كابتشينو تشيز كيك.....بالصور والتفاصيل الدقيقة :)

صباح الخير صبايا كيفكون؟؟؟؟؟؟
عندي طريقة تشيز كيك كابتشينو امي تقول انه لو بتشيز كيك فاكتوري اقل شي تباع القطعة بـ20 ريال طبعاً انا على طول شفت نفسي وقلت بدهاش الشغلة لازم اعلمه البنات :cook:
مع العلم ان طريقته مسروقة من التشيز كيك البارد اللهم مع بعض الاختراعات من عندي


يلا بسم الله نبدا

الطبقة الأولى:




بسكوت دايجستف بس طبعاً مو كل العلبة يعني في حدود 6 إلى 7 بسكوتات
بسكوت اوريو 3 علب من ابو 6 يعني 18 حبة (ماشاء الله عليّ حافظة جدول الضرب :3_3_103: )
بسكوت شوكو برنس 3 حبات من ابو 2 يعني 6 حبات :)
ثلاث ارباع اصبع الزبدة الكبيرة اللي بالصورة هذه ام ثلاث ريال ونص



تطحني البسكوت كله مع بعض في مكينة الى ما يتكسر معاكي انا احبه يكون شوي هش عشان طعم النخالة والشوكولاته يكون باقي فيه
واذا حبيتي ممكن تعطيه رشه كاكاو باودر عشان اللون
وتكوني طبعاً سيحتي الزبدة شوي عالنار بس لا تخليها تنحرق وتصبيها فوق البسكوت وتخلطيهم سوا

تفردي خلطة البسكوت والزبدة في صينية


تدخلي الصينية بالفريزر الى ما تنتهي من تجهيز الطبقة الثانية








الطبقة الثانية:



حليب نستله محلى العلبة الكبيرة
علبة قشطة
رشة شوكولاته بادور
جيلاتين مذوّب في فنجان ماء حار
12 حبة كيري
باكت كاباتشينو بالفانيلا جاهز وإنا ما توّفر لك اخلطي (نسكافيه-جوز هند مطحون-رشة فانيلا-حليب بودرة)


وطبعاً ما تنسي




ظرف دريم ويب (ماصوّرته مع باقي المكونات عشان العلبة مشقوقة من تحت <-------عربجية ما عندي تفاهم في المطبخ :icon18: )



نجيب الخلاط الكهربائي ونحط اول شي الحليب النستله مع الجبن الكيري
ونخليه يخفق شوي وبعدها نحط فوقه القشطة ونخليه يخفق زيادة
بعد كذا نحط ظرف الكابتشينو مع رشة الشوكولاته او اذا تحبي شوكولاته غامقة تكوني مسيحتها في حمام مائي واذا حبيتي نكهة قهوة زيادة اديها رشة نسكافيه زيادة :slider:
وبعد كذا نضيف الدريم ويب ونخليه يخفق حوالي 15 دقيقة يعني روحي قرقري بالجوال الى ما تشمي ريحة احتراق الخلاط (ماشاء الله عليّ ست بيت درجة اولى)
المهم بعد الـ15 دقيقة صبي الجيلاتين اللي تكوني مذوبته في فنجان موية حار جداً
وخليه لمدة دقيقتين


^
^
^
^
بيكون هذا الشكل اللي طلع عندك صحيح هو شوي سائل بس اصبري عليه وتشوفي كيف حيصير :)

وطلعي صينيتك من الفريزر وابدأي بصب الخليط فوقها



ودخليه بالفريزر اذا مستعجلة (جاهز خلال اقل من ساعة) او اذا مطولة بالك احسن لك الثلاجة خليه الليل بطوله
انا عن نفسي ادخله الفريزر شوي وبعدين اخرجه واغطيه بقصدير واخليه بالثلاجة لليوم الثاني

اول ما تخرجيه من الفريزر بيكون هذا شكله



جيبي صوص الهيرشيز شوكولاته



وابدأي بعمل زخرفاتك الخنفشارية (نصيحة مجرب: لا تطلعي الصوص برا الثلاجة قبل الاستخدام ما راح يضبط معاكي الشكل كويس انا دايما لما ارسم يطلع كشخة بس هالمرة طلع سيريالي لأني قلت اطلع الصوص برا يذوب شوي عشان اتفنن لبنات المنتدى والا هو مفشلني :16: )




وهذا حيكون شكله النهائي





وهذا من الجوانب بس ما قطعته لأني مسويته لاهلي وابخذه معاي :icon28:




وصحة وعافية عليكم

أي سوعاااااااااااااااااااال ؟؟؟؟؟؟؟؟؟