حبيت افيد خواتي من بنات عالم حواء بهذا الموضوع
وهو من مجهودي الخاص
لاحظت ان فيه كثير تساؤلات عن قدور الضغط والبعض متخوف منها والبعض يبحث عن الافضل
هنا راح اعرض عليكم قدور الضغط المتواجده بمطبخي
اولا / قدر ضغط التيربو
هذا من النوع المفضل عندي واحب استخدمه يوميا بطبخي
له معاي تقريبا 8 سنوات
والحمد لله ماخرب علي ولا شئ اللهم الجلده تغيرينها كل فتره تقريبا كل سنه اذا انتي تستخدمينه بشكل صحيح
معليش شكله مو جديد مالومه يوميا استخدمه
طريقة استخدامه /
الخطوه الاولى :
اذا بديتي طبخ مثلا وحطيتي رز او لحم بقدر الضغط انتظري حتى يغلي السائل اللي داخل
اذا غلى
تغطين القدر بهالطريقه مثل الصوره
تسحبين الغطى من اليمين الى اليسار
الخطوه الثانيه :
بعد عملية سحب الغطا ووضعها بمكانها الصحيح تصكرين صمام الامان
وتستبدلينه من وضعية مفتوح الى مغلق
الخطوه الثالثه :
تضعين صفيرة الضغط
كي تحبس الهواء بالداخل
اخر خطوه :
بعد انتهاء عملية الطبخ
طفي النار على القدر
اتركيه لمده عشر دقايق ثم شيلي الصفيره بس واكرر الصفيره بس
اذا طلع كل الهواء اللي داخل الضغط
افتحي صمام الامان
وافتحي الضغط
:)
السعر /
يعتبر سعر هالضغط غالي شوي
يعني سعر اللي عندي تقريبا 600 ريال وكل ماكبر كل مازاد السعر والعكس صحيح
هذا النوع انا مافضله كثير خصوصا للكبسات لانه عميق ومو عريض
فتنضج حبة الرز اللي تحت واللي فوق تضل شوي حب
يعني مايستوي كله بنفس الوقت
بس هالقدر أامن من اللي قبل لانه مستحيل يفتح معاك قبل لايطلع الهوا اللي بداخله
طريقة استخدامه /
الخطوه الالوى :
تضعين الغطا على القدر بعدها تضغطين على الزر الموضح بالصوره
راح يصير بهالشكل
الخطوه الثانيه :
تقدرين تتحكمين بكمية ضغط الهواء داخل القدر
1 او 2
طبعا 2 يحفظ كمية اكبر من الهواء وبالتالي سرعه اكