السلام عليكم اخواتي
كيفكم ان شاء الله بخير
انا سبق وعملت اطفال انابيب + تلقيح مجهري مرتين والحمدلله على كل حال ماحصل حمل ،،، الله يعوض علي وعلى كل من تعب وسواها ومانجحت معاه
وكانت هذي تجربتي سطرتها لكم في موضوع لي :
http://forum.hawaaworld.com/showthread.php?t=432300&page=3&pp=40
وكانت الفاجعه ان المره الثانيه بعد انتظار شهر من تجميد الاجنه اني تفاجأت بالمستشفى يقولون لي ان جميع الاجنه السبعه توفت ولا عاش منها ولا احد الحمدلله على كل حال صليت لي ركعتين وبكيت والشكوى لله سبحانه الله يعوضني ويصبرني
والمصيبه الاكبر انهم توهم يقولون لي ان عندي تكيس بالمبايض وهذا كان بعدمااستفسرت وحققت مع دكتوري اللي ماسك حالتي ومتابع وضعي ( طبعا مادريت الا بعد المحاوله الثانيه اللي هو يوم ماكنسلوا ترجيع الاجنه لانها ماتت ) . وقال لي انهم ماشافوا شي في الاشعة اللي دايم تتسوى لمتابعة التبويض لانه احيانا التكيس مايبان وكمان قال لي ان التكيس يروح ويجي وانهم يستدلون به باعراض معينه ومنها الشعر الخفيف في الوجه زي حالتي يعني مع ان مافيني شي يذكر بس انا دلوعه وابي اصير زينه دايم ،، وقال لي بعد ان فيه اعراض ثانيه مثل زيادة الوزن وتاخر الدوره الشهريه
مع ان الدكتوره اللي كانت تتابع معي دايم في وقت انشغال الطبيب تقول انهم كانوا شايفينها وقت سحب البويضات والدكتوره هذي ماقالت لي ان فيني تكيس الا بعد ماوريتها شعر خفيف في وجهي سوت لي تحليل وقالت ان هرمون الذكوره مرتفع شوي بس ماقدر اعطيك ادويه للهرمون لين اعيد التحليل وعادته بعدين قالت لي انه سليم ومايحتاج ادويه وكانت الله يهديها ماتحب تتكلم كثير ولاتناقش واذا قلت لها شي واستفسرت تقول انتي موسوسه ؟؟؟؟ ( هالكلام طبعا قالته قبل يوم سحب البويضات في المحاوله الثانيه )
الان نجي للمشكله اللي اعاني منها يابنات عشان ما اطول عليكم ولا ادوخكم معي :
1/ التكيس اللي فيني ماعطوني له ادويه وقالوا انه يجي ويروح من نفسه مع انهم قالوا انه ربمايكون السبب في استثارة المبايض وقت السحب وتجمع المويه في البطن نفس مشكلتي اللي في الرابط اللي انا حاطته وقالوا ان هالشي استنتجوه من خلال الدراسات اللي طبقت على النساء في العالم
2/ بعد المحاولتين الاولى والثانيه في التلقيح صرت اكثر الاحيان احس بنغزات ووخز في المبايض واحيانا شد قوي
3 / قبل موعد الدوره يجيني احتقان شديد في الحوض واحس منطقة المبايض زي اللي بتتشقق
4 / صايره الدوره الله يكرمكم تألمني الم لايطاق واحس كان الرحم فيه جروح من داخل وصرت اول يوم تنزل فيه لازم اروح المستوصف واضرب ابره عشان تهدي الالم لانه صاير لايطاق ( لاتقولون كلمي الدكتور قلت لاكثر من واحد ومع ذلك يقولون ماله دخل في المحاولات من سحب وترجيع ) فهل ظنكم ان التكيس هو السبب في الالام الشديده هذي ،،، وبصراحه انا ناويه احجز مراجعة واشوف وش اللي صاير لي
5/ هل تنصحوني اسوي حجامه خاصه انهم يقولون فيني تكيس وكمان نسيت اقول لكم ان هرمون الحليب واصل حده عندي يعني ودي اسوي للحالتين بس خايفه بصراحه ولاادري عن احد ثقه يسويها ويضبطها فتكفون اللي تعرف بهالشي لاتبخل علي بمعلومات وتدلني على احد يسويها في الرياض
بس ابغى اعرف من اللي فيهم تكيس ومن اللي يتعالجون بالانابيب او المجهري هل زادت عليكم آلام الدوره الشهريه ؟؟؟؟؟؟؟؟ وهل تحسون بتقلصات في الحوض احيانا في الايام العاديه ؟؟؟ لان كل هذي الاشياء ماصارت لي الا بعد العلاج بالتلقيح واطفال الانابيب ،،، باختصار احس ان رحمي موب طبيعي بعدعمليات السحب خاصه اني اتعب كثير بعده
بصراحه يابنات انا ماعاد ادري وش اسوي احس اني كرهت العلاج كله وصرت اخاف من كلمة سحب البويضات من شي اشوفه منها !!!
تعبت يابنات والله اني اضحك واسوي نفسي عادي قدام زوجي واهلنا والناس والله سبحانه هو اللي عالم باللي في خاطري ،،،
مدام ماوراي سحب وترجيع نفسيتي ممتازه واذا كان عندي موعد على طول اتلخبط واتعب نفسيا وحتى يتغير شكل وجهي لاني اتعب تعب مايدري به الا الله سبحانه
بنات ارجوكم ارجوكم ارجوكم تجاوبون على استفساراتي وتساعدوني في حالتي ،،، تكفون يابنات
وجزاكم الله خير مقدما
dreamland @dreamland
عضوة جديدة
تكفون ساعدوني ( نداء للي فيهم تكيس + اللي يتعالجون بالتلقيح المجهري واطفال الانابيب )
27
7K
يلزم عليك تسجيل الدخول أولًا لكتابة تعليق.
جزاك الله خير حبيبتي والف شكر على مرورك
لا اله الا الله توكلت على الله ولاحول ولاقوة الا بالله العلي العظيم
استغفر الله واتوب اليه
رب لاتذرني فردا وانت خير الوارثين
لا اله الا الله توكلت على الله ولاحول ولاقوة الا بالله العلي العظيم
استغفر الله واتوب اليه
رب لاتذرني فردا وانت خير الوارثين
الله يعوضك و يصبرك ،،،، الله يرزقك و يرزقنا جميعا الذرية الصالحة
اللهم ازرع في رحمي جنينا ينبض بالحياة
اللهم ازرع في رحمي جنينا ينبض بالحياة
الصفحة الأخيرة
توكلي على الله
ان الله مع الصابرين
واكثري من الاستغفار وربي يرزقك وكل محروم يارب