كيف تحصنين نفسك من العين والسحر.. بالأذكار اليومية mp3

السلام عليكم ورحمة الله..

كنت اقرأ أكثر عن موضوع وشفت ان في وايد ناس متأذيين من العين والحسد والجن ... الخ
ووايد بنات ما يقرون اذكار الصباح والمساء اللي لها تأثير كبيــــــــــــــــــــر في الانسان لانها تحفظ من العين وتحفظك من الشر بأذن الله..

انا كنت نفس الشي متأذية...لين بديت اقرأ أذكــــار الصباح والمســــــاء يوميا بلا انقطاع ومن اول يوم شفت نتيجة.. كنت نازلة من الدرج ووحدة شافت نعالي ومن نظراتها عرفت انه عجبها.. والله يا بنات ان في نفس الدقيقة انعوت ريلي وكنت بطيح من الدرج لو ماتمسكت بالطوفة!! حتى هي انتبهت ان عينها حارة وقفط ويهها..بس قلت في خاطري سبحان الله اليوم اول يوم اقرأ الاذكار والله حماني.. و من يومها والاذكار ما أودرها.. ترى يابنات اذا حد سوى لكم سوا او سحر.. الشيطان اوالجن ينتظر اللحظة عشان يدخل ويكتمل السحر..وخصوصا اذا الانسان اذا ما كان محصن عمره بالأذكــــار.. ونحن مشكلتنا ان نحن ننتظر الداء عشان ندور الدواء وناسيين ان الوقاية خــــير من العلاج..

المهم انا مابطول اكثر بس انا حاطيت اذكار الصباح والمساء على فورمات الmp3 وبصوت مشاري العفاسي.. جزاه الله خيرا..عشان الكل ينزله على سي دي للسيارة او للاي بود وفي الكمبيوتر... واتمنى الكل يستفيد مثل ما انا مستفيدة.. وحطيت نسخة من هذي الاذكار الرائعة في كل السيارات اللي بيتنا غصبا عنهم.. لول

واتمنى من المشرفات تثبيت الموضوع لتعم الفائدة على الجميع

أذكــــــــــار الصباح
1_athkar_saba7.Mp3.Zip by Bigupload.Com

أذكــــــــــار المساء
2_athkar_masa.Mp3.Zip by Bigupload.Com


والله يحفظ بلادنا وجميع المسلمين والمسلمات ويبعد عنا عيال الحرام ويقينا من السحر والحسد.. والله يهدي شبابنا وبناتنا للصراط المستقيم ويدخل نور الصلاة والقران في قلوبهم.. والله يحفظ حكامنا ويهديم ويمسكهم اكثر بديننا الحنيف ويجعلهم من متبعي احكام الشريعة الاسلامية.. ويجعلهم لنا عون ويبعد عنهم عيال الحرام اللي يحاولون يخربون بلاد ويكفرونا بطريقة خفية.. والله يرحم أبونا زايد في قبره.. وينور عليه قبره ويجعله روضة من رياض الجنه ويدخله جنات النعيم..

يابنات اتمنى من اللي تدخل موضوعي انها تدعي لي بان الله يحقق اللي في بالي..

والله يوفق الجميع.


ملاحظة على الرابط: الرابط يشتغل بس بياخذ 8 ثواني بالكثير عشان ينزل الملف..أختاري الFree
وبيحط على اليمين فوق في صفحة التحميل رقم عشان تكتبينه في مربع صغير عداله وكليك على Download وعلى طول بيجري تحميل الملف..

انا منزله الملفين على سي دي للسيارة واسمع الاذكار يوميا وانا رايحة الدوام