مدام وائل

مدام وائل @mdam_oayl

محررة برونزية

بيتنا غير فى شهر الخير..اتفضلى معانا ...مشاركتى فى المسابقة بأذن الله

التنظيف والتنظيم




بيتنا غير فى شهر الخير..اتفضلى معانا
رمضان....ايام قليلة ويأتى علينا بأذن الله شهر الخير





والشهر شهر عبادة شهر لية فرحة كبيرة غير اى ايام السنة حتى للى مش متيدنيين بس كل يبكى على ليلاه ههههههههه
ادهشنى من ايام لخبطة فى كل القنوات الدنية ومواعيدها وبرامجها والكل بيعتزر لانهم بيستعدوا لرمضان وبرامج رمضان
وعلى النقيض طبعا كل القنوات التانية مشغولة بـ "هذا المسلسل حصريا فى رمضان على قناة ......."

طيب احنا بقى فين من رمضان؟؟

السنة دى فكرت نكون مختلفيين فى رمضان قلبا وقالبا اذاى هأشرحلكم وطبعا فى انتظار المزيد من الأفكار

مثلا هنقول بيتنا فى رمضان
او تحديدا ديكور بيتنا فى رمضان ......
هو رمضان لية ديكور مخصوص ؟؟مش ديكور ديكور بس نقول لمسات رمضانية تشعرك بأذن فية جديد مميز فى البيت
ليكون مفرش سفرة بسيط ومييز.

.. فانوس نحاس



... تابلوه اللى بيكون على شكل سجادة علية ايات قرآنية...

سبحة نعلقها فى الحيطة ....

ادعية تطبع بشكل مميز وتتحط فى براويز صغيرة ف اماكن تواجد الضيسوف عندك او حتى اللى فى البيت...

شموع مميزة ...

مبخرة شيك وبخور طبعا مختلف عن طول السنة...او فواحة طبعا


وفى انتظار باقى افكاركم
طيب قبل ما نبدأ فى الديكور مش يكون البيت نظيف؟؟؟؟
العادة العجيبة ان الناس بتنظف على العيد على اعتبار انه عيد بس لازم يعملوا كده
وطيب ولية تستنى للعيد متبدأى من دلوقتى تنظيف شامل كامل لشهر رمضان غسيل سجاد وستائر وتنظيف الغرف تنظيف عميق جدااا وترتيب دواليب وترتيب دواليب المطبخ وتنظيم الثلاجة وتنظيف البوتجاز والفرن والميكروييف والغسالة وسبت الغسيل وتنظيف الحمامات بعمق وتنظيف دواليب السفرة (البفية)
ومن ضمن الديكور او لمسات البيت ف رمضان حاولى لو عندك اطباق غير اللى بتستعمليهاطلعيها او على الاقل كاسات مختلفة وكوبيات شكلها لذيذ مجات شوربة شيك وفية محلات رخيصة خالص فى الحاجات دى



ركبى سماعات الكمبيوتر فى مكان مميز فى البيت او حتى كاسيت بحيث يكون متنوع اذكار وقرآن و ممكن محاضرات مميزة وقصيرة المهم يكون المود فى رمضان مختلف





تانى نقطة حابة اتكلم فيها



**
تم اعادة تحميل الصور
الرجاء زيارة هذه الصفحة
كل مايخص الصور:تصغير:تحميل:حفظ
سمن وعسل
**
184
50K

يلزم عليك تسجيل الدخول أولًا لكتابة تعليق.

تسجيل دخول

مدام وائل
مدام وائل
ابنك ف رمضان

ابنك من عمر سنتين لازم يحس برمضان ..اتجننتى ؟؟!! اخلية يصوم يعنى ؟؟لاء طبعا
بس لازم يعرف ان فية شىء مميز فى الوقت ده فية رمضان
اذاى بقى خليكى معايا
الفتة دى بالنسبة لينا الكبار محبذ جدا الصيام وخصوصا اننا فى نصف الشهر
بالنسبة لى بدأت اربط ابنى لما يسألنى لية مش بتتغدى انتى بابا اقولة احنا صايميين ..طيب يعنى اية صايمين ؟يعنى مبنكلش ..لية؟علشان ربنا يحبنا بس كدا
ساعة قبل المغرب انادى علية واقوله لما المغرب يقول الله اكبر تعالى قولى علشان احط الفطار علشان نفطر واعمله طبق معانا حتى لو مأكلش واخلية يقعد معانا ويسمع دعاء الفطار

ليلة الرؤية حاولى تطلعى البلوكة وتقولى لابنك تعالى علشان نشوف هلال شهر رمضان طلع ولا لسة

طبعا مش هتشوفى حاجة ولا هلال ولا غيرة الموضوع مش بالبساطة دى بس الفكرة فى حد ذاتها ان نقوله ان فية شىء اسمه هلال رمضان

ونقوله فى وقتها تعالا نقول دعاء رؤية الهلال " اللَّهُمَّ أَهْلِلْهُ عَلَيْنَا بِالْيُمْنِ وَالْإِيمَانِ وَالسَّلَامَةِ وَالْإِسْلَامِ رَبِّي وَرَبُّكَ اللَّهُ"
فية كمان فكرة هايلة خلينا نتفق ان الطفل دنيتة اللعب والاصوات والاضاءة دى اللى بتفرحة ودى اللى بتعمله ربط بالحدث بشكل كبير

ماتيجوا نشترى النجوم المضيئة اللى بيجى فيها هلال ونجوم وفية منها لوب واشكال مختلفة –نفسى الاقى شكل فانوس- ونعلق النجوم والهلال فى الاوضة ونقوله بمفهوم بسيط ان ده هلال شهر رمضان وطبعا ممكن تنفيذ الفكرة على ورقة بيضاء حتى المهم ربط الفكرة فى رأسة بشىء ملموس ومحسوس لية

طبعا مش هاوصيكى الديسكتوب بتاعتك لازم يكون فيها صورة فانوس او هلال رمضان مع صورة الكعبة او حتى تكون مجموعه صور تتغير لان دى بتفرق مع عين الطفل يحس ان فية تغيير

من فترة قلت لكم على موضوع الدعاء مع الاطفال اقعدى فى وقت ليكى ولابنك دا لازم اصلا يكون يومى ان لية وقت خاص بيه معاكى فى وقتك ده قوليلة تعالى ندعى ربنا قول يارب وادعى باللى نفسك فية طبعا هيقول يارب شيكولاتة يارب لعبة عادى دى دنيتة وحاولى قدر المستطاع بعد شوية تجبيلة الحاجة اللى دعا بيها وتقوليله ربنا استجاب لدعائك ورزقك بكذا
بس دا يكون يوميا ف رمضان لازم تخلية يدعى ولو يقول يارب

برضو الاطفال يعنى لعب ولازم نكون مع العصر حاولى تدورى على العاب بسيطة للاطفال على الكمبيوتر تكون فيها بازل شكل فانوس فلاش فانوس بيغنى على الكمبيوتر
http://games.maktoob.com/game-2960
هتقوللى كدا بعدتى عن المعنى بالعكس المهم هو ربط الطفل بشىء كان حلو اسمة رمضان بحيث لما يكبر يكون فى ذهنة ان رمضان دا كان حلو اوى
يعنى وانا صغيرة مثلا كان فى رمضان لازم شوربة حروف عارفيناها اللى هى لسان عصفور وكل واحد منى انا واخواتى بيدور على حرفة ويأكلة بسرعه ونلعب
ولما كبرت شوية فى مرحلة 8 سنين مثلا ال فكراه انى كنت باخذ مصحف ذى بابا وماما وقرأ سورة يوسف بابا اللى كان يقولى لي تحديدا لانها قصة باستمر وباسأل فيها وهكذا

حاولى لو تقدرى لو بيجامة جديدة لابنك فى اول يوم رمضان بس يحس بالفرحة ولعبة صغيرة تقوليلوا هدية رمضان ولو كانت ب3جنية برضو هيفرح ويفتكرها
حاولى طبعا علشان الوقت تجيبى هدوم العيد من دلوقتى وبالتالى توفرى وقتك ف رمضان ودا هنتكلم عنه فى مكانه بأذن الله

لكن قولى لابنك ان رمضان لما يجى ماشى ربنا هيرزقك بهدية جديدة علشان دايما تبقى فاكار رمضان وكل لما يجى يلبس لبس العيد تفكرية بالمعنى ده



