وش اخباركم ياحلوات
هذي سلمكم الله كيكتي معتمدتها من زماااااااااان
سهله ولذيذه ولا فيها خرابيط زي شوكولاته
والتوفي والنستله ,,مافيها شي ساده ومثل حق زماااااان لان طريقتها خذتها من جدتي العزيزه
وأدمنتها انا واهل بيتي >>>>>ياشين المدح:04:
يالله حبايبي إمشو معي خطوه بخطوه
بسم الله نبدأ
المقادير :
كاس وربع سكر +كاس زيت+كاس حليب سايل (خمس ملاعق حليب مذوبه في كاس ماء +4بيضات وعلبة فانيليا +وكاس ونصف دقيق +ملعقه صغيره ونص بيكنج بودر +زبيب )
وهذي صورة البيض مع الفانيليا مع بعض
ألحين نحط السكر مع الفانيليا والبيض ونخفقهم
وهنا لما خفقناهم زين
نستمر في الخفق لما يصير المزيج بهذا الشكل
الحين نضيف الزيت كله
ونستمر في الخلط
ثم نضيف الحليب السايل
ونستمر في الخفق ,,ونسيت أقولكم ترى الخفق يكون بجهه وحده يعني بشكل دائري من اليسار لليمين أو العكس ممنوع تغيير الإتجاه
وهنا استمرينا بالخفق
تابع
بليز لاحد يررررررررد
ونستمر في الخفق لمدة دقيقتين ثم نضيف الدقيق والبيكنج بودر لكن بالتدريج شوي شوي
بعد مااضفنا الدقيق نستمر في الخفق لمدة دقيقتين وفي نفس الإتجاه وبعدين نوقف الخلط ونضيف الزبيب
ونحركه بالملعقه بشكل سريع مع الخليط ونسكبه في الصينيه المدهونه بشوية زيت
وهنا لما دخلنا الصينيه الفرن ,طبعا الفرن نكون مشغلين النار من قبل ونار هاديه عشان لما ندخل الكيكه يكون الفرن حاااااار
ونخلي الكيكه بالفرن من 40 إلى 45 دقيقه والشبك بالوسط مثل الصوره ,,والنار هاااااديه ,,وبعد 40 دقيقه نفتح الفرن
شوفو كيف شكل الكيكه
حمريها من فوق وتطلع لك بهذا الشكل
خليها شوي تبرد وإقلبيها وهنا لما قلبتها
وهذي بعد وااااااااااااااااار تهبببببببل يازينها مع الشاهي
شفتو كيف من جوا بيضاء وزي القطن وريحتها جنااااااااااان
وهذي 3 قطع لاول وحده ترد
اخيرا
إن شاءالله يكون شرحي واضح والصور بعد واضحه
لاتنسوني من صالح دعائكم
اختكم النظره المكسوره