ياليت اقدر انسئ @yalyt_akdr_ansy
عضوة جديدة
انا الغلطانه ولاهو بنجن
بنات انا عندي طفلين ولي ست سنوات انا من امس مانمت زين صارت مشكله مع زوجي وهو اني شفت شريحه سوا له ف السيارة فااخذت الرقم وحفظته وطلع لي في الواتس الرقم هذا مايدخل الا اذا زوجي برا وشكيت انه هو وواجهته امس وقالي انا قايلك اني عندي شريحه قلت لاوالله ماقلت لي وانا صادقه قال طلاق من راسك اني قد قلت لك وتجادلنا وقال انتي كذابه وراح السيارة وجاب الشريحه ورماها في وجهي وقال بكرة بطلع زيها 3 وجوالات عاجبك ولامو عاجبك صكي راسك في الجدار وانا ساكته وقال والله لو ماالعيال كان تصرفت والا انتي ماعليك حسوفه وراح الغرفه طبعا انا قاعدة ومصدومه طبعا له سوابق يابنات ويحلف بعدها ماعاد يعودها المهم شوي ورجع لي قالي شغلي الشريحه قلت ماابغئ قلت بروح انا قال مجنونه انتي والله ماتنامين وسكر علي الصاله وراح وشوي ورجع وقال روحي نامي قلت بكرة تدق علئ ابوي وتقول برسلك بنتك قال مومشكله ورميت بطاقت الصراف له وقلت احجزلي عند اهلي ورحت الحمام بعدين طلعت ورحت غرفه عيالي وقال والله ماتنامين هنا انا بنام عند عيالي ورحت عنه وشوي جاني غرفه النوم قال دوريلك وكيل شرعي يطالب بعيالك لانك بتحلمين تشوفينهم وطلع وانا ساكته ورجع وقعد عند ظهري قال بكرة بحجزلك لوحدك قلت عيالي قال لا تحلمين قلت عندك المحاكم اذا عطوك ذاك الوقت قل تحلمين ومسك يدي وقلت وخر عني وبكيت وقال والله لااحرق قلبك زي ماتحرقين قلبي ليه تدورين وراي ليه ماتساليني من وقتها ليه تلفين وتدورين ومن هالكلام وتاسف ع الكلام ونمنا ولاكملنا الموضوع لان بنتي كانت تعبانه شوي ورحت نمت عندها هاه وشرايكم يابنات انا عندي تراكمات وهو بعد ذكرلي حاجات كنت احسبه نساها وش اسوي اروح لااهلي اريح مده ولا كيف اتصرف وع فكرة هو شخصيته شمالي شرقي
50
12K
يلزم عليك تسجيل الدخول أولًا لكتابة تعليق.
حرف القاف
•
هو صادق لية تبحثي وراء زوجك العلاقة مودة ومحبة وتقارب وثقة انتي غلطانة
الطرفه
•
انتي غلطااااانه تفتشين وراه
ماينوبك الا عوار الرأس
شوفي شكله زوجك يحبك انا حسيت كذا ومايبغى يطلقك من تهديده لك بعيالك !!!
تعوذي من ابليس وقري في بيتك وتفاهمي مع رجلك بهدوء
واتركي عنك العصبيه والتهورررر
ماينوبك الا عوار الرأس
شوفي شكله زوجك يحبك انا حسيت كذا ومايبغى يطلقك من تهديده لك بعيالك !!!
تعوذي من ابليس وقري في بيتك وتفاهمي مع رجلك بهدوء
واتركي عنك العصبيه والتهورررر
واضح انه يبي يخوفك
وطريقه واجه صياح بصياح تسلم
انتي لا تنازلين وبيني له انك قويه لان الحق معك
ارتاحي عند اهلك كم يوم
واستخيري اول شي وربي يصلح بينكم ويوفقك
وطريقه واجه صياح بصياح تسلم
انتي لا تنازلين وبيني له انك قويه لان الحق معك
ارتاحي عند اهلك كم يوم
واستخيري اول شي وربي يصلح بينكم ويوفقك
معروف الرجال مستحيل يعترف بغلطه ولازم يقلبها عليك ويطلع هو المظلوم
وانتي دام منتي قد التفتيش وقد كلامك لو سكتي احسن لانك بس بتحرقي اعصابك
وانتي دام منتي قد التفتيش وقد كلامك لو سكتي احسن لانك بس بتحرقي اعصابك
الصفحة الأخيرة