عارفيين ليا واحدة صحبتى ذكية اوى ربطت ابنها بالقرآن بشىء بسيط جدا كل لما ابنها يجى يبدأ فى سورة ف الحفظ او حتى يخلصها على حسب تجيب لعبة بسيطة ورخصية وتقوله اللعبة دى علشان حفظت سورة الضحى واللعب دى علشان سورة الزلزلة وهكذا ولما بيحب يلعب بلعبة منهم بيقولها تعالى نلعب باللعبة اللى جبتهالى لما حفظت سورة العصر وهكذا الولد طبعا كل يوم عايز يحفظ ولو جيتى تشوفى هتلاقى الموضوع ماديا بسيط لكن معنويا بالنسبة للطفل كبير

حاولى كل يوم قبل النوم او خلال اليوم تحكى قصة عن الطفل الجميل ....اللى ربنا بيحبة اوى وبيرزقة بحاجات جميلة لانه صام رمضان ولأنة اعطى المساكيين

لما تعملى حاجة للجيران للفطار او السحو خلية يروح معاكى ويفهم ان ده علشان رمضان والرسول علية الصلاة والسلام بيأمرنا اننا نحب الجار بدون دخول فى تفاصيل مجرد اسس بس

بعد رؤيى الهلال بتدأ الاتصالات التلفونية والتهانى

اشركى ابنك فى الموضوع وقوليلة يقول لجدة وجدتة كل سنة وانتوا طيبيين بمناسبة رمضان
كررى على مسامعه دايما رمضان كريم... الله أكرم

اعملى فى اوضتة فانوس من ورق كاتون او حتى من ورق القص واللزق
خلية يحس بالفرحة اوى ف الشهر دة


حاولى برضو تقولى باصلى التراويح امامة طبعا يعنى كل الفاظنا توحى بتغيير بمناسبة شهر الخير
حاولى كدا لو غلط غلطة بسيطة تسامحية وتقوليلة هسامحك بس علشان احنا فى رمضان

كمان في رجاء كلنا طبعا هيكون عندنا بروجرام دينى عالى بأذن الله بأهداف واضحة وخطة ومرسومة بأذن الله لكن الياكى تنهرى طفلك علشان عايزة تقرأى قرآن او ده وقت الصلاة بهدوء حالوى فهمية لو اصر خدية على رجلك او اشغلية بكارتون بشىء بيحبة المهم ميحسش انك رفضاه حاليا بسبب العبادة بل بالعكس لازم يحس انك طيوبة جدا فى شهر رمضان



المطبخ فى رمضان
وآه من المطبخ فى رمضان

كأننا مبنكلش الا فى رمضان...يالا ما علينا عادة واتعودنا عليها
لازم من دلوقتى المطبخ يبقى فل الفل تنظيف وترتيب وكل حاجة هاستعمالها تكون فى مكانها بحيث يكون سهل الوصول ليها
نعمل بقى منيو كامل
اذاى عجبنى هنا فى المنتدى منيو رائع بجد
تفصيلاتة :
طبق رئيسى :ليكن يعنى طاجن بامية باللحمة
المقبلات:سبموسمك جبنة+سلطة
الشوربات: شوربة لسيان عصفور بالجزر
الحلويات كنافة بالقشطة
العصائر :كركادية
وانا افضل نضيف علية كمان طبق السحور: فول وحمص بالطحينة

مثلا كدا يكون منيو رمضان
تكتبية كامل وتشوفى محتاجة تعملى اية واذاى وتلفى فى كتب الطبخ بتاعتك لو عايزة تجديد كل واحدة ادرى بنظام بيتها وهكذا
تتفقى مع جوزك على العزايم لمين وامتى فى الشهر والعزايم المفاجئة بصراحة بتكون غبية بس لو متعودة عليها برضو خلى عندك منيو خاص بالعزايم
اان عامله عندى دفتر طبخ لما باعمل عزومة باكتب عملت اية بالضبط وبالتفصايل وساعات لما باتعزم عزومة حلوة عند حد وعجبنى برضو باكتبها سوا إذا فطار سحور يعنى لازم تكونى مستعدة تمام لان مفيش وقت

ونجى بقى لتحضيرات قبل رمضان



طبعا المنتدى مليان بالنسبة لى هى تحضيرات السنة العادية لانى بافضل انى افرز كل حاجة تزفيرا للوقت والمجهود
وبس باذود فى رمضان انى بافرز ورق عنب لعزومة ولا حاجة وباعمل قطايف حلوة و جلاش محشى مكسرات وسمبوسك بحيث لو جالى حد مفاجأة كزيارة فى رمضان فى السريع احمر وبيكون مجهزة طبعا شربات وعلى طول فية خير الحمد لله
والكفتة واللحمة والفاخ وكل الافلام دى اكيد لازم تكون جاهزة
واعمل فول كمية واقسمها اكياس وعلى ا لفريزر

المهم فى الموضوع ان المطبخ فى رمضان يكون ساعه واحدة بس
جيبها انتى شمال يمين وفكرى وانتى اكيد ادرى بوقتك وجهدك
وخلال الساعة دى برضو مش هاسيبك يا اما اذكار شغاله وهحاول اجيب الملفات الصوتية اللى تنفع مثلا او شريط عن رمضان او عن اى حاجة او اضعف الايام اذاعة القرآن الكريم المهم منضيعش ثانية

ومش هافكرك بقى احتساب نية تفطير الصايميين اللى هما جوزك والولاد لو كانوا كبار دى اساسية جداااااااااا
ولو عندك عزومة حاولى اوى تحتسب النية وهكذا
واكيد هنحط قوايم للمطبخ ووعد لما اخلص المنيو بتاعى هنزله ليكم بأذن الله

وبأذن الله هحاول ادور على العاب وافكار كمان لاولادنا فى رمضان
فاصل ونواصل بأذن الله
مدام وائل
مدام وائل
النوم و التلفزيون
هتكلم الاول عن النوم لان التلفزيون همه كبير اوى

النوم هنقول اننا بنام فى العادى 8 ساعات انا بنام 4 ولو حلو اوى يبقى 6
المهم يبقى ف رمضان نقلل ساعتين اذاى بقى دى شغلتك
اشربى نسكافية قهوة اى حاجة اعتبرى نفسك فى سبق كأننا ايام ثانوية عامه فاكرينها؟؟ النوم كان شكلة اية ؟؟ فى ناس كانوا بيذاكروا 16 ساعة فى اليوم من غير الاكل والحمام يعنى الباقى ليهم 6 ساعات من نضمنهم النوم والاكل والحمام يبقى عهد اول هلال رمضان يبقى امتحانات الثانوية بدأت..على فكرة نوم رمضان بجد بيبقى فية بركة عجيبة سبحان الله المهم النية

التلفزيون وآه من التلفزيون

طبعا حرب شنعاء بدأت من دلوقتى علشان يضمنوا اكبر عدد مشاهدين والفرصة الرائعة ان رمضان جاى فى اجازة اخر السنة يعنى العالم كله هيتابع وبشغف بق ومن غير اجازة برضو الناس بتعيش مع يحيى الفخرانى ويسرا احلى رمضان هههههه ربنا يهدينا جميعا يارب
خدى قرار لا للمسلسلات فى رمضان

بجد يا جماعة الا رمضان لو هتعديها فى كل السنة بلاش فى رمضان ربنا يكرمك وبلاش برامج الهيافة اللى ملت التلفزيون بجد والله الناس بتفطر وتفضل تقول هاقوم اصلى العشا اهه ويقوم والساعه2 الفجر
استعينى بالله وخدى القرار
فية بقى نقطة مهمه جدا بتبوظ كل قراراتك وهى اية تتعزمى عند حد ويكون متابع بقى من اياهم وتتفرجى على حلقة ولا لقطة وتتشدى

وكل سنة وانتى طيبة بقى هتابعى هتابعى انا عن نفسى وقعت كدا قبل كدا
لكن مره بقى قبل ما يفتحوا قلتلهم هى الرحمة عليها اية دلوقتى دا برنامج هايل طبعا احراج بقى وانتى ضيفة جبوهالى
ومسمعوش طبعا بس مش مشكلة المهم هربت من انى اتابع وربنا يهدينا جميعا للخير يارب



النت والتليفون
وبرضو آه من النت وآه آه من قعدتنا الحلوة دى

بس بامانة حرام علينا وقتنا سواء قضتية معانا ولا فى اى حتة اقنع عقلك ان النت اوف فى رمضان الا للضرورة القصوى يعنى اكلاتك ترتيبك اى حاجة تبقى بعد رمضان يا ستى ليلة العيد قضيها للصبح على النت
بس لو عندك دقيقة فاضي وحتى تعتبى من القارءة فى القرآن او الصلاة قولى لااله الا الله قولى سبحان الله وبحمدة قولى اللى ربنا يفتح عليكى بية ان شاء الله قل هو الله احد متنسيش العداد شغال ومبيشتغلش ابدا بالسرعة دى الا فى رمضان يبقى بالنسبة للنت خدى قرار انتى اوف لاين طول رمضان

التليفون بقى
اذا كنت غاوية تليفونات واصحاب والفليم دة

برضو ارجوكى الا رمضان
لو قلتيلى باتكلم وانا زهقانة ومببقاش قادرة اعمل حاجة هاقولك ابعد عن الشر وغنيلة اتحداكى لو طلعتى من المكالمة بولا سيئة لازم هتحكى عن اى شىء مهما كان تافه صح ولا لاء؟؟ طيب لو دا العادى يبقى برضو بالله عليكى الا فى رمضان
وكل مكالمة اسألى نفسك نيتى منها اية؟؟ وانوى حاجات كثير صلة رحم قضاء حاجة الناس عيادة مريض
وفية كتاب رائع اسمة كيف تحتسبين الاجر بأذن الله ادور على اللينك واجيبة لكم بأذن الله
فية كلمة قرأتها مرة فى كتاب
(ليس شرط يرن هاتفك ان تكون جاهز للرد علية فى نفس الوقت)
انا باطبق الجمل ى فى كل السنة مش بس فى رمضان والناس عرفوا عنى كدا مش شرط اكون عندى استعد
د انى ارد مش يمكن مشغوله او باعمل حاجة مهمه وبرضو باتقبل ظروف الناس لان العالم مش قاعد فاضيلى لوحدى يعنى




جيرانك فى رمضان

حاول قدر الامكان لو مش هتعزمى جيرانك تبعتلهم طبق حلويات اى حاجة بسيطة فى اول رمضان ولو حتى مكنش ليكى علاقى بيهم بس لفية شيك وحطى معاه كتاب صغير اللى هما كتب الجيب او امساكية فيها كلام ظريف عن رمضان بحيث تبقى خدتى ثواب الاحسان للجار

مع اهلك فى رمضان
مكنويش مع نفسك فقط ف رمضان دا سبحان الله كلنا بنصوم وبنفطر فى وقت واحد ناوية بأذن الله تختمى كذا ختمة فى رمضان ناوية على اذكار كذا قولى لمامتك وباباكى واخواتك وجوزك
هتتكسفى ولا تخافى يقولوا عليكى عم الشيخ
خليكى ذكية اطبعى وقة من النت او اشترى مطويات صغيرة وحطيها ف البيت فى اماكن تواجدهم
انا اعرف واحدة لما ختها بتقع فى شىء مخالف حتى لو اللبس بتجيب مطوية فيها الحكم وتروح حطاها فى وسط كتب اختها بحيث البنت تشوفها من غير ما تحرجها واذا ملقت استجاة بترسلها لها على الايميل وباى شكل سبحة هنا كتاب هنا تبقى حركة غير ملفتة وفى نفس الوقت القلوب بتكون مفتوحة فى رمضان وفيها قبول كبير بأذن الله
بس انشرى الخير لاصحابك لكل حد حاولى متكنش نهايتة عندك

صلة الارحام فى رمضان
طبعا دى اساسية
مش محتاجة توصية بس عندى فكرة حلوة اعملى كشف اكتبى فية كل اقاربك واتصلى كل يوم بشخص منهم لمده بس10 دقايق بحيث تبقى خدتى الثواب لصلة الرحم ولو تقدرى تزورى طبعا الثواب بيكون اكبر بس حسب وقتك وجهدك احنا قلنا العمل مكثف




ترتيب البيت والتنظيف والمكوى

احنا اتفقنا ان قبل رمضان بأذن الله البيت تمام التمام
يبقى بقى الاعمال اليومية البسيطة اللى حطيلها فى جدولك نصف ساعه بس تنظيف حمام على السريع وترتيب السراير وترتيب لعب الاطفال وكل شغل التنظيم
المكوى بقى قبل رمضان اغسلى كل عباياتك وكل قمصان وبناطيل جوزك واكوى كله مره واحدة هتأخذ منك بالكثير ساعتين وهتريحك وقت طويل يمكن 10 ايام واحيانا 15 يوم اصلى باعمل كدا فى العادى اصلا
ومره ذيها مثلا فى نصف الشهر اذا الوضع احتاج تكونى محضرة حاجة تسمعيها بحيث برضو تستفيدى



نجى بقى للمهم
اخويا ساكن فى الدور السادس بيطلع وينزل 5 او 6 مرات فى اليوم ومراته طلعت فى حملها وهى فى الشهر الثامن مرتين فى اليوم كل يوم
انا بقى يدوب لما باروح عنده باطلع الثالث وانهج وافضل اقول امتى اوصل
واحنا ملنا ومالك انتى واخوكى؟؟
اصبروا عليا
انا بانهج بعد الثالث لية لانى ساكنة فى الثالث
برضو يعنى اية؟؟
يعنى اخويا علشان متمرن ومتدرب على الطلوع لدور السادس كل يوم 5 مرات الموضوع بالنسبة له عادى اما انا بما انى باتدر على الدور الثالث بس ويوم ولا يومين فى الاسبوع بانهج
عايزة تقولى اية ؟؟؟
عايزة اقول لو رسمنا خطط من هنا للصبح اننا هننجز فى رمضان ونختم 5 مرات ونصلى 30 ركعة فى ا ليوم ومعملناش حاجة لحد يومها مش هنختم الا مرة لو كملت اصلا ويدوب الصلاة العادى ولما نكون حلويين هيكون يدوب بنصلى النوافل ودمتم
لية؟؟ لاننا متعودناش
صحيح كلامى متأخر خصوصا ان مفيش على رمضان الا قليل جداا... اللهم بلغنا رمضان يارب لكن نلحق ونستدرك ما فات فى الايام القليلة دى
حاولى تصومى ايام فى الفترة دى بحيث تعودى جسمك الصيام وتحتسبى الاجر الاحساس بيفرق كثير وهتحسى بقرب الشهر وبفرحة رهيبة فية فلازم نستعد
نقرأ ولو جزء فى اليوم او نحاول نجيب ختمه فى الاسبوعيين دول متقوليش صعب امال هتختمى 5 مرات اذاى؟
ذكر كترى ذكر كثير كثير طول ما انتى قاعده
وفية مطوية افضل اذكار التسبيح والتحميد بأذن الله ارفعها انا كنت رفعتها قبل كدا بس مش فاكرة فى اى موضوع
الاستغفار يا بنات
دا اصلا وصية اساسية لكل النساء من الرسول علية الصلاة والسلام اننا نكثر من الاستغفار والصدقة

طيب لازم نتفق على جملة مهمه جداا

(( إذا لم تخطط فأنك تخطط للفشل))

