انا اموووووووت في ام علي :D
بس هالمره سويتها بخبز الرقاق
كسري خبز الرقاق في طبق البايركس ... ورشي عليه المكسرات والزبيب وجوز الهند .....(كمية الخبز خليها نص طبق البايركس او اكثر باشوي )
الحين حطي 6 اكواب حليب سائل في القدر (لان الرقاق يشرب كميه كبيره من الحليب ) والسكر كاس ونص او حسب الرغبه ... وبيضه وحده ... وهيل اذا تحبين او فانليا طبعا خلطيه زين وخليه يغلي على النار
وبعدها صبي الحليب على الخبز وخليه يتشربه زين وحتى لو يصير سائل راح ينشف بعدين بالفرن ( قلبي الحليب اشوي مع الرقاق بالملعقه حتى يدخل فيه زين ويتشربه )
وحطي عليها القشطه ودخليها الفرن لما تتماسك وتشرب الحليب الزايد
وما تاخذ الا ربع ساعه بالفرن على درجة 170
وبعدها اكليها بالعافيه
والطريقه نفس طريقة كمبوجه لان طريقتها سهله وانا اعتدمتها من زمان بس زدت من كمية الحليب لان الرقاق يبيله زياده من الحليب السائل
وراح يطلع هذا شكلها بالاخر
مع اني احبها سائله اشوي بس اللي عندي :) يبونها متماسكه بهذا الشكل وانتي لك حرية الاختيار في انك تبينها سائله اشوي لا اطولين عليها بالفرن واذا تبينها متماسكه خليها ربع ساعه
:cook:
ام عزيزان @am_aazyzan
فنانة عالم حواء
يا بنات جربت ام علي بخبز الرقاق واطلعت لذيذه وخفيفه... واكيد صورتها لكم
44
20K
يلزم عليك تسجيل الدخول أولًا لكتابة تعليق.
بنوتـــة
•
شكلها يشهي تسلمين اختي :)
تسلم ايدك يا أم عزيزان
بس عندي سؤال : أم علي بالطريقة العادية اللي بالبف باستري في العادة هي تطلع متماسكة ولا سائله ؟
بس عندي سؤال : أم علي بالطريقة العادية اللي بالبف باستري في العادة هي تطلع متماسكة ولا سائله ؟
الصفحة الأخيرة