كيف الحال خواتي,,
اليوم اضع بين ايدكن اطباقي المنوعه لفعاليه (المطبخ الخليجي)
اتمنى ان تحوز على رضاكم ,
طبق الاول (القبوط)
طريقة ومقاديرعمل القبوط
عجينة القبوط :
2 كوي ونص طحين أسمر او حسب الكمية
ماء فاتر حسب الحاجة
ملح / قليل من الكركم والفلفل الاسود
ربع كوب زيت
حشوة القبوط:
لحم مفروم حسب الكمية
بصل مقطع قطع صغيره
ملح فلفل أسود وقليل من بهارات اللحم
(-نحمس البصل مع اللحم المفروم والبهارات )
الطريقة :
يوضع مقدار طحين والمقادير السابقه وتعجن مع بعض حتى تصبح
العجينه مثل عجينه الفطائر و طبعا اذا كان العجينه لينه زيديها طحين ..ملاحظه مهمه( تترك العجينه لمدة ساعه او نص ساعه)
تفرد العجينه,,وترق جيدا
تقطع دائره صغيره (كلما كانت صغيره ورقيقه افضل وتستوي بسرعه والاهم شكلها احلى)
ويوضع قليل من الحشو وتقفل نص دائره وبعدين ممكن يشايل منها العجين الزايد وبعدين تقلق جيد مثل الكبه ..
ببعدها تحضر مرق اللحم أو الخضار واللي راح تسقط فيه القبوط حتى يستوى ...
يحضر المرق يتحمير البصل والثوم ثم اضافة الخضار حسب الرغبه ( جزر - بطاط - - فلفل أخضر حار )
ثم يضاف البهارات والملح وتحرك جيدا ثم يضاف لها معجون الطماطم وعصير الطماطم ويترك حتى يغلي,,
بعد ما يستوى المرق , نسقط القبوط فيه ونخليه على نار هادية الى ان ينضج ,
وبعدها يكون جاهز للتقديم ...
يتبع الرجاء عدم الرد,
( اوما يسمى باللهجة الكويتيه( العيش الاحمر او عيش طماط)
نسلق اللحم بالطريقه المعتادة واذا استوى انخليه على حنب,,
العيش,,
انحمر البصل بالزيت ونضيف البهارات م ك كل من (لومي مطحون ،بابريكا، حبة ماجي ،دارسين مطحون ، كمون كزبره ،بهار مشكل وملح حسب الرغبه )
نحمسهم عدل لما تطلع ريحة البهارات بعدين انضيف معجون الطماط(حسب الكميه ) ونحركه عدل وبعدين انضيف عصير الطماط
اخليه يطبخ زين بعدين اجبس عليه العيش(طبعا مغسول ومنقوع) اذا حسيت العيش يبيله ماي ازيده ماي
اذا نشف المرق اللي بالعيش احطه على نار هاديه لمده نص ساعه بهذي الاثناء ..
احمر بصل جوانج بالزيت واذا تحمرت احط عليها اللحم المسلوق واحركه عدل احط عليه شوية كركم واحركه وبعدين اضيف عليه ربع كوب ماي زعفران واحركه شوي شوي واخليه على نار هاديه لما ينشف ماي الورد
بطبق التقديم انجب العيش واحط فوقه اللحم وبالعافيه ,,
المرقوق الكويتي
العجينه
(كوبين طحين اسمر/ قليل من الزيت / ملح / م ص كركم / وملح وفلفل حسب الرغبه ) تعجن مع بعض وتترك ترتاح
نحمس البصل ومع شوية زيت واللحم
وبعدين نضع عليه البهارات ومعجون الطماط ونحركه وبعدين نضع عصير الطماط ونخليه يغلي
وبعدين انحط عليه الخضار حسب الرغبه (كوسا / جزر/ بطاط / فلفل اخضربارد وحار)
وبعدين نفرد العجينه ونقطعها دوائر ونحطها على المرقه ونحركه
ثم نحركه من فتره الى اخرى عشان ما يمسك في قاع ونقدمه ,,
يتبع الرجاء عدم الرد