واضحة الجملة دى
و لازم حاجتيين اساسيتين فى التخطيط

وضع هدف قابل لتحقيق و يكون طموحاً قابل للقياس لتحديد النجاح

وضع زمن: تحديد وقت لكل هدف

طيب اذاى مبدئيا لازم نتفق ان الحاجة لما بنكتبها بنعملها بشكل افضل فلازم لازم نوتة صغيرة او دفتر صغير نكتب فية يوميا بالتفصيل هنعمل اية
ليكن مثلا دا يوم فى رمضان
الفجر
متابعة المؤذن، والدعاء بعده - القيام للصلاة - أذكار الصباح - الانتظار إلى وقت الإشراق مع تلاوة القرآن : جزئين ، ثم صلاة ركعتي الإشراق .
قبل النوم : الوضوء - أذكار النوم – احتساب النوم لكى اتقوى على بقية اليوم
(طبعا النوم بعد الفجر لانى مبنمش بالليل نهائى بنام بعد الفجر فى ا لعادى –كائن خفاشى على رأى جوزى-)
الظهر
ترديد الأذان المؤذن- الدعاء بين الأذان والإقامة - صلاة السنه - الحرص على أذكار الصلاة.- تلاوة القرآن – جزء
مكالمة لماما (احتسبى) – افطر ابنى – ارتب البيت فى السريع
العصر
ترديد الأذان المؤذن- الدعاء بين الأذان والإقامة - صلاة السنه - الحرص على أذكار الصلاة – تجهيز الفطار واحتساب (من فطر صائماً كان له مثل أجره ، لا ينقص من أجر الصائم شيىء) وقوله ( في كل ذات كبد رطبة أجر) الغذا عبارة عن كذا و كذا
اذاعة القرآن الكريم او شريط الا رمضان لهانى حلمى
قبيل المغرب
اذكار المساء والدعاء
وضع الاكل على السفرة وتجهيز التمر واحتساب نية اتباع السنة
المغرب
صة المغرب والسنة واذكار الصلاة
الفطار والحلو والشاى
لعشاء
-الاستعداد لصلاة العشاء والتراويح
بعدها باكون مع ابنى سواء بالعب معاه شوي على الكمبيوتر او بالعب
وبعد كدا اعشية ويستحمى وينام
ثلث الليل الأخير
قراءة قرآن
اعداد السحور ... الاستغفار وخصوصا بسيد الاستغفار
التهيؤ لصلاة الفجر
ونبدأ من جديد
فى نهاية الكشف بافضل اكتب مفروض اقول 1000مرة استغفار و200 حمد لله و500 سبحان الله و500 سبحان الله وبحمده
واخر اليوم اشيك قلت ولا لاء واحاسب نفسى

فاضل بقى اننا نفق على اجزاء معينة نعملها فى رمضان
فتكتبى من الاول فى ورقة
ناوية بأذن الله اختم 5 مرات يبقى كل يوم اقرأ 5 اجزاء
طيب ايام الدورة من دلوقتى يا اما تنزلى برنامج مصحف على موبايلك ودا بيكون اسهل ومفيد فى لك الاوقات وفى الكمبيوتر بس لا توقفى الخير
الصدقة كل يوم خلى ليكى صدقة ولو 50 قرش وطلعيها فى يوم معين مثلا
فطر صائم البواب جوزك وهو نازل صلاة المغرب اعطية تمر ساهمى فى افطار اى حاجة
وعندى فكرة بجد حلوة بأذن الله حاولى تدخلى سررو على مسلم طفل غلبان ف الشارع حاولى تشترى له لعبة ولو رخيصة بس صدقينى هيفرح بيها اوى بنت البواب بنت راجل فى سوق الخضار خلى دايما فى شنطتك بسيكويت فرحى بيه الولاد هما بيفرحوا واهلهم بيفرحوا لفرحتهم

يعنى فى النهاية دا جهد المقل لو احسنت فمن الله ..و لو اسأت فمن نفسى والشيطان والله ورسولة منه براء

وطبعا هنكون مع بعض فى مراحل التحضير كلنا منتظريين افكار جديدة



هذة هى مشاركتى فى مسابقة الاستعداد

وبعتذر انى اضفت كثير فى مشاركة واحدة بس ليس لى الا 3 ردود يوميا برغم انى عصوة من 6 سنين


وجزاكم الله خيرا يارب

ورمضان كريم وربنا يارب يبلغنا رمضان اللهم آمين
تفداك روحي
تفداك روحي
ماشاء الله عليك .. يعطيك الف عافيه

موضوعك جدا جميل حسستيني بالحماس والشوق لاستقبال رمضان حتى
اعلم الاولاد بهذا الشهر الفضيل حتى وهم صغار شي جميل ..

ننتظر حماسك ..

جزااااااااااااااااااك الله الف خير
وكل عام وانتي بألف خير
وبلغنا الله وأياك والمسلمين جميعا بشهر الخير
ام احلى وردتين
ماشاء الله
يعطيك العافيه
ان سكتنا قهر
ان سكتنا قهر
ما شاء الله رائع جدا
اللهم بلغنا رمضان وبارك لنا فيماتبقى من شعبان