اموت اعرف ايش مصبر هالفئه من النساء ؟؟؟!!

الأسرة والمجتمع

السلام عليكم
شي محيرني من سنين بصراحه اقرأ هنا واشوف بعض من الناس في مجتمعي
اذا الاهل زوجو البنت وطلع الرجال يضرب ويهين او في اي عيب اخر اخلاقي ليش تسكت؟؟
ليش تصبر؟؟
والاهم اهلها لما يرجعوها يقولو اصبري بيتعدل وتخلف وهو ماتعدل ويرجعوها عشان ولدك ولابنتك ومايتعدل وتجيب ل10 بزارين ولاتعدل وبالاخر تقول صبرت عليه20 سنه او30 شي محد يتحمله ليش ماتقطعيها لو معاك20 كمان انا طبعي ماحب المرأه الضعيفه سواء مع اهلها زوجها ايا كان


كثير قصص حوولي لو احكيكم لبكرة ماتخلص
زي وحده لها25 سنه زوجها يودي ويجيب وكذا وكل شي بس يبيها تجلس وماتطلع كثير وهي طلعاتها كثير واذا بالبيت بس ع الجوال اوي كذا تتكلم فيه ع الناس صبرت تحملت شي محد تحمله :pinklove:
خير وش مصبرك وانتي معاك راتب؟؟؟ يعني وصلت لمشاكل كبيرة جدا بينهم

اخرى
لها فترة 5 او6 سنوات معاها طفلين طلعت والله اعلم بسبب خيانه ولا اتحمل ذنبهم
رجعها ابوها لبيت زوجها ليش الذل للبنت كذا ووين شخصيتك؟؟
الان اقرا موضوع تقول يضرب وعروس وتسال تصبر اولا لييييش تسالي تخلي غيرك يتخذ قرار مصيري بحياتك؟؟

محيرني بصراحه هالكلام بموت من بعض الحريم <<<<<فيس معصب
لاتقولو ظروف اهلها كانت عايشه قبل عادي ايش تغير المهم في الف علامة استفهام فوق راسي
انا احب الاستقلاليه جدا جدا لان بالاخر تمثل ذاتك وليس اسرتك
40
7K

يلزم عليك تسجيل الدخول أولًا لكتابة تعليق.

تسجيل دخول

world,s_smile
world,s_smile
مو كلهم كذا..
بس يخاافون من اسم مطلقه- !
ﻻن في المجتمع يحطوون اللوم على الحرمه لو تطلقت، ،
ويطلع الرجل المﻻك البريئ..
ولو يطق اي بااب زوجوه
* آلجوري *
* آلجوري *
كل وحده ورايها و فكرتها مهما تنصحينها و يفوووور دمج و يرتفع عندج الضغط والسكر تطنشج و تسوي اللي ف راسها
نفس وحده اعرفها والله كانت كل يوم كل يووووم تتشكى و مشاكلها كبيره ماتترقع و القهر ترجع له بكل برود هي ترجع له مب اهلها يرجعونها له ! بس شوو عذرها . .

" محد من اهلي بيدوم لي . . مابيدوم لي الا زوجي و عيالي . . و الله يصلح الحال "

اغلب الحريم هذا ردهم و هذا رايهم . . خلينا نتكلم بصراحه
في هالزمن منو يشل حمل الثاني ؟! الاخوان ! الخوات ! الاهل ! والله محد !
الوحده بدون شهاده و بدون وظيفه ماتسوى فلس . .
اغلب اللي يصبرون ع ازواجهم من نفسهم بدون تدخل الاهل يكون بسبب اهمال الاهل لها و اهيه عارفه ان مالها سند غيره لو شو تكون عيووبه تبغيه و تحبه لانه سندها !

اما اللي بتدخل الاهل . . بعضهم تفكيره انا عقب عيني شو بتسوين ؟! يعني بتعيشين مطلقه !!

عني انا اتحمل زوجي و اصبر عليه لان انا اشوف وضعي اللحين لا اخوان يسألون و لا خوات و لا ام و لا ابو صح كلهم موجودين بس كل واحد ف حياته مستقل و مانلتقي الا كل اسبوع . . حتى لو اترقد ف المستشفى مايسألون عني !
ف اكيد بختار اني اصبر ع زووجي ! و اللي مثل وضعي وايد . .

اسمحي لي ردي طويل :$
- ELHAM -
- ELHAM -
بيرزون قدامك شماعة الاهل
والي اهاليهم موقفين معك بيرزون لك شماعة المجتمع
والي مجتمعها متفهم تقول لك لالا ذوليييك جماعتنا البعيديييييييييييييييين مررة بيحكون فيني يقولون مطلقة
المهم بتلقين الف وسبب للهروب من الطلاق
وطبعا نصها سلبية وضعف ماهي ظروف حقيقية
بنت الريف2010
بنت الريف2010
كل وحده ورايها و فكرتها مهما تنصحينها و يفوووور دمج و يرتفع عندج الضغط والسكر تطنشج و تسوي اللي ف راسها نفس وحده اعرفها والله كانت كل يوم كل يووووم تتشكى و مشاكلها كبيره ماتترقع و القهر ترجع له بكل برود هي ترجع له مب اهلها يرجعونها له ! بس شوو عذرها . . " محد من اهلي بيدوم لي . . مابيدوم لي الا زوجي و عيالي . . و الله يصلح الحال " اغلب الحريم هذا ردهم و هذا رايهم . . خلينا نتكلم بصراحه في هالزمن منو يشل حمل الثاني ؟! الاخوان ! الخوات ! الاهل ! والله محد ! الوحده بدون شهاده و بدون وظيفه ماتسوى فلس . . اغلب اللي يصبرون ع ازواجهم من نفسهم بدون تدخل الاهل يكون بسبب اهمال الاهل لها و اهيه عارفه ان مالها سند غيره لو شو تكون عيووبه تبغيه و تحبه لانه سندها ! اما اللي بتدخل الاهل . . بعضهم تفكيره انا عقب عيني شو بتسوين ؟! يعني بتعيشين مطلقه !! عني انا اتحمل زوجي و اصبر عليه لان انا اشوف وضعي اللحين لا اخوان يسألون و لا خوات و لا ام و لا ابو صح كلهم موجودين بس كل واحد ف حياته مستقل و مانلتقي الا كل اسبوع . . حتى لو اترقد ف المستشفى مايسألون عني ! ف اكيد بختار اني اصبر ع زووجي ! و اللي مثل وضعي وايد . . اسمحي لي ردي طويل :$
كل وحده ورايها و فكرتها مهما تنصحينها و يفوووور دمج و يرتفع عندج الضغط والسكر تطنشج و تسوي اللي ف...
الجوري معاك بنقاط ولكن اذا الاهل كل واحد عايش حياته ليش انا ادفنها ؟!!يعني مابقدر اعيش الا مع واحد يذلني واقول سندي انا هنا اقصد الاهانه من ضرب وقذف ......الخ
مو اي مشكله بسيطه اقول كل واحد من طريق لا القصد من موضزعي المشاكل الكبير وخليني مطلقه ولا عايشه ميته هذا رأيي محد يموت جوع الحمدلله في الف طريقه للشغل والاستقلال بس مجتمعنا خلى الانثى ثقتها مهزوزه بنفسها وانها بدون زواج او رجال ماتعيش


واشكركم ع الردوالنقاش
خرمسي
خرمسي
الاهل ما يصدقون يزوجون بناتهن وتبين ترجع لهم مطلقه هاليومين محد متحمل الثاني والضروف والمجتمع يفرض عليك غصب عنك اشياء ما تبينه
خلي الخلق للخالق وربي لا يبلي احد،بشي يضره☺