البارحة سويت حلى من تأليفي، شفت عندي مقادير لشيز كيك ناقصة... قلت يا ام حمدان شو ممكن تسوين فيهم...
وعندي مقادير ثانية... قلت يلا خليني ادخل المطبخ وكانت النتيجة.....
حلى سميته حلى الوادي الأحمر...
المقادير:
علبة بسكوت داجيستيف (نبيل)
نصف كوب حليب نيدو سائل (تخلطين ملعقة حليب مع نصف كوب ماء)
علبة ابل باي (بأي نكهة تحبينها) انا استخدمت الكرز، بس الفراولة ألذ
مقادير الكريمة:
2 علبة قشطة
2 علبة كريم كراميل
علبة قشطة الخفق اولكر (الحجم الصغير)
عدد 2 كيس دريم ويب
الطريقة:
أول شي خلطة الكريم:
تخلطينهم كلهم بالمضرب اليدوي أو بالخلاط اليدوي (أنا استخدمت اليدوي يعني من غير كهرباء)
وثاني شي:
تاخذين شويه من الخلطة وتمسحين البايركس
خذي حلقات البسكوت واغمسيهم بالحليب وحطيهم بالبايركس (بس طبقة وحدة)
صبي الخلطة على البسكوت، وحطيه بالثلاجة حتى تجمد ( بس أنا ما خليتها تجمد لان اللي عندي حاشريني يبون ياكلون)
وبعدين خذي علبة الفاكهه وحطيها على الخطلة
وبالعافية
ملاحظة:
راح تشوفين الخلطة عندي سائلة لاني ما خليتها تجمد، بس بعد لذيذة.. وبإمكانج لو خليتها تجمد تقطعينها حلقات تطلع ارقى
تفضلوا الصور...
ان شاءالله اول ما يتوفر عندي ابل باي راح اسويه..
تسلمييييييييييييييييييين :26: