اللهم لك الحمد حمدا ً كثيراً طيباً مباركاً فيه
ماشــاء الله لاقوة إلا بالله
اليوم حبيت أكتب لكم حكايتي بالتفصيل مع عملية الليزك
لأن فيه بنات طلبوني أكتب تجربتي بعد العمليه ولأن غرضي أولاً وأخيراً
إفادة البنات اللي بحاجه لمثل هالمعلومات لأني كنت محتاره وخايفه قبل العمليه وكن أحب أقرى تجارب بنات سووا العمليه
وطبعاً انا باذكر كل شي بالتفصيل الممل وان شاء الله تستفيدون من تجربتي البسيطه
في البداية أنا كنت ناويه أسوي العمليه في الرياض وحجزت في مستشفى الحبيب
وفي مركز الحكماء على أساس أختار واحد منهم لكن سبحان الله كان نصيبي اسوي
العمليه في مستشفى سلميان فقيه في جده..
وفعلاً يوم السبت اللي فات كنت في موعدي مع الدكتور الرائع بمعنى الكلمه د هشام حسني
وأنا اخترت هالدكتور لان أختي سوت العمليه عند ذا الدكتور قبل سبع شهور تقريباً ونصحتني اروحله ولما رحت وشفت كيف تعامله حمدت ربي اني مارحت لأي دكتور غيره وصدقوني اللي
بتروح لذا الدكتور راح تتذكر كلامي .. المهم
سوى لي الفحوصات الأوليه وكان كل شي طبيعي الحمد لله وبعد ماقاس نظري وانتهى حط في عيوني قطره تحررررق مررره عشان تتوسع العين ويشوف قاع العين و...الخ
المهم بعد كل عشر دقايق تجي الممرضه وتحط ذي القطره وبعد ماحطتها لي 3 مرات تقريباً
كشف الدكتور على عيوني وشاف كل شي سليم وقرر العمليه اليوم التالي اللي هو يوم الأحد بتاريخ 6/2/2011م
وفعلاً رحت يوم الأحد ولقيت الدكتور ينتظرني في غرفة العمليات لأن هو لما عرف إنه احنا جايين من الرياض خصيصاً عشان هالدكتور قال اول وحده أعمل لها العمليه أنا
والله يسعده ويوفقه وين ماراح في عمري ماشفت طيبة وسماحه قلب مثل هالدكتور يدخل القلب
المهم لبست لبس العمليه وكان كل شي معقم وانسدحت على السرير
وتعالوا دوروني بدى قلبي يطربق طربقه
المهم فتح عيني بالآله ونقزت نقزه مجنونه :35:قالي فيه إيه يامدام انتِ حاسه بحاجه يوجعك شي قلتله لحظه عيوني فيها حراره وانا الخوووووووف ذابحني:icon8:
المهم قالي استريحي واقري آية الكرسي وانا كنت بس اردد في الاستغفار وآية الكرسي المهم
ابتدت اول خطوه قطرات مخدره وبعدها دخل حاجه زي الابره يحدد فيها القرنيه وبعدها جاب حاجه بلاستك وبدى يحرك في عيني والحمد لله ماكان في وجع يذكر وبعدها جات المرحله الصعبه حط جهاز يمشي على عيوني من بداية العين لنهايتها وبعدها اختفت الرؤيه تماما وكن أشم ريحة شي محترق :44:
وبعد ماراح الجهاز رجعت الرؤيه تدريجياً وقالي الحين تركزين نظرك على الضوء الأخضر لمدة 10 ثواني وكنت مركزه مزبوووووط وبعدها قال خلاص انتهينا من العين اليمين وغطى عيوني بشاش وراح لعيني اليسرى
وتمت الخطوات بالزبط مثل عيني اليمين وبعد ماانتهى من العمليه جلست وركب قطع بلا ستيكيه على عيوني عشان مالمس العين ابداً
ومشتني الممرضه لين غرفة الملابس وفسخت ملابس العمليه ولبست عبايتي وطلعت وكان في انتظاري زوجي وحطيت نظارات شمسيه لان الوقت كان في عز الظهر ومالازم اطلع في الشمس ابداً
المهم كتب لي ذي القطرات < زيمار م> + < ألليرجان برد فورت > كل ساعتين قطره
وقطرات دموع صناعيه < مرطبه > كل 4 ساعات
وقاللي لازم تنامين بعد العمليه وقلتله إذا ماجاني نوم لأني أعرف نفسي إذا كنت مجبوره عالنوم مستحيييييييل أنام قال لازم وخذي حبوب منومه
وراح زوجي للصيدليه وجاب لي حبوب < سونجا نايت > منومه طبيعيه ومامنها اضرار
واخذت حبتين من الحبوب ولا شفت النوووووم ابدا ً الا يمكن 10 دقائق فقط:blink: < قايلتلكم معقَده :mad:
وكانت عيوني تحرقني موووووووووت وماكنت قادره افتحها مره من الحراره والحمد لله بعد سبع ساعات تقريباً
خف الوجع وكانت الرؤيه طبيعيه بس فيه شوية غشاوه
والحمد لله رب العالمين أنا لي اليوم اربع أيام من يوم عملت العمليه ومستمره على القطرات والبس النظاره الشمسيه عشان النور لايتعب عيوني وعند النوم اركب القطع اللي حطها على عيوني بعد العمليه
عشان وقت النوم الواحد مايدري ممكن يلمس العين ويحركها وهذا خطر عالعين في الأيام الأولى
هذي كل تجربتي والشكر لله أولاً وأخيراً ثم للدكتور الرائع على تعامله الذوق
ويشهد الله إني ما أعرفه معرفه شخصيه بس يوم قابلته شفت الطيبه اللي من زمان انقرضت
وأي وحده حابه تعمل العمليه لاتفكر ولاتحتار غير دكتور هشام لاتختار:icon31:
الله يعطيه العافيه إن شاء الله
وطبعاً تكاليف العمليه كلها ب6200 ريال
وأي استفسار أنا في الخدمه :biggrin: