شلونكم يالغالين..عساكم طيبين..
اليوم انا كنت معزومه على العشا..وماخذه معاي حلى..يوم شفت انه عجبهم..
وكل واحده تاخذ منه قطعه لزوجها ,, واللي تاخذ منه لأبوها..
قلت مايغلى عليكم..انا ماادري وش اسمه بصراحه..
هو شكله يشبه التشيز كيك بس مافيه جبن..
........امممممممممممم نسميه طبقات التشيز كيك..
هو عباره عن 5 طبقات
في الصينيه ذات القاع المتحرك..
الطبقه الأولى:
كيك سويسرول بالفراوله مقطع شرائح
الطبقه الثانيه:
نصف كأس عصير توت مركز (فيمتو او تونو او اي نوع تستخدمونه)
نصف كأس ماء
2 ملعقه أكل نشا
تخلط هذه المقادير وتوضع على النار وتحرك..حتى تغلظ..ثم توضع فوق الكيك..
الطبقه الثالثه:
بسكويت دايجستف نغمسه بحليب سائل ونرصه فوق الطبقه الثانيه..
ممكن تستعملين بسكويت ماري او بسكويت شاي عادي..بس دايجستف الذ بوااااااااجد..
الطبقه الرابعه:
2 ملعقة أكل حليب بودره+نصف علبة كبيره حليب نستله المركز المحلى+1 علبة قشطه
ا ظرف دريم ويب + 1 علبة جلي (انا استخدمت نكهة الاناناس) مذوبه بنص كأس ماء حار..
تخلط جميع هذه المقادير بالخلاط وتصب فوق البسكويت وتوضع في الثلاجه..
(يفضل أن يبرد لمدة يوم كامل)..
الطبقه الخامسه:
باي فيلينغ ( انا استخدمت بالفراوله) ويبرد الحلى لحين وقت التقديم..
وهذا الشكل النهائي..بس انا ماصبرت عليه يوم كامل بصراحه لأني كنت معزومه اليوم
سويته الصباح واخذته بعد العشا للناس فأحس انه ماجمد مره يبغاله وقت أكثر..
لكن شكله على الطبيعه احلى..وطعمه احلى..
والف صحه وعاااااااااافيه على قلوبكم..
مبين شكلة روعة :26:
الله يعطيك العافية