العصيده الحضرميه بالتمروحصريا لمنتدى عالم حواء وبالصور من مطبخي

]https://d2s63a22uzwg40.cloudfront.net/PE/2008/12/22/04/870582562hh8-1.gif" target="_blank">http://img186.imageshack.us/img186/2461/870582562hh8.gif"]https://d2s63a22uzwg40.cloudfront.net/PE/2008/12/22/04/870582562hh8-1.gif





https://d2s63a22uzwg40.cloudfront.net/PE/2010/10/10/06/713599gidcqc66ex-1.gif" target="_blank">http://i9.glitter-graphics.org/pub/713/713599gidcqc66ex.gif"]https://d2s63a22uzwg40.cloudfront.net/PE/2010/10/10/06/713599gidcqc66ex-1.gif


اليوم جبت ليكم طريقة عمل العصيده الحضرميه وبالصور من مطبخي وحصريا لمنتدى عالم حواء ان شاءالله تعجبكم باذن الله انا سويت بحث في المنتدى عالم حواء عنها يوم كنت اريد اتعلمها وماحصلت ......والله يخلي زوجة اخوي علمتها لي على التلفون وقلت ماببخل في تعليمها لبنات منتدى عالم حواء حبيبات قلبي ......



المقادير:-



4كوب دقيق جميع الاستخدمات و4كوب دقيق اسمراو احمر الي هو طحين البر ...


تمر كيلو تقريبا


وكوب سكر وومكن تزيدين على حسب ماتحبين حلاوتها ...


ملح ملعقه اكل

زيت سمسم ضروري من غيره ماتنفع العصيده


حيدوان تقريبا فنجان القهوه مطحون (والحيدوان نوع من انواع البهارات يشبه حبوب الكمون بس على شكل اصغر والحضارم يعرفونه وتحصلونه في اي محل يبيع المنتجات اليمنيه او تحصلونه عند اي وحده حضرميه والحيدوان يعمل على ان تكون العصيده تتمطط وتكون لينه وحلوه وقت الاكل )

12كوب وممكن تزيدين في كميه الماء حتى نعمل المديد الخاص بعمل العصيده او التشريبه الي بنشرب فيها الدقيق وقت مانعمل العصيده..


معصاد او اي نوع من الملاعق الخشبيه


الطريقة:-

اول شئ نعمل المديد او التشريبه للعصيده وهو وضع التمر في قدر على النار مع الماء والسكر حتى يذوب التمر واذا استخدمتي تمر فيه نوى حطي في بالك انه بعدين بتشخلينه في منخل او مشخال لانه نريد الماء التمر فقط وانا استخدمت تمر من غير نوى الي يكون معجون واستخدمه في تمرتي العجيبه:27:


نطحن في المطحنه القهوه الحيدوان الي هو بهارات العصيده حتى يصير مثل البودرة وناخذ منه فنجان قهوه للكميه الدقيق الي عندنا .


نجيب طاسه او صحن كبير ونضع الدقيق النوعين مع بعض والملح والحيدوان والصور بتشفونها تحت مرفقه .. ونخلطه مع بعضهم المواد الناشفه


نضع المواد الناشفه في قدر يكون واسع ونضع من التشريبه او المديد تقريبا 3كاسات على الدقيق انا استخدمت ملعقه الشربه الي تكون نصف دائره عرفتوها ونخلطه زين مازين حتى يصبح لدينا عجينه مافيها دقيق غير خفيف وهذا الشئ يباله قوه بصراحة عضلات يعني :icon33: واتركيه على النار مع وضع مغرفه اي هي ملعقه الشربه او 2من المديد على الدقيق ونتركه على النار بعد مانغطيه بس لاتبعدين عنه وكل 10 دقائق لازم تخلطين العجينه في القدر ولازم تنزليها في الارض حتى تسهلين تدخيل العجينه مع بعضها في القدر ونرجعها على النار ونضع بعد مديد نفس الشئ 3ملاعق او اكثر على حسب ماتشوفين العجينه معاكي المهم ماتكون رخوه مره يعني مايكون فيها ماي زياده لانه كل 10 دقائق او ربع ساعه بتحطين من ماء التمر على العصيده تقريبا للكمه الي فوق جلست ساعه وانا اسوي فيها واخر شئ حطيتها في قدر عندي خاص بالهريس والعصيده يوجد فيه الة تخلط الاكل داخل القدر لانه العصيده تكلكعت معايا يعني فيها صار حبوب من الطحين مارضي يروح خلال عجنها في القدر للاسف ماعندي قوة ولاعضلات :35: بس هذا القدر بصراحة فادني كثير اشغل العجانه في القدر 5 دقائق الى 10 دقائق ويطلع الهريس او العصيده روعه ناعمه مافيه اي قطع من الدقيق ...

بعد مرور ساعه وحتى نعرف اذا العصيده صارت جاهزه جيبي طاسه او صحن عندك واحلى شئ الي يكون مصنوع من الخشب يمممممممممم يعطي لذه للعصيده وحطي فيه 4ملاعق اكل من زيت السمسم وخذي من القدر عصيده 4ملاعق اكل وادهني هذه العصيده بالزيت اذا شفتي طلعت فيها فقعات خفيفه من الزيت يعني مثل رغوة الصابون على شكل خفيف بتعرفين انها خلاص صالحه للتقديم واذا ماطلع اتركيه بعد 10 دقائق او ربع ساعه على النار بعدين خذي كميه من العصيده وتكوني داهنه الطاسه بزيت السمسم وحطي العصيده فيه وبعدين سايويها بيدك داخل الاسه بالضغط عليها بتكون حاره فخلي عندك في طاسه قليل من زيت السمسم وكل ماحسيت بالحراره حطي اصابعك في الزيت الحين بعد ماضغطي عليها في الطاسه امسكي الطاسه وهو فيه العصيده وحاولي تقلبين بشكل سريع العصيده على ايدك ورجعي العصيده بسرعه في الطاسه المهم حتى يكون شكلها حلو الشكل المقعر يكون فوق والي على شكل مستوي على تحت وبعدين اعملي حفره في الوسط باصابعك وحطي في الحفره زيت سمسم وقدميها وممكن بعد ينحط مع زيت السمسم في الحفره عسل وتقدم وهي ساخنه مره رهيبه في اوقات البرد او يوم تكون الوحده نفاس مره مغذيه وتدفئ والاطفال بعد يحبونها ...

وممكن تسوين كميه نفس مااسوي وتحطين منها وهي بارده في اكياس وحطيها في الفريزر ويوم تبين منها نزلي كيس من الفريزر واتركيه حتى يفك الثلج منه وسخنيها في القدر مع وضع اشوي ماي وحركيه في القدر وقدميها وبعد تقدرين تسخنيها في الميكرويف من غير ماي وتطلع ليكي كانك عملتيها جديده روعه والطعم خيال يابنات جربوها ...

وهي هديه لبنات منتدى عالم حواء وللحضرميات




اذا عجبك موضوعي اشكروني بالضغط على زر الشكر لاني تعبت في الموضوع بصراحه واسمحولي الصور صغيره صورت الطريقة بالجوال ...



(القدر الي استخدمته في عمل العصيده)





تــــــــــــــــــــــــــــابع الصور من تحت لاتردون حتى اخلص الموضوع ياحلوات