ثلاث مرات يجون يشوفوني حريم ويطلعون:(

الأسرة والمجتمع

السلام عليكم

بنات نا عمري 24 ماعمري انخطبت من زواجات ولا اجتماعات وكل اللي جو يشوفوني الحريم عن طريق خطابات جو تقريبا ثلاث مرات وكلهم اذا شافوني يعتذرون بعدين ويقولون مافيه نصيب

ونسالهم قبل ماتجون وش شروطكم ويقولون ماعندنا شروط يا نبيها مودبه وستيره واحد يقول سنعه

ونوضح لهم اني مو بيضاء اذا يبون البياض والطول طولي متوسط

ويجون على اساس ماعندهم مشكله ويطلعون ادري الحمدلله خيره وشر ربي صرفه بس ليش الناس كذا وانا امي مطلقه وماعندي خوات اكبر مني فيكون استقبالهم في بيت جدتي وتطلع عليهم جدتي وانحرج مره والحمدلله على كل حال

ومو كل اللي جو عيال لا فيه منهم مطلق وعنده بنت ومع ذلك مارضوا

مدري الناس اللحين مايبون الا ملكات الجمال ولا وش السالفه

ياليت تفهموني والله يرزقكم ويفرج عليكم دنيا واخره

دعواتكم لي
45
14K

يلزم عليك تسجيل الدخول أولًا لكتابة تعليق.

تسجيل دخول

[المتفائلة]
[المتفائلة]
وعليكم السلام
عادي حبيبي
ربي كاتب لكل واحد رزقة
ومتى م جاء رزقك بتاخذينة وما احد حياخذ رزقك
زي م قال الحسن البصري (علمت أن رزقى لا يأخذه غيرى فاطمأن قلبى )
فخليكِ مؤمنة ب الله ومتوكلة عليه ومحسنة الظن فيه
وان ربي بإذن الله حيعوضك خير

وحاولي تشغلي وقت فراغك
ترى الفراغ هو اللي يجيب الافكار ذي
ومتى اتزوج ؟ ومتى اتوظف ؟ ومتى اخلف ؟ .. الخ
ربي كاتب كل شي عنده
فقط احنا نعمل ب الاسباب ونتوكل عليه حق التوكل
ام شرف
ام شرف
الله يسخرللك الخير حيث ماكان ويسعد قلبك يااارب ..
نور 20100
نور 20100
توكلي علي فالق الحب والنواء

نصيبك بيوصلك باذن الله
احاسيس منسيه
احاسيس منسيه
انا كثثثثثير جوني من ثالث متوسط انخطب انا لوني قمحي ومربربه جسمي وسط مو نحيفه ولا متينه شعري نص ظهري ويمكن جوني 18واحد يجون ويشوفوني ويطلعوون مره الرفض منهم مره منا الرفض المهم على اخر واحد ملييت وتعبت قلت لامي خلاص مابي اطلع مليت لاني عارفه بيرفضون ولا انا بي ارفض تعبت تعبت من جد ولبست حتى بنطلون اسود عادي ولبست بلوزه قطنيه وشعري استشورته مشي حالك والله ماكان لي نفس اطلع وربي ا لمهم جو خالاتي قالو يابنت غيري البلوزه قووومي وقمت البست بلوزه خوخيه ودخلت سلمت عليهم عادي وتتتتتم النصيب وربي وربك ماصدقت اقولك تعبت ماكان لي نفس بس الحمممدلله والحين متزوجه لي 8 شهور في العيد تزوجت
في القلب دكراهم
في القلب دكراهم
والله يا اختي اذا ما رضوا بالادب والستر والسنع دامه عندك فهم الغلطانين واصلا اخوي الله يرزقه من واسع فضله ويزوجه اطيب البنات واسنعهم يتمنى الي مثلك ويقول الي مثلك بأدبها وطيبها وسنعها اتوقع انقرضوا فما عليك منهم واهتمي بشكلك بعد عشان نفسك ان قدرتي مو عشان فلان ولا علان لان الي مثلك يستاهل انه يهتم بحاله