زوجي وجارتي والاكل 🍲

مساء الخير 💐
انا ساكنه جديده ماصار لي 6 شهور .. عندي جاره كبيره بعمرها و ما شفتها الا كم مره واستحي منها مره وهي احسها تبغاني ماعاد استحي منها ودايما تسالني عن احوالي وصحتي وتنصحني ولما زاروني تحلف علي ما اتعب نفسي طيبه مره وتعامل الكل بعفويه
المشكله انها اليوم ارسلت لي غدا مع خدامتها بوقت جيت زوجي من دوامه .. هي ماقالت لي انها بتجيب غدا ولا اي شي طبعا زوجي يكره هالسالفه مره وكان يحرجني مع جاراتي ببيتي الاول ويرجع الاكل لهم على طول 
واليوم لما شاف الاكل عصب وقالي نادي الخدامه ترجعه لهم قلت له عيب والله يخليك لا تفشلني معاها عادي بكره اسوي لهم غدا معانا وارسله لها بصحونها وخلاص طبعا وافق بعد جهد جهيد وترجي ونام وهو زعلان وقالي غير هالمره لو احد ارسل لنا شي ترا باخذه بنفسي وادق بابهم واعطيهم اياه
اللي ابغاه منكم .. كيف اخبرها اني مابيها ترسل لي اي شي بدون ما تتحسس مني ولا تزعل خصوصا اني توني متعرفه عليها واستحي بقوه 😔 
والله زوجي هذا طبعه ما يرضى حتى لو من اهله مره امه ارسلت معاي له اكل وبنص الطريق قلت له هذا الكيس فيه اكل لك من امك ويقلب وجهه ويتنرفز ورجع لبيت اهله رجع الاكل لهم