تبارك الله لاقوة الا بالله
طبعا الشوربه من الاطباق الاساسيه في رمضان...واكيد كل وحده فينا تبغى تنوع وتسوي كل مره نوع مختلف من الشوربه ..وياسلااااااام لو كانت سريعه وماتاخذ وقت ولذيذه
اكيد عرفتوا ان هذي مواصفات شوربتي اليوم ...وغير كذا لذيييييذه
ومقاديرها سهله ومتوفره في كل بيت
حبه بصله صغيره مفرومه
نص علبه فطر
نص علبه ذره
3 حبات بطاطس مسلوقه
3 اكواب من موية سلق البطاطس
ملعقه كبيره دقيق
كيس من شوربة الفطر الجاهزه
كوب حليب سايل
ماجي
فلفل ابيض+ملح+ملعقه صغيره بهار مشكل+ملعقه صغيره جينوموتو
اخلطي البطاطس مع المويه حقه في خلاط الكاس وقطعي الفطر صغير
حطي البصل على النار مع شوية زيت وبعد شوي حطي معاه الفطر وقلبيه وبعد شوي حطي معاه مكعب الماجي
بعد مايذبل الفطر ويتقلي مع البصل صبي عليه البطاطس اللي في الخلاط وقلبيه الين يمتزج مع بعض
بعد دقيقتين تقريبا حطي عليه الذره وبعد شوي كيس الشوربه الجاهز وقلبي بالخفاقه اليدويه عشان مايصير فيه كلاكيع وسط الشوربه
خليه على نار وسط مع التقليب المستمر بالخفاقه عشان ماينحرق وزيدي عليه الحليب بعد ماتخلطيه بالدقيق وحطي البهارات ...ولو حسيتي انها ثقيله زيديها مويه حاره
ولما يبدء يغلي وطي النار واتركيه 5 دقايق وبعدين طفي النار
وهذا شكله على السفره ماشاء الله تبارك الله
انصحكم تجربوها لانها لذيييييييييذه وبتعجب الصغار قبل الكبار ...وبالعافيه عليكم مقدما
دااااائما مبدعة......:26: