السلام عليكم
الموضوع مو للتفرج, فيه تفاصيل واجد للي تبي تسوي تقشير كيميائي بالبيت خطوة بخطوة, تحتفظ بالموضوع بالمفضلة...
استغرب من الاخوات الي يروحون للعيادات تدفع عالجلسة الواحدة 500 ريال !! والمشكلة التقشير ماهو شيء يتسوى بكم جلسه وخلاص انتهينا! شيء يبي له مداومة طول عمرك حتى تحافظين على النتايج... وممكن يستخدم لمناطق ثانية بالجسم...
الموضوع هذا عن "شلون تسوين تقشير كيميائي بالبيت وتخبين فلوسك لشيء اكثر فايدة !!" ... للكبار, الي تعدوا الـ 25 وبشرتهم "مو حساسة"...
مقسم لعدة اقسام:
(1) فائدة التقشير بشكل عام
(2) العدة + الطريقة خطوة بخطوة, قبل التقشير والتقشير ومابعد التقشير!
(3) تحذيرات عامة
(1)فائدة التقشير بشكل عام
- تحسين نسيج الجلد... شايفين البشرة لما تصير فيها مسامات زي البرتقال؟
- يعالج التجاعيد الخفيفة
- يساعد على سرعة تجديد الخلايا (لاننا اذا كبرنا بالسن الخلايا ماتعود تتجدد زي لما كنا صغار! فضروري نحفزها على التجديد بشكل مستمر)
- يعالج اثار الحبوب (التصبغات تحديدا)
- يخفف من افراز الدهون بالبشرة طول فترة الاستعمال... يعني البنات الي بشرتهم دهنية بيستفيدون من هالشيء... الي بشرتهم جافة لازم يحافظون على الترطيب المستمر
- يزيد نسبة انتاج الكولجن
(2) العدة + الطريقة خطوة بخطوة
أ) الحمض... ممكن تشترينه من النت قيمته ماتتعدى الاربع دولارات, الادارة ماراح تسمح احط رابط... انا انصح بالـ 70% جلايكولك
ب) كحول معقم لتعقيم الفرشة والاغراض الي بنستخدم
ج) صحن فيه ماء لغسل الوجه بعد التقشير
د) ملعقة بيكروبونات الصوديوم
ه) فازلين
و) مسحات الاذن
ز) قفازات
ح) فرشة!
ط) ساعة دجتل... افضل ماتستخدمين جوالك, حتى ماينكب عليه ماء او حمض
ي) 2 محقنة ابر مقاس 5 مل ...
ق) كريم خالي من المواد العطرية وخالي من اي شيء ممكن يهيج البشرة مثل فيتامين أ او سي... انا انصح بكريم الـ E45 او اي كريم واقي شمس دهني مافيه اضافات...
الطريقة: قبل التقشير
التقشير مدته 8 اسابيع... مرة كل اسبوع (انصحك تبدئين العد من لما توصلين للـ30% وتعدي ثمان اسابيع قبل تطلبين النتايج)... وبعدها انت قرري .. انا انصح مرة بالشهر ولا تزيدي... كثرة التقشير بيرقق بشرتك مؤقتا بفترة الاستخدام... فـ مرة بالشهر يكفي
(1) اول شغلة, لازم تختبرين بشرتك هل بتتحمله او لا, لان الي بشراتهم مرة حساسة ماراح يقدرون يستخدمونه... فـ سوي الطريقة الي بذكرها تحت ذراعك, بمنطقة ماتنشاف, حتى لو تحسست ماحد بيشوفها
(2) 24 ساعة قبل, سوي صنفرة خفيفة لبشرتك... بغسول خفيف, لا تدعكي بقوة... مهم ان الحمض يوصل للمنطقة كلها بشكل متساوي, ماتكون جهه من بشرتك مغطاه بجلد ميت وجهه لا!
(3) بيوم التقشير, عقمي كل الشغلات الي بتستخدميها, الفرشة, المحقنة, الكاسة الي بنخلط فيها الحمض... وكل شيء... خليها تجف... (الكحول يتبخر بسهولة, ماراح ياخذ وقت)
(4) خذي ملعقة بيكروبنات الصوديوم واخلطيها مع كمية ماء كافية لغسل وجهك بعد التقشير... (هذا يلغي مفعول الحمض ويوقفه)
(5) خذي مسحات الاذن مع الفازلين وكحلي عينك فيه (مو من داخل بس من الاطراف) حتى مايقرب الحمض صوبهم... مجرد خط رفيع, لان طبيعي تبين الحمض يجي تحت عينك اذا فيه تجاعيد... لكن مو لدرجة يدخل فيها للعين..
وايضا حطي فازلين على شفايفك وحول الشفايف بشوي... << منطقة حول الشفايف خاصة من الاعلى بتتحسس من الحمض شوي اذا درجته عالية
(6) نجي لموضوع خلط الحمض مع الماء! البسي قفازاتك.... لا تتهورين وتفكرين تحطين 70% حمض على وجهك! راح تحرقين بشرتك وانا ما اتحمل تبعات الموضوع...
استخدمي هالجدول في البداية مع مراعات بشرتك, لعدد جلسات خمسة وبعدها على حسب تحمل بشرتك زيدي النسبة والطبقات
ملاحظة: فيه ناس ماراح يحسون بالـ 10% لانها مررة خفيفة ولا بنغزات, وفيه ناس بيحسون فيها لان بشرتهم حساسة... لازم تبدئين بالتديج لين تتعود بشرتك وبعدها بتقدرين تحددين الي يناسبك... بس ابدئي بشويش ولا تستعجلي عالنتايج
انا حطيت الحسبة بالـ مل... استخدمي المحقنة لقياس الكمية حقت الماء والحمض وحطيهم بكاسة صغيرة واخلطيهم
(7) قبل بدء التقشير, ممكن تغسلي وجهك بالماء والغسول الخفيف (مو الصابون لان الصابون يجفف)... او تستخدمي مسحات طبية او تمسحي بالمعقم الي عندك حتى تشيلي الدهون الي موجودة... ضروري هالخطوة.. الدهون بتقلل من فاعلية الحمض
اثناء التقشير
الحين صار كل شيء جاهز... بشرتك جاهزه وممسوحه من الدهون... الماء والصوديوم جاهزين... الفازلين محدد المناطق الي مانبي الحمض يوصل لها... (اكتبي كل شيء بورقة وقبل ماتحطين الحمض على وجهك حطي علامة صح بجنب كل الشغلات الي ذكرتها حتى ماتكونين ناسية شيء)
(8) جهزي ساعتك وحطي الحمض بالفرشة على وجهك ابدئي من عند الجبهه وانزلي على باقي الوجه والرقبة... تحاشي اعلى الجفن لان ابدا ماتحتاجين الحمض فيه ولا تبين ينزل على عينك...
راح تحسين بنغزات وبتجيك حالة حكة عجيبة... لااااااا تحكين بشرتك والحمض عليها ولا بعد الحمض!! حلي عن سماها
ممكن تلاقين بعض المناطق زي الي بين الانف والفم حساسة, تقدري تتحاشيها في بعض الجلسات.. انت قرري الي يناسبك بس لا تستعجلي النتايج...
بعد التقشير
(9) اغسلي بالماء الي جهزناه... بعد كذا اشطفي وجهك كذا مرة بالماء الفاتر من غير صابون... لا تحطين صابون لمدة 24 ساعة... ولا تحطين مكياج لمدة ثلاث ايام ولا تبلشينها ولا تحكينها... ولا تعرضين نفسك للشمس ابد بهالفترة الا للضرورة الملحة... ولا تطلعين من غير واقي شمس...
الحين حطي كريم مرطب عليها (او واقي شمس لانه بالعادة دهني وانت تبين شيء يرطبها)... اذا بغيت تحطين فازلين فوق الكريم المرطب حطي... لكن الفازلين لحاله مايرطب, مجرد يحافظ على الرطوبة الي موجودة
بعد يمكن 3 ايام الى اسبوع, بتبدأ بشرتك تتقشر... لا تلمسينها ولا تحاولين تشيلين القشور.. خليها بنفسها تتخلص منه... اذا مر مرة ماقدرت والقشور كثيرة... خذي قطعة قماش مبلولة (او مناديل جونسن وماشابه) وامشي على بشرتك بشكل دائري خفيييف لا تحاولي تصنفري بقوة, لا تنسي وراك جلسه ثانية بعد كم يوم (لا تتكاسلي وتقولين بعد اسبوعين, العبرة من الشغل الاسبوعي لمدة شهرين ان بعد كل جلسه بتكون بشرتك بمرحلة جديدة حتى تتقبل الجلسة الي بعد, لو تاخرت بيرجع الجلد الميت يغطي على الي سويتيه بالجلسه الي قبل)
(3) تحذيرات عامة
ضروري تختبرين بشرتك قبل ماتسوين شيء, حتى تعرفين وش الاحساس الي تتوقعينه.. وحتى تشوفين اذا بشرتك بتتحسس او لا... غير ان الرهبة بتخف مع التجربة!
(1) اذا كنت تستخدمين الرتن أ, رتينول او الكيرتين توقفي قبل باسبوع (اي منتجات لـ فيتامين أ)... الي تستخدم حبوب الأكيوتين او ماشابه من مشتقات فيتامين أ ابد لا تقرب صوب التقشير لين تخلص فترة علاجها...
(2) الحامل ممكن تستخدم حمض الجلايكولك ماعندها مشكلة
(3) يفضل تسوين هالجلسات بايام الشتاء بعيدا عن الشمس والحر والحرارة!
(4) الي عندها روزيشا (احمرار بالوجه) ما انصح فيه
(5) الي بشرتها حساسة لا تقرب صوبة!
(6) الي بشرتها لسه تعرضت لحروق شمس او بشرتها متورته لاي سبب كان, لا تقرب صوبه!
وشكرا لكم!
ولا عزاء للعيادات الي اكلوا اموال الناس على شغلة ماتسوى