اسمحولي كاتبه الموضوع وانا نفسيتي تعبانه....
من ظلم الامهات واهمالهم لعيالهم.....
(والله اللذي لا اله الا هو ان الامهات اللي بكتب
عنهن اعرفهن معرفه شخصيه).....
الله يعينكم علي وجع القلب اللي بتقرونه.....
وعشان ماتزيد علتي للي مايدري
(لا غيبه لمجهول)....
القصة الاولي للملقبة بام....
حماتي معجبة بثنتين من نسوان اخوانها....
وبطريقة تربيتهم وتعاملهم مع عيالهم....
الثنين خوات ببدأ بالكبيره....
تقول(والكلام لحماتي) تصدقين ان حنا مانشوف
عيال فلان(اخوها)....
الا لاصار عمره سنه.....
ها سنه ليه وشلون....
قالت من تطلع بولدها(تخلص النفاس) تسلمه خدامته...
تبدلة وترضعة وتغسلة ودايما بشقتها فوق...
ماينزل ابد...
واذا سالناها قالت ياناس بزر مو محتاج الا يرضع
ويرقد خلوه مع خدامته اريحله واهدأ...
بعد ماطلعت الاخت من الاربعين بولدها الخامس
راحت تاخذ فترة نقاهه مع رجلها وتركت عيالها
كلهم رغم ان عندهم مدارس....حتي المولود
سالت حماتي تركتهم عند من...... قالت نسيتي خالتهم
قلت بتقدر عليهم عاد...
ومن قالك انها اتعبت عمرها....
الاسبوع اللي سافرته امهم خلتهم يغيبون...
والباقي كلة علي الخدامه طبعا....
القصة الثانيه للملقبة بام....
طبعا اخت الاولي...
الحمدلله اللذي عافانا مما ابتلاهم فيه...
تقولي (حماتي) تصدقين اخوي(اخوها الثاني) يقول انتي مشقيه
عمرك وين مارحتي ماخذه هالبزر معك(يقصد بنتها)....
في ذمتك بنتك هالحين تدري هي في بيتك والا
عندنا....يقول المفروض تكرمين الخدامه...
وتقطين البزر عليها لين يكبر ويعرف بعدين
حياه الله....يروح معك
قلتلها ماشاءالله ومنين جايب هالثقافة العجيبه
قالت من عياله....
من تجيبهم امهم ماتعرفهم الا فالاربعين...
بعدين علي طول حتي مرقدهم مع الخدامه
ياسلااااام وهي وش عندها...
قالت تفضي لرجلها ولعمرها....
(انتهي كلام حماتي)....
..............................................
ولده هالمره مسكين ياقلبي عليه....يجنن ماشاءالله
دايم دايم مريض وام رجلها تتحلطم.... (من حقها والله)...
تقول اكيد بيمرض طول يومه مقطوط مع الخدامه
وهي من بيت لبيت.....
واذا رحت اشوفه....
القي الخدامه تنود وراسها يلوح من النوم والغرفة نار
من الدفايه والولد يحوس بهالغرفة....
(الولد الربو ذابحة ذبح ودايم صدره تعبان)....
حتي لما يكون مرقد فالمستشفي اول ما يطلع
تقطة علي الخدامه وتروح تفرفر بهالبيوت....
القصة الثالثة للملقبة بام....
جابت بنت وبعدين قعدت خمس سنين....
معاد الله رزقها تكلمني شخصيا تقول....
ماتتخيلين شلون احب البزران اموت فيهم....
المهم ربي فتحها عليها وجابت بنت ثانيه
والسنه اللي بعدها بنت والسنه اللي بعدها ولد
وكلوووووولبهم مع امهم الخدامه وهي تسير
وتجلس معنا بكل اريحيه تسولف وتضحك
وبنتها ام شهر مع الخدامه....والام عايشه حياتها
جزاها الله خير جايبه بنتها الكبيره اللي فالابتدائي معها....
وابشركم انها حامل الحين بتجيب للخدامه ولد
جعلة يتربي بعز خدامتها ان شاءالله....
(الام فالعشرينات للحين)....
القصة الرابعة للملقبة بام.....
مرة اخوي فالتحفيظ تقول فلانة جاتنا....
توها قايمة من النوم....
(التحفيظ الساعة ثلاث العصر)....
ومتواعده بعد المغرب تروح تحضر محاضره
عند وحده ببيتها وبعدين فالليل بيمرون وحده
(لنفرض انها غدتهم بعد مرجعوا من المدارس بعدين قيلت وقامت علي وقت التحفيظ.....
وعندها هالمشاوير كلها متي تقعد مع عيالها).....
ولدها فالابتدائي طول اليوم فالشارع....
الولد هالسنة اولي متوسط والولد وسييييم
ومريض فالقلب....
والبنات مسيرات عند صديقاتهن علي قول امهن
تدق علي الخدامه ها فلانه جات والا للحين....
طيب وفلانه رجعت....
قلت لمرة اخوي يمكن هالمره بس صدف انها مرتبطة
مع اكثر من مره....
قالت كان مستغربت وعلمتك دايما كذا....
ياتتفق علي الطلعة وهي فالتحفيظ او تقول البارح
كنا عند ال فلان ....
ومرات عمتها(ام رجلها) ساكنة معهم وتجي التحفيظ
تقول.... عقب ما طلعنا من التحفيظ كنا معزومات
وعلي هالحال....
حتي لو مو كل يوم اوقات كثيره....
.........................................................
هالانسانه الله يهديني واياها....
تزوجت كبيره وتجيب بعمليات وعشان تلحق العمر
تعرض نفسها للمخاطر تجيبهم وري بعض عندها
خمسة ماشاءالله... الله يحفظهم....
وطرحت(سقطت) كثرهم او اكثر...
وامها متوفيه الله يرحمها ماعندها احد يقوم فيها
وما كان عندها خدامه....
واول ماجابت الخدامة كلة انقط عليها....
(ذكرت وضع الام عشان تعرفون كبر المعانات
اللي عانتها عشان تجيب هالعيال)....
وعندي نماذج اكثر عن اهمال والظلم لعيالنا.....
فيني غصة وحزن والم ليه حرام والله حرااااام....
وشالحكمة من انك تجيبين عيال اذا منتي مربيتهم....
عيالنا ثرواتنا الحقيقية راس مالنا....
جبال من الاجور والحسنات ملك يدينا...
اربيه اهذبه واشربه الدين والقيم...
اجعلها تختلط مع لحمة وعظمه....
بعدين اطلب ولد صالح بار.....
جنبنا جار انسان عادي حليق اللحيه....
وعنده ستلايت .....لكن
الغريب يصلي كل الفروض فالمسجد
حتي الفجر...
سالة واحد قالة غريبه يابوفلان
انت مايطوفك فرض حتي الفجر جماعة
قال ابوي كان ياخذني المسجد من كان عمري
ست سنين....
يتبع...
(ما يطلع شاب الا ماكل(ن) شباب).....
ام يعني....
فهالعمر اكون غارق بحنانها وتدليلها وعنايتها....
عينها تحرسني بعد عين الله....
عينها موعين....(ستي)
تعلمني اول مبدأ الكلام ....
بسم الله قبل اشرب
او آكل والحمدلله بعد ما انتهي....
تعتني بنظافتي ونوعيه غذائي .....
تتفقدني تنبه لنموي ولعظمي واستقامته....
ولنظرتي واستجابتي وتفاعلي مع الحركات ....
(هالامر مايكون الا اذا كانت بقربي)....
ام يعني....
فهالعمر تخاطبني تكلمني .... تبدأ تبني شخصيتي
العلم النفسي يقول تاخذ راي الطفل اذا وصل عمره
ثلاث سنين....
تعلمني مشاركة الاخرين بالعابي وعدم الانانيه....
اذا عاقبتي تعلمني بالاسباب....
وتقولي عاقبتك مو لاني ما احبك....
عاقبتك لانك غلطتي وتبين سبب العقاب
في كل عقاب يكون نفس الكلام ونفس العباره
انها تحبني بس انا غلطت.....
تهياني للروضة وتحكيلي عنها وتشوقني لها .....
عشان ما يكون افتراقي عنها صدمة لي ترافقني
سنوات من عمري...حتي باحلامي
ام يعني....
فهالعمر اكون بديت حياتي العمليه....
تعلمني احترام معلماتي ومشاركة زملائي....
وتهياني للدراسه الحقيقية بعد لعب الروضه....
تكون صريحة معي....
عشان اثق فيها تقول الابتدائي غير..... دراسه
يعني عمل وان كان فيها تعب والتزام وواجبات
عشان تكون مثلنا معشر الكبار تقرأ وتكتب
انا وابوك مرينا باللي تمرين فيه الحين ورحنا المدرسه
وكتبنا وحلينا ودرسنا ونمنا بدري...
لازم الصراحة والوضوح انا مجربه هالشي
وخلا بناتي يتقبلون ضغط الدراسه...
عندنا الدراسه ضغط ويوم طويل....
الصلاه وما ادراك ما الصلاه....
اهم مافي الوجود ومعني الوجود ومعني الحياة
والقران...
في طريقة اتبعها مع بناتي....
اذا بغيت احفظهم سوره من القرآن اشوقهم لها
اقول في سور تجنن بحفظكياها بعدين....
اسمعي اسمعي وشرايك تجنن صح....
تقول يالله يمه الحين اقول لا بعدين...
واخليها هي تترجاني عشان احفظها هالسوره....
الصدقة وفعل الخير احترام الوالدين وجميع الناس
احترام الخادمه....
تنظيف غرفتها والمكان اللي هي فيه.....
فهالعمر اعلمها ان جسمها ملكها هي وحدها....
وان سلوكها وادبها واحترامها يميزها عن غيرها...
اعلمها تاخذ حقها ولاتخاف ولاتسكت اذا انظلمت
وتعلمني وتعلم ابوها اذا لاسمح الله تعرضت لشي
لانه ماراح يقع عليها عقاب....
احتوي طفلتي امتزج معها...
اصبر واصبر واصبر علي ثرثرتها عن افعالها
واللي واجهته طول يومها الدراسي.....
اخليها تختار وتتحمل نتيجة اختيارها.....
تختار بعض اغراضها الشخصيه....
بعد ما اعودها علي النوم مبكر اخليها
تتمرد اخر الاسبوع وتنام متاخر واقومها بكل حزم
الصبح....
الحكمة....عشان تعرف ليه انا اخليها تنام بدري
لازم انبها واعلمها واقولها شفتي الفرق كنتي تعبانه
فالمدرسه وفيك النوم صح....
حكمة اخر الاسبوع لانها تقدر تنام شوي بعد ماترجع من المدرسه وما يكون وراها شي...
التربيه يعني تجارب وفشل ونجاح شي عملي واقعي ووملموس
ام يعني....
فهالعمر تهياني للتغيرات اللي بتطرأ علي جسمي....
ومشاعري ونفسيتي تكلمني عن المراهقة بشكل مباشر
ونفسيه المراهق تغرقني بحنانها تضمني لصدرها
وتخليني اقرب من انفاسها الي ان تمر هالفتره العصيبه
من عمري بسلام....
تعلمني النظافة الشخصيه والعنايه الصحيحة بنفسي
تعلمني الثقل والحفاظ علي اسراري واسرار عائلتي
تعمني ان الستر والعفاف اغلي الاثواب واثمنها....
افهمها حقيقة الممثلات والعارضات وملكات الجمال
بدال ماتنظر لهن علي انهن قدوه تنظر لهن علي انهن....
رخصيات يبيعون ارخص السلع....
انا جميلة بديني وعلمني وقلبي النظيف الطاهر
الخالي من الغيره والحسد لاخواتي ولغيري....
تعلمني اني مساويه لجميع اخوتي وكلهم في داخل الروح مستقرهم....
تكون امي بعد زواجي وانجابي تحفظ اسراري وتحب اطفالي
تضمني الي صدرها وانا فالاربعين من عمري فانا طفلتها
لو ما كبحت جماح الكلمات لامتد الموضوع لعشرات
الصفحات....
اسال الله ان تكون امومتنا سبب لدخونا الجنه.....
تم بحمدالله...