كيفكم صباااااايا .. ايش اخباركم .. عساااكم بخير..
عارفة المدرسة شاغلتكم عننا بس مايمنع تواجدكم معنا يزيد من حلاوة الموضوع.. لأنو يخصنا..
يللا بأدخل في الموضوع<<لا بدري..
طبعا الموقف اللي حأكتبوا لكم منتشر بطريقة غريبة بين الصبايا بذات..
يعني ماأعرف ليييش ؟؟ بس في ناااس تفكيرهم كذا..
يللا كان ياماكان .. في سالف العصر والأزمان ..
مايحلى الكلام إلا بذكر النبي عليه أفضل الصلاة والسلام..
في يوم من أيام العيد أتفقنا مع الصبايا إنو يوم الأربعاء بنروح الملاهي سوا لأنو يوم مخصص بالنساء..
وكمان عشان نفلها مع بعض ونبسط<<تموت في الفلة..
في هادا العيد ماتقبلنا كثير مع الصبايا مما أدى إلا تحمس الصبايا للفكرة<<أبو اللغة العربية..
المهم نسيت أقولكم أهم معلومة(خويتكم صوتها رايح كانت تعبانة شوية) بس مافوتت الهرجة..
وكنا في الأول لمن رحنا متشتتين بس كل شوية نتقابل مع وحدة من الصبايا .. ونسلم ونضحك وانتوا عارفين حركات البنات<<مايحتاج..
الين تجمعنا كلنا سوا..
وطبعا أحنا في الملاهي بس نمشي.. واحنا ماشييين<<بدأالموقف اتحمسوا ياصبايا..
ولى أختي قالت روزة شفي هادي البنت تشبه صاحبتي فلانة.. وأنا قلت فينها.. قالت هذيك<<ماكانت من طله..
ولى البنت قالت أيــــــــــــــــــــــــــش فييييييييييييييييييييييه..بصوت عاااااالي..
وفتحت يدينها..وأنا كذا:eek:.. ههههههههههههه
طالعت فيها قولتلها حبيبتي اشفيك بتدور أحد يطالع فيك عشان تضاربي معاه.. محد طالع فيك..
ولى البنت جن جنونها وقالتلي كلي...............<< ماني قايلة ايش فيكم سكتوا..ههههه أكيد عرفتوا ايييش قالت..
وأنا أطالع فيها صراحة بإستغراب..والناااااس يطالعوا فينا.. والبنت بدأت تسبني وتقول كلام مرررة غلط إنو يكون موجود بيننا:44:..
وصاحبتكم صوتها رايح:35:بس ماسكت وقلتلها حبيبتي إحنا مستوانا راقي ومانقول هذا الكلام احنا فوق ماينزل مستوانا لهادا الكلام..
والبنت ماخلت كلمة وسبة ماقلتها<<يالطيف..
وعاد أنا عصبت وإنتوا تعرفوني لا عصبت حتى إسمي أنساه<<لا لا مايحتاج تقولي..
وقلتلها حبيبتي روحي دوري على ناااس زيك يردوا بنفس كلامك واضاربي معاهم .. احنا مانقول هادا الكلام البيئة..
وبعدين خسرناها ومشينا وهيا ماشاء الله ماعندها فرامل ابدا<<سيارة الأخت..هههههههههه..
صبااااااااااياااااااااااا تخيلوا سوت هذا كله.. واحنا مو قصدنا عليها..
قصدنا على البنت اللي معاها..
تخيلوا إني ماشفت البنت تشبه صاحبة أختي ولى لأ:angry:ههههههه..
صبايا من جد ليش في هادي العقليات الين دحين إذا احد طالع فيك تضاربي معاه..
ولى تقولي ايييش مو عاجبتك.. صراحة هادي المواقف تصير كثر بذات في المدرسة..
يعني أنا صراحة إذا أحد طالع فيا أكتفي بالإبتسامة سواء أعرفها أو ماأعرفها..
تخيلوا كل وحدة تطالع في الثانية تضارب معاها على كذا نسوي غميمة:35:عشان لا أحد يشوف أحد..ههههه..
صراااحة أحسها حركة تقلل من شأنك بين الناااس..
وأنا دايما أحب أتبع مثل مشهور..
..((العـــــــــــــــــــين بحــــــــــــــــــــــــر))..
المهم صبايا طولت عليكم واستروا ماوجهتوا..هههههههه..
حبيت أشارك في الحملة..وحبيت تكون هادي القصة بذات عشان تكون مسلية أكثر من ماهي جدية وبنفس الوقت نستفيد من تجاربنا..<<ابو الفلسفة..
ونسيت أقولكم شي.. لانحكم على الناس من المظهر..
لا نحكم إلا عن تجربة عشناها معاهم.. عشان نحكم صح..
أتمنى نستفيد من أخطاء غيرنا عشان مانوقع فيها..
تقبلوا تحياتي..<<لاياشيخة بدري توا الناس..ههههههههه..
واللهم صلي وسلم على حبيبنا ونبينا محمد..
عليه أفضل الصلاة وأتم التسليم..