اليوم ابنزل طريقة السينابون اللي نزلته
في موضوعي السابق
http://forum.hawaaworld.com/showthread.php?t=3718358
نظرا لكثرة من طلبوا الطريقه على الخاص
او في الموضوع
الطريق اللي ابنزلها هي الطريقه التوب تصلح
للتقديمات الرسميه وانتي لك الخيار في تطبيق الطريقة كامله
او حذف بعض الاشياء اللي تحسينها موب ضروري
مثل انا حذفت المكسرات لان عيالي مايحبونها
وحذفت الشيرة لاني ماأحب استخدمها كثير
ولاتفننت بالسينابون لان الوقت ضيق
لانكم اذا لاحظتوا طبقات الصوص موب مرتبه
عندي لاني مافكرت انزلها كانت خاصه لعيالي بس
حتى زوجي اهم شي عنده اللقيمات وبس
المقادير :-
كاس حليب سائل ( 3ملاعق مذوبه في كأس ماء )
نصف كاس زيت
واحد ونصف ملعقة كبيره خميرة فوريه
ربع كاس سكر ناعم
ذرة ملح
ملعقة كبيرة بكينج بودر
الطريقة :-
* تخلط المقادير السابقة في الخلاط وتوضع في إناء ويضاف إليها الدقيق بالتدريج
( تقريباً 3 كاسات ) حتى تصبح عجينه قاسية قليلاً يمكن فردها وتترك تتخمر تقريباً ساعة
* تقسم العجينه الى اقسام كبيرة ويفرد
كل قسم على شكل مستطيل
ويوضع عليها زبده عن طريق الفرشاة
ويخلط السكر والقرفه الناعمة
وترش على العجينه ثم تلف
وتقطع شرائح طوليه على شكل حلزونيات
ثم توضع من الأعلى والأسفل
في صينية الفرن
لكن يجب ان يكون بين القطع مسافة بعدين غطيها بسفره وخليها تتخمر
مره ثانيه بعدين دخليها في فرن
حار من تحت ومن فوق
بس شوي تحمير بسيط
*الصوص تبع السينابون 3 انواع
اذا حبيتي دلعين نفسك
او تقدمينها لضيوفك
حطي الثلاث الانواع فوق بعض
تطلع لذيذه بشكل ومثل سينابون الجاهز
واحسن بس دسمة للي يزينون رجيم
* ضعي في الخلاط ( 5 حبات جبن كيري + حليب نستله الصغير + ربع أصبع زبده ( تقدرين تستغنين عنها ) ربع حليب سائل )
يوضع على السينابون
حال إخراجها من الفرن وهي ساخنه
حتى تذوب الخلطه عليها
ثم توضع المكسرات ( الكاجو )
ثم توضع الشيره + واحد ونصف ملعقة قرفة . ( انا استغني عن الشيره لاني قليل استخدمها في حلوياتي )
* يذوب ربع زبدة ثم نضع عليها ( نصف كاس سكر + نصف ظرف دريم ويب + نصف ظرف كريم كراميل + نصف علبة قشطة + ثلاث ارباع ملعقة كبيرة نسكافيه )
تحرك على النار ثم توضع على حبات السينابون .
* يفضل أن تكون طبقات التزين سائلة حتى تذوب على السينابون
* كنت اتمنى ان اشرح الطريقه بالصور بس كثير من الاخوات يبون الطريقة
بسرعة والوقت ضيق
فاأهم شي عندي اني انزل الطريقة
بأسرع وقت
وان شاء الله الشرح واضح
والحمدالله كما ينبغي لجلال وجهك وعظيم سلطانك ...
رب الناس أذهب الباس
وأشف والدي أنت الشافي
شفاءً لايغادره سقماً..
تسلمي ياااارب