- خلص الصويا صوص من عندي ...فلم اضعة ...غصب عني ..ما كنت ادري انة مخلص الا الحين

3- قصدك الصدرين متلاصقين ومن الظهر مفتوح ....صح ام خطأ ...سويت نفس الحركة
الشقوق صعبة الفهم

لم تحددي كمية البصل فحطيت 3


بانتظارك ......وللحديث بقية ...بكرة اقولك رأي الجمهور :26:
MISS_CHEF
MISS_CHEF
نسيت اقولج ...حطيت كاس ليمون فقط