تعبت من انعدام الثقه من أهلي 😞😞😞

والله تعبت تعبت ،،،، محد يحس بالنار اللي بقلبي ،،، يعني ابي افهم شو يبون ،،، احاول اسعدهم قد ما اقدر وأقدم راحتهم وسعادتهم ع نفسي ،،، كل يوم افكر فيهم وكيف اعوضهم ،،، 
المغرب صار لي موقف من اخوي الكبير ،،،، الله يسامحه دنيا وآخره 
كنت أكلمه عن موضوع الشغاله ،،، اقول له سمعت زميلتي بالعمل انه فيه هندي يجيب شغالات ،،، والكل يقدم عنده وجات سالفه ثانيه ،،، اختبص علي الموضوع ًو حسبالي انه اللي يجيب شغالات هندي ،،،، لما وصلت البيت مسجت لها يا فلانه ابي رقم الهندي اللي يجيب شغالات ،،، العصر دزته لي وسالتها عن اسمه قالت مدري
المهم المغرب خبرت اخوي بالموضوع وعطيته الرقم ،،، لما اتصل رد عليه مواطن من بلدنا ،،، وعلامات الشك في عين اخوي ،،، استغربت ،،،، قال لي من هال ريال اللي مسجلته بجهازك قلت له والله العظيم انه رقم هندي يمكن زميلتي غلطت ،،، وهو مصر انه رقم مواطن ،،، طال الكلام وخليفته يشوف المسجات اللي كانت ما بيننا ،،،،، هديت أعصابي ولا قلت له شي ،،، قلت له اصبر بتصل ف البنت واسمع بنفسك ،،،،، ولما كلمتها قالت انه هالرقم حق صاحب المكتب الشغالات ،،، انا فهمت الموضوع خطأ ،،، استفسرت منها وهو قدامي عشان يسمع الكلام 
بعدين حس بنفسه انه غلط وشك فيني ،،، حاولت اهرب بعيوني اللي مليانه دموع وانكسار ،،، 
انكسار قلبي اللي حامل لهم كل احترام وتضحيه شبابي ،،، وهو ع موضوع بسيط شك فيني ولا حاول يفهمني 

صاروا أهلي يشكون فيني مدري ليش ،،،، مهما تكلمت من اليوم لين باكر مراح أوفي كلامي ،،، وما على لساني الا حسبي الله ونعم الوكيل 
آش بقى من الحياه دام اهلك وعزوتك ما واثقين فيني ،،، احس بحرقه قلب وبغبنه بصدري ،،،، 
شكواي لله وحده 
فوضت امري اليه