نـور الفجـر @nor_alfgr_4
عضوة مميزة
كب كيك الروتي الاسمر لذييييييييذ
السلام عليكم ورحمة الله وبركاته
وصفة حلوة وسهلة ولذيذة ماشالله
الطريقة اول شي شغلي الفرن من تحت
وابدي على طول في التحضير
ناخذ اربع حبات روتي اسمر
احطهم في الخلاط وافرمهم ناعم
بعدين اخليهم على جنب
واخلط 3 بيضات اذا كانوا البيض صغار وبيضتين اذا كانوا كبار
انا كل مرة اسوي بيضتين بس هالمرة سويتهم ثلاث لان شفتهم صغار يحليلهم:27:
المهم نخلط البيض مع 3 فناجين قهوة سكر ونص كوب زيت وملعقة طعام هيل ناعم كلش
بعدين اضيف كوب جوز الهند وكوب لبن واخلط
ونص كوب فستق مطحون او مكسرات مخلوطة مطحونة اللي يعجبكم انا كل مرة اشكل
واحيانا اخلي المكسرات كوب وجوز الهند نص كوب
وفي كل المرات لذيذة وحلوة
واخر شي اضيف ملعقة صغيرة بيكنغ باودر واخلط
ويعدين اصبه في ورق الكب كيك وفي الفرن لين يستوي وفي الاخير اولع من فوق حتى يتحمر الوجه
ممكن نزين الوجه بالسمسم او رقائق اللوز او اي شي
او ممكن بدون تزيين وهذا المطلوب عندنا
وبعدما استوى ماشالله يجننن وريحة المطبخ تصير روعة
ومع القهوة او الكرك ياسلااااااام
بالعافية وان شالله تعجبكم
عندي احساس قوي انها وباذن الله بتعجبكم :35:لانها ماشالله عجبت اللي عندي كلهم الله يحفظهم:cook:
131
26K
يلزم عليك تسجيل الدخول أولًا لكتابة تعليق.
المزيونة 2009
•
تسلم الايادي يالغلا
الصفحة الأخيرة