السلام عليكم ورحمة الله وبركاته
اعتبرو هالموضوع فضفضه .. قلبي يعورني اذا تذكرت أيامنا مع ابوي الغالي .. لا يروح بالكم انه متوفي .. لا هو عايش لكن قدر الله وماشاء فعل اننا نفترق وكلٍ يعيش بعيد عن الثاني
اااخ في قلبي كلام كثير لو اكتبه ماظنتي بينتهي .. اتذكر ايامنا الحلوه وصووته في البيت وكيف كان يصحيني انا واخواني لصلاة الفجر ويقولي ( قومي على حيلك) ويقعد على راسنا ويراقبنا صلينا والا لا .. توضينا والا لا.. ويودينا المدرسه .. ونساااافر معه .. اخخ يالسفر معه .. له طعم اخر .. يسولف ويحدث علينا في الطريق .. ويعلمنا دعاء السفر ونردد وراه .. معززين مكرمين مع ابونا .. وطلعاتنا وتمشياتنا معه شي جميل .. ما اقول ان كل شي مثالي ... لا اكيد يتهاوش مع امي احيانا .. تخرب طلعه من الطلعات .. لكن كان موجووووووووود بينا .. .. حسه يسوى الدنيا ومافيها
الى ان جاء يوم وقرر الزواج .. انقلب بيتنا فوق تحت .. ماراح اتكلم اكثر .. لكن راح ابونا اللي نعرفه .. تغير كثيييير الله المستعان .. طبعا امي طلبت الطلاق وحصلت عليه .. وابتعد عنا اكثر واكثر ..
خلاص لا سفرات ولا تمشيات ولا حس ابونا ولا حتى ينام عندنا
خلاص راح لها كله .. بعد زواجه جاه مرض السكري وصار عصصصبي
يصرف علينا مايقصر بس موب مثل اول
يجي يقعد معنا كأنه غريب ياخذ له فنجانين قهوه ويطلع
لنا سنيييين على هالحاله
اشوف عياله من زوجته الثانيه .. مااا اصدق انه خلاص كون عائله ثانيه .. بس والله احبهم وماراح تصدقون اذا قلت ان امي بعد تحببببهم تقول اطفال مالهم ذنب وهم يحبونا لدرجة اكبرهم دايم ينام عندنا .. ومع مين ؟ مع أمي في حضنها
اححححن كثييير يابنات لايامنا الحلوه
كل ما اتذكرها يعورني قلبي وادعي ربي يلم شملنا
اشياء كثيره ماقلتها اعطيتكم المختصر
اذا رحنا لاقاربنا وسمعت حس ابوهم ... ياااه اذكر ربي عليهم واتذكر ابووووي
اللحين في العيد اقاربنا مسافرين مع ابوانهم لديرتهم يتعيدون واحنا رافضين نروح
تدرون ليش
مانقدر نتشتت معهم ونذل انفسنا ونتوزع معهم في سياراتهم
العايله ماتصيرًمعززه مكرمه الا مع ابوهم او اذا عندهم اخو يتكفل بهم
عالعموووم عيدنا لحالنا ومع بعض حلوو وله طعم .. انا وامي وخواتي واخواني .. انا قلت هالكلام اللي فوق ما ابغى منكم يابنات حلووول .. ابغى شي وااحد
دعواتكم ان ربي يجمع شملنا ويحنن قلب ابوي علينا ويرزقنا المكانه العاليه في الدنيا والاخره .
وان ربي يرزقنا من فضله ويغنينا عن عباده امييين
الله يوفقكم ويسعدكم ومن العايدين والفايزين
يلزم عليك تسجيل الدخول أولًا لكتابة تعليق.
بقايآ حَـنـينْ
•
الله يحنن قلبك ابوكِ عليكم يارب ويلم شملكم ولا يفرقكم أبد
بحرالعنى
•
اختي يكفي انه عايش وبينكم اه والف اه لا سمعت كلمه الله يرحمه ويغفرله لابوي يفز قلبي واحس بغصه تحرقني الله يجمعني فيه وامي بجناته جنات النعيم
جتني الصيحه من كلامك 😭😭
الله يلم شملكم وإذا تقدرون قربو بين أبوكم وامكم وحاولو يرجعون لبعض .. وزواجه ربي حلله من سابع سما المهم العدل الله يحفظكم وييسر أمركم يارب
الله يلم شملكم وإذا تقدرون قربو بين أبوكم وامكم وحاولو يرجعون لبعض .. وزواجه ربي حلله من سابع سما المهم العدل الله يحفظكم وييسر أمركم يارب
الصفحة الأخيرة