صباح الخير للجميع
هذي أول مرة أنزل موضوع الله الله بالردود والتطبيق وترى متعوب عليه لاني اول مرة أطبخ وأصور بس بصراحة استفدت منكم كثييييييييير, عاد قلت افيدكم بطبخاتي
كثرت هذرة اعذروني أول مرة.. المهم
جايبة لكم فطيرة أقسم بالله ما اسويها إلا انسأل عنها شي مو طبيييييييييييييييييييييييعي
مقادير العجينه...
كاستين دقيق كويتي, اصبع زبدة, علبة قشطة,خميرة, رشه سكر, رشة ملح, أربع ملاعق حليب بودرة
تعجنينها واذا احتاجت موية تحطين بس شوية وتخمرينها أقل شي نصف ساعة وهذي صورتها بعد التخمير
20100525198
وتجهزين الحشو...
عبارة عن: لحم مفروم تحطينه فصاج وتقلبينه الين يستوي وبعدين تضيفين(بهارات مشكلة, ملح, فلفل, كمون, كزبرة ناشفة, شبث)
وهذي صورتها
20100525195
وتسلقين حبه بيضة وتقشرينها وتقطعينها حلقات, وفلفل رومي حلقات, وطماطم حلقات(أنا حطيت حبة وحدة انتي حرة طبعا حسب الصينية)
20100525196
وتبشرين علبة جبنة كرافت ولاتقولون ينفع موزاريلا ؟
لا... جربتها مالها طعم مثل الكرافت
20100525197
خلاااااااااص نجي للطريقة..
تقسمين العجينه نصفين وتفردينها الين تصير رقيقة شوي مو مرة وتحطيها فالصينية وتخلين لها أطراف..
بعدين تحطين علبة قشطة تساوينها بس لا تجي عالطرف
زي كذا
20100525199
وفوقها اللحمة وبعد اللحمة جبنة كرافت
20100525200
وبعدها البيض والفلفل والطماطم وأنا ما كثرت البيض لأني ماأحبه طبعا براحتكم اهم شي كلها الثلاثة لأنها تدي طعم واااااااااو
20100525201
وفالنهاية تفردين بقية العجينة وترققينها شوي انتبهوا وتغطين الخضار والبيض وتقفلين الاطراف بإصبعك أو الشوكة أنا اقفل بإصبعي افضل وتدهنين الوجه بصفار بيضة وترشين فوقها سمسم وحبة سودا وتدخلينها الفرن من فوق وتحت
20100525202
وهنا بعد ماخرجتها من الفرن
20100525206
وهذا شكلها من جوة شوفوا كيف الجبنه سايحة اممممممممممم
20100525207
وفالنهاية اتمنى تدعون لي بأن يجعلني المولى أقرب الناس إلى قلب زوجي ويبعد عني كيد الكائدين وأن يفرج كربتي وبالعافية عليكم.
قلم واعد @klm_oaaad
عضوة جديدة
يلزم عليك تسجيل الدخول أولًا لكتابة تعليق.
مررره حلوه ودخلت مزاجي عقبال ماتدخل بطني هههههههه
ان شاءالله بطبقها قريب
ماشاءالله عليك ربي يسلم هالديات ويعمي عيون من فيه شر عنك وعن زوجك
ان شاءالله بطبقها قريب
ماشاءالله عليك ربي يسلم هالديات ويعمي عيون من فيه شر عنك وعن زوجك
الصفحة الأخيرة
والله يعطيك الصحة والعافية