>كل من يقرا موضوعي يدعي لي بالذرية الصالحه عاجل غير اجل<
ابي اقولكم انا والجيوب الانفية
اول شيئ باقولكم قصتي وكيف جتني
كملت الحين سنتين من يوم بدأت معاي والله المستعان
السبب :كنا برمضان وكان عندي ضيوف وكنت اشتغل بالمطبخ واطلع للصاله والمكيف شغال
وطولت ع كذا وصرت ازكم بالبداية فاخذت من الصيدلية ( قطرة زكام )<< انتبهوا منها
الموووهم طولت عليها فوق الاسبوعين واشتدت علي الحاله فرحت( مستوصف خاص ) << لاتلجأون له في
مثل هذي الظروف.استغلال ولا عندهم سالفه
المهم عطتني قطرة << وهي تدري انها سبب الحساسيه وعطتني مرهم اقطرة بالانف وحبوب كلارنس منومه
وجلست ع الحال هذا رمضان كله .
وبما ان الحالة دخيله ع اللي اعرفهم
فجت النصايح: قطري زيت .. استنشقي بفكس ووو وانا اجرب وادمر
بعدين انقطعت حاسة الشم عندي مرررررررررررررررررررررة
ورحت لدكتور في مستوصف حكومي << الله يعز الحكومه
دكتور فاهم عطاني العلاج اللي بالصوره رقم 2
والحمد لله تحسنت
وجلست 4 شهور بعدين رجعت حاسة الشم.
اعراض الجيوب الانفية
صداع .. عيون مدمعه.. حكه بالحنك .. عطاس شديد ومستمر ..انف الله المستعان يصب وانتوا بالكرامه.
نفسية زفت.
مااطول عليكم صرت اهتم بنفسي وبعد تجارب اثبتت نفعها معاي ولله الحمد
اول ماتجي الحالة احاول اقفل انفي اما اني اكون حاطه الفاين عليه او احط السدادة اللي بالصوره1
او اذا ماكانت عندي اتلثم واحط فاين ع انفي << تحت اللثمة
اذا شفتها شادة شوي شربت قهوة شعير صوره 4 << نصيحه امي الله يحفظها
كل شوي تقول خلي الحبوب واشربي شعير .
اول ماشربتها ماعجبتني .. بعدين نصحوني احط هيل وعويدي
بس لما نفعت معاي صرت اشربها سااااااااااااادة في كوب كبير بعد
واريح بعدها.
عدم لمس الانف باليد لانه يتحسس.
اواعمل البابونج 3 ملاعق ع لتر ماء تغلى 5 دقائق وابعدها من ع النار
واحط منشفه واستنشق واحس انفي ينفتح تمام
بس بعدها اتلثم لان الانف دافي
بعدين استنشق بالماي حقها بعد مايبرد واصفية.
واحيانا احط ماء ع النار واستنشق البخار ع شان يترطب الانف (كلام جابر القحطاني )
وكمان يقول اول ماتجي الواحد الحالة يروح ينام يعني تغطي وجهك وتريح الانف
ع شان كذا استخدمت السدادة ):
والاستحمام بماء دافئ احيانا اسويها.
إستعمل قطرة الماء والملح.القطرة حقت الاطفال اللي بالصيدلية بس ماقد جربتها بس حلوة
واذا مو متوفره الاغراض اشرب شيئ دافي بس كثير يعني بكوب ع شان دفعه واحدة
وع الاكل احاول في الغداء امضغ بسرعه واكل بصل واحيانا ثوم (كلام جابر القحطاني )
وياسلام ع الراحه والريحه
بس اهم شئ تخف علي
وفيه موقع يجنن اول مرة يعجبني موقع من شان الجيوب الانفية بس راح مع الفورمات:mad:
اهم نصيحه عجبتني فيه وطلعت تمام
عدم التمخط بشدة أثناء الإصابة بالزكام لأن هذا يمكن أن يدفع العدوى بإتجاه الجيوب.
اني لما ينزل السايل من الانف ماارجعه مرة ثانيه بالعكس اطلعه بالفاين
لاني لو شفطته مرة ثانيه يرجع بكتيريا اكثر وتشتد علي اكثر
واحاول مااعاطس كثير ع شان نفس السبب.
وكمان استنشق الحبة السوداء بعد مااحطها ع مبخرة كهربائيه
وافضل علاج هو العلاج النبوي الذي أخبرنا عنه الصادق الأمين محمد صلى
الله عليه وسلم : " وبالغ في الاستنشاق إلا أن تكون صائماً "
وهو الاستعمال الأمثل للغسول الذي يعمل على إزالة ما تكون
من صديد ، ويساعد على تصريف الإفرازات ، وإزالة الانسداد
من الثقوب ، فقد ثبت مؤخراً أنه أفضل بكثير من العلاج الدوائي
أو الجراحي ذلك لأن الغسول يكون عميقاً حتى يصل إلى فتحات
الجيوب الأنفية ، ولا يسمح للإفرازات والجراثيم والأتربة بالتراااكم
ولكي يدي العلاج وظيفته المثلى لابد أن من استمراريةالاستنشاق
على الأقل مرتين في اليوم ، والاستنشاق حتى ثنايا التجويف الأنفي
يعني مو كل استخدمها سوا
ع حسب الحاله والظروف والمزاج وه\ي تخفف الحال وتبعدها بشكل مؤقت يعني ماتزيلها لانه اصبح مرض زيه زي القولون وووو
واذا ماكنتي ببيتي يعني مسافرة اضطر استخدم الحبوب وهو الحل الاخير
انصح ان الوحد ماتستخدم القطرة فوق 5 ايام لانها تجيب نتائج عكسية
وافضل انواع حبوب الحساسيه فاينل راج
حلوه تهدي بسرعه وتريح و ع كيفك اذا تبين تنامين عادي واذا لا ماتأثر
فلوتاااااااااااااااب ابعدوا عنها لانها تفتح الانف وترجع تسكره وتنوم
وكلارنس حلوه بس تنوم غصب.
تقريبا هذي تجاربي واذا تذكرت اي شئ باكتبه.
تعليمات هامة للمريض:
1 يجب عدم التعرض لمسببات الحساسية مثل الغبار وبخاخات التنظيف المواد القاتلة للحشرات وعن البخور والاماكن الجافة.
2 حاول ان يكون المكان الذي تجلس فيه دوماً وتنام فيه ان يكون فيه رطوبة لان الجفاف يزيد من مشاكل التهاب الجيوب الانفية.
3 عليك باستنشاق بخار الماء بين الفينة والاخرى لانه يساعد على الشفاء.
4 حاول ان تأخذ قسطاً وافياً من النوم والراحة خلال هجمات التهاب الجيوب الانفية الحاد.
5 يجب الامتناع عن التدخين نهائياً وعدم الجلوس في مكان فيه اناس يدخنون.
6 - إمتنع عن الإنحناء مع إمالة الرأس إلى الاسفل.
اللي تجرب اي منها تدعيلي بالذرية الصالحه عاجل غير اجل
أنا منعدمة حاسة الشم عندي من 3سنوات تقريباً
ودايما عندي صداع وأتوقع إنها الجيوب الأنفيه
بس أحيانا يكون فيني احتقان بالأنف
الله يجزاك خير ياقلبي