أختي سارت ضحية الحريم قصتها تبكي الحجر دعواتكم لها بالفرج القريب

السلام عليكم

بقول لكم قصة أختي باختصار
تزوجت أختي من ولد عمي بعد الكلية وجلست معه سنتين كلها مشاكل وبالآخير تطلقت ومعها بنت عمرها سنه
وحاول انه يأخذ بنتها منها بس تدخل أهل الخير كان يمنعه ويقول بس تتزوج أخذ بنتي
وكل ماتنخطب ترفض عشان بنتها وهو تزوج وعاش حياته وأختي حرمت نفسها ٩سنوات
وكان بذي الفترة يتردد علينا واحد يبيها سنتين وهو يخطبها حتى القصائد كتبها فيها للعلم متزوج وعنده اربع أطفال بس حياته كلها مشاكل
وبنتها لانه من الجماعة وافق أبوها انها تجلس عند أمي
المهم وافقت أختي وتزوجت أسبوع بالضبط تمام معها بعدين الرجال انقلب حاله حتى النوم ينام بالمجلس بليلتها
وما كانت تبين لناشئي ياعمري شافت ألوان الظلم منه حتى البيت ماكان يصرف عليه هي تجيب كل شي وتنحبس فبيتها وتقول احنا بالمطاعم الفلاني او طالعين كفي او سوق او تتماشى هي وياه وهي كانت تسترعليه وحنا ع بالنا انها مبسوطة معه ونقول الله يتمم عليها فرحتها ويعوضها
جلست ع هالحال اربع أشهر وفي يوم جا لاخواني وقال لهم الي بيني وبين أختكم انتهى قال انا ماني قادر أوفق بين بيتين
وأم عيالي رفعت علي قضية خلع. وشارطه علي أني اطلق أختكم عشان تتنازل عن القضية ولاني مابي الفضايح قلت لها أبشري
المهم اخواني جابو أختي وهي منهااااااااره تقول ايش ذنبي أذا مو قد الزواج من الاول ليش يتزوج
المهم جلست حول الشهرين نفسيتها زفت حتى دوامها تغيبت عنه وجاها إنذار وحاولنا فيها لين ماراحت دوامها بس ما تكمله يغمى عليها وترجع البيت وداها اخوي عمره قال يمكن تتغير نفسيتها أبدا طول الوقت تبكي لين ماذبلت
وخلصت العديه وخطبها واحد كمان متزوج بعيد عنا نعرف أخواته بس زمالة عمل كانت رافضة بالبداية بعدين فجئه وافقت قالت استخرت واقتنعت قلنا لها بنتك أبوها بياخذها قالت عادي تجيني زياره
المهم وافقت أختي وسار الزواج وكلنا نفسياتنا مرتااااااحه من فرحتها
وراحت مع زوجها الفندق وكل شي تمام والصباح نزل زوجها يوصل اخوه المطار ومارجع لها الا اخوانه وأمه جوها الفندق قالو لها زوجك تعبان تعالي معنا البيت وراحت معهم مو فأهمه السالفة قال لها اخوه وهو يبكي تخيلو رجال يبكي وباين ع شكله الربكه قال اخوي مدري ايش فيه اتصل علينا يقول أنا بالشارع ماني عارف بيتنا وين أنا خاااايف ويبكي مثل الطفل قال أنا عند محطة بنزينا وجاه اخوه ويمسك بأخوه ويبكي يقول أنا خاااااايف أنا خااااايف والله ماسويت لهم شي واخذه اخوه وداه البيت وقرى عليه ونادى اخوانه وعمه وجابو له شيخ قال هذا مسحور والي فيه قوووي مره وأختي سمعت من هينا أغنى عليها ع طووول وأمه وأخواته كلهم انهارو وانلخمو ناس. راحت بهم. المستشفى وناس. جلست عند المسحور غير مربطينه يبي يهج بالشارع
وبعد ما هديت أختي اتصلت ع أمي وقالت لها انهم بيسافرون لتركيا وتمر المغرب تسلم وأمي يا حياتي مبسوط هما تدري عن نهارها الي جرى لها واندست أختي فبيت أهل زوجها أسبوعين وتتصل ع أمي ع أساس انها مسافره
يا حياتي ع الأيام الي مرت عليها شيخ طالع وشيخ داخل
وبعدين جات لبيت أهلي لحالها ،،،،،وكان ومبسوطيسن لها وبيسوو لها عشا وقالو لها وين زوجك قالت سافر البحرين عنده شغل مهم جداً ويمكن يطول هناك
أمي ياعمري شكت فيها لانها مررررره كانت تعبانه وجهها شاحب جداً قالت يمكن تكون حامل ولمن أمي سألتها ليش وجهك كذا ياحرام أختي ما تمالكت نفسها وبكت بكي يقطع القلب وقالت لها السالفة كلها وأنها ما سافرت كانت عندهم عشان الشيوخ يقرون عليهم والشيوخ ما قدور عليه لانه يوميا يتجدد السحر حسبي الله ع كل ساحر اللهم اقلب السحر على الساحر
بعد شهر تقريبا حسو انه تحسن واتصل ع أختي قال لها روحي البيت أنا بجي ياعمري عليها كلنا قمنا معها وساعدناها سوينا لها شعرها والمكياج والقهوة والشاي والحلا كانت فرحتها مو طبيعية حزن وهم وخوف
وراحت بيتها وجلس عندها النهار كااااامل تقول انه كان طبيعي جدا
بس طلع من عندها المغرب رجعت عليه الحالة وازود من اول يقول لإخوانه ليش تجيبوني عند الخنزيرة ريحتها صرعتني
كان يشوفها بهيئة خنزير ولها ريحه مقرفه ومنفره ع وصفه
وجدنا لها الشيخ بالبيت قال فيها سحرين واحد مكبوب ع باب البيت والثاني مسقي
وهذا هي تنام وتصحى ع الرقيه والصلاة والدعاء والتهجد والصدقات ماخلينا شي
والحين لها تسع أشه فبيت أهلي لاهي متزوجه ولا هي مطلقه الله يفرج كربتها ويرد لها زوجها ردا جميلا يارب
تحزن لمن جابت أغراضها من شقتها شنطها ع تطبيقها وهي تجهز تقول ماتهنيت ماتهنيت
أختي سارت ضحية الحريم اااااخ بس هي ما تدري عن أختي والله انها طيبه ومحبو به عند الجميع واجتماعية وماتدري عن خيرها من شرها
دعواتكم لها تكفووووووون الله يفرج ع كل مهموم
اللهم آلف بين قلب أختي وزوجها ورده لها ردا سليما وارزقهاالذرية الصالحة
اللهم من أراد بنا سوء فرد كيده في نحره
دعواتكم لها تكفووووون
والي تعرف رقم شيخ قوي تراسلني خاص الله يجزاكم الجنة