كثييير شافوا تطبيقي لبسكوت البيتزا اللي اخذته من موضوع للاخت (ورد تميم )
وطلبوا مني طريقته بالتفصيل
ومن هنا اخذته وغيرت شوي
http://forum.hawaaworld.com/showthread.php?t=2159419
المقادير
_ كيس توست او نص الكيس على حسب الكميه اللي تبينها
- بسكوت سن فلور او اي بسكوت مقارب له وبحط لكم صورته الحين ان شاءالله
- جبن شرايح المراعي او اي نوع
- نقانق تقريبا 4 حبات مسلوقه ومقطعه مكعبات
- فلفل رومي اخضر مقطع مكعبات صغيره
- زيتون اي نوع
- كشنه ناعمه او صلصه بيتزا جاهزه
- مايونيز او جبنه لتلصيق البسكوت
- جبنه موزاريلا اي نوع
الخطوات
اولا هذا هو البسكوت للي مايعرفوه ويجي منه نكهات تلاقينه باي سوبر ماركت
حتى لو لقيتي مشابه له وجاي مستطيل مو مشكله وهو مالح يابنات مو حلو
خوذي قطعة خبز توست وشيلي اطرافها واقسميها نصين بالطول انا استخدمت لوزين وجت مقاس البسكوت بالضبط
سوري ماصورت هالخطوه
لصقي على الخبزه بسكوت واحد من تحت وواحد من فوق بجبنه او مايونيز
بعد كذا اقسمي الجبنه الشرايح نصين وحطيها فوق البسكوت خلي النص الثاني لوحده ثانيه
والاسهل تلصقي لك كميه بالبسكوت بعدين تحطي عليها كلها جبنه بعدين الصلصه وهكذا
الحين الصور توضح كل شي
هنا جاهزه عشان تدخل الفرن
دخليها الفرن من فوق على نار هاديه لحد مايذوب الجبن بس
بعدين بتطلع لك كذا
وبس
سهله ولذيذه جدا وحبوها الاطفال
اتمنى تكون الطريقه واضحه للجميع
واي سؤال تحت امركم
تقبلوني
أختكم
أسنع عواطليه