ورق عنب لذييييييذ ملضلض وحامض ولا يحتاج ليمون

السلطات والمقبلات والمشروبات

ورق عنب لذييييييذ ملضلض وحامض ولا يحتاج ليمون


السلام عليكم ورحمة الله وبركتة



اليوم بحوزتي ورق عنب حبيبب الجميع
لكن غير عن كل ورق العنب حامض ملضلض مايحتاج ليمون يعني ماعندك ليمون عندك ليمون ما يهم

وغير كذا العيش ني يعني ماياخذ وقت في التجهيز وبهاراتة خفيفة جدا جدا وفية مرقة للي يحب
البطاطس حلو انا احط بطاطستين زيادة بس حقي والكل يحب طريقتة كانت عندي طريقة ثانية بس طلقتها بالثنتين ما احد يذوقة مايطلبة مرة ثانية
بطريقة عمة زوجي
بصراحة لذيذ

المقادير
بطاطستين مقطعة حلقات
غرشة ورق عنب
3 كاسات رز مصري مغسول
م كبيرة مليانة لفوق كلا من (سماق-ملح الليمون)
بيالة شاي زيت زيتون
بصلو وسط مقطعة صغير
طماطمة وسط مقطعة صغير
شوية كزبرا اوبقدونس يعني ملعقتين
طرف ملعقة الحلا الصغيرة كمون
طرف م الحلا فلفل اسود---------------انا ما احطة في داخل العيش
خلطة الماء
نصف كرتون صلصلة (يعني نص علبة ابو ريال مو اكثر علشان يعطيك لون برتقالي
ملعقة مليانة ملح الليمون
طرف م الحلا كمون
طرف م الحلا فلفل اسود
انا احط زيادة من عندي ملح عادي بس ما اكثر
بيالة ون زيت زيتون
مكعب ماجي
نص ملعقة نعناع مجفف(اختياري بس يعطي طعم احلى
بغرشة ورق العنب نفسة نستخدمها كمعيار للماء نعبيها مرة ونص ماء يعني غرشة ونص الغرشة ماء



الطريقة
نخلط مقادير العيش ونحشي ورق العنب ونصفة على حلقات البطاطس الرصوصة بقاع الصغرية
وبعدين ننثر علية النعناع ونفتت علية مكعب الماجي ونكب علية زيت الزيتون

باقي المواد نذوبها في الماء
نجيب الثقالة ونحطها فوق ورق العنب علشان تضغطة ولايتفكك اثناء الطبخ
ونكب علية خلطة الماء
ونقصدر الصفرية ونرفع عليها النار لين يغلي بعدين ننزل علية النار مرة مرة وبتاخذ معاك لين تنضج من 2 ساعة الى 4 ساعات على حسب قوة النار


نجي للصور


الرز جاهز للحشو



هاذا اثناء رص ورق العنب بعد لفة على البطاطس




هاذي مساعتي الصغيرة تساعدني


هاذي بعد ما حطيت علية النعناع ومكعب ماجي



هاذي رصيتة بالثقالة واللي ماعندة يحط صحن

انا سويت الخلطة وشوفوا كمية ملح الليمون
كبيرة طبعا على حسب الذوق الكمية اللي فوق يعطي حامض مايحتاج ليمون بس انتي وذوقك

شوفوا كمية فلفل الاسود قليلة جدا



وهاذا لما ستوا السواد اللي فوقها علشان اني خليتة من 4 العصر لين 10 الليل نسيتة هو بس اربع ساعات كل مرة مايستوي لون كذا



167
70K

يلزم عليك تسجيل الدخول أولًا لكتابة تعليق.

تسجيل دخول

bulbula
bulbula
مشكوره بس ما في صور الغاليه
ام احلى لانا
ام احلى لانا
تسلم يدك ياعسل
امـ ربى
امـ ربى
(( الله يعطيك العافية وجزأك الله خير )
الفراشه المبخوته
الله يعطيك العافيه
لـggتس
لـggتس
مشالله تبارك الله

الله يسلم الايادي يارب