كيفكم يالغاليات؟
من زمااااااان عنكم :)
كثير منكم يعرفون القرصان اللينة اللي نسوي بها المرقوق السريع
صاروا يسوون أحجام صغيرة .. هالسنة أول مرة أشوفها .. وصارت أسهل في التعامل و أوجه
تقدرين تخترعين فيها اختراعات كثيرة وبوريكم أحد اختراعاتي اللي ماطلعت إلا في آخر رمضان :)
اسم الطبق:
ساندويتش القرصان بالمرتديلا << عولمة :42:
مرة سهلة ولذيييذة خصوصاً لعشاق المرتديلا
بسم الله نبدأ
المقادير:
عدد من القرصان
مرتديلا دجاج
فلفل رومي مقطع شرايح
طماط مقطع شرايح
بيضتين مخفوقات مع بهارات وفلفل وملح
مايونيز
الطريقة:
نحمي المقلى على نار هااااادية
ونحط عليها البيض
السبب في النار الهادية هو انها تخلي البيض رقيق ومقرمش
بعد مايستوي البيض نقصصه مستطيلات صغار
ندهن القرصان بمايونيز ونحط عليه شريحة مرتديلا
وفوقهم شريحة فلفل وشريحة طماط وقطعة بيض
نقفل الخبزة بحيث تكون نص دائرة
ونحطها على الشواية ونكبسها لين تتحمر
ونقدمها مع الشاهي أو البارد .. أنتم وشهوتكم عاد
الطبق الثاني: شاورما
قطعت دجاج صغاااار وتبلته في:
عصير ليمون + ثوم + خل + بابريكا + بهارات + ملح + فلفل
وخليتها ساعتين أو أكثر
بعدين شويت الدجاج في الشواية .. وممكن نسويه على الصاج عادي
دهنت القرصان بخليط من الزبادي والمايونيز والطحينة
صراحة نسيت المقادير بس الطحينة كانت أقلهم لأني ما أبغى الخلطة تكون مرة
حطيت شوي من الدجاج وشرايح مخلل "خيار"
ولفيتها وكبستها في الشواية نفسها وطلعت شييييء خطيييييييير
الطبق الثالث داااااايم أسويه
وهو طبق الأخت الغمامة الله يذكرها بالخير بس هي تسويه بالخبز المفرود (العربي)
ماعندي له صورة حالية .. لكن جداً سهل
المقادير والطريقة مع بعض:
اسلقي قطعتين دجاج بدون عظم في موية وملح
ونتفيها وخليها على جنب واحتفظي بالموية
كشني بصلة مقطعة شرايح وحطي عليها الدجاج
وحبة ماجي وفلفل رومي مقطع شرايح طولية وجزر مقطع شرايح طولية
ورشة فلفل أسود وفلفل أحمر حسب الرغبة
طفي النار وحطي عليهم : 1 م ك قشطة + 1 م ك جبن سايل + 1 م ك مايونيز (المايونيز حسب الرغبة)
واخلطيهم زين
جيبي شرايح القرصان
غمسي كل شريحه قبل ماتحشينها في موية الدجاج
حشيها بالدجاج ولفيها زي الشاورما وصفيها في صينية بايركس
وعالوجة حطي باقي علبة القشطة + 2-3 م ك جبن سايل + شوي موية قد ان الخلطة تكون سايلة
دخليها الفرن 10 دقايق
بعدين حمريها
من جد لذيييييييييييييذة وكثير يطلبونها مني
أحياناً أسويها قبل بيوم وأحطها في الثلاجة ومن بكرة بس أحط الخلطة اللي عالوجة وأحميها في الفرن وأحمرها
وممكن نفس الشيء عقب ماتلفينها بدال ماتصفينها في الصينية تكبسينها في الشواية
وأكيد ماتحطين الخلطة اللي عالوجه .. تطلع مرة لذيذة
أتمنى أكون أفدتكم
ما أبغى منكم إلا دعوة في ظهر الغيب :)
بس بغيت اسأل تستوي الاقراص باالشواية والا لازم ادخلها الفرن
ومشكورة0