السلام عليكم
كيفكم ياحوائياات
عندي سر صغير حابة أقوله لكم وقلت أفيدكم زي مااستفدت منكم ومن منطلق (لايؤمن أحدكم حتى يحب لغيره مايحب لنفسه)
هذا السر يهم حواء وخاصة لما يكون عندها مناسبة
وزي مايقولون الحاجة أم الإختراع
السالفة ومافيها أنو صديقتي دقت علي بتزورني وماكان عندي فحم فجأة تذكرت انو عندي جهاز لطرد النامس اللي على شكل شرائح وحطيت بدل الشرائح بخوروشغلتها وخليتها تحت الطاولة بين الكنب بحيث ماتبان لأحد
والله يابنات ريحة البيت كلها بخور...لا وريحة تجنن طول الوقت ريحة روووعة بدون الريحة اللي تكتم من إحتراق البخور وهوعلى الفحم وصديقتي تقول وريني بخورك ريحته خيال وكأنك توك مبخرة قلت لها هونفسه قالت مستحيل انه نفس بخورك العادي ولأنها صديقتي طبعا علمتها ومن يومها وأنا وهي معتمدين هالطريقة
وهذي صورة جهاز الشرائح للي مايعرفه
وهالفكرة أوحت لي بفكرة أروع وهي الاستفادة من جهاز طارد النامس السائل بعد تنظيف علبة السائل وإعادة تعبأتها بأي عطر زيتي.. أنا أعبيها من السائل تبع الفواحات اللي من ذا بدي شوب وش أقولكم روووعة إذا جاك أحد بس تكبسين زر التشغيل وادعي لي
على فكرة بخوري هو بخور إماراتي من بانافع
ادعولي أن الله يجعل لي ولكم من أزواجنا وذرياتنا قرة أعين ويرزقنا من حيث لانحتسب
واللي يعجبها موضوعي تضع بصمتها عليه
دمتم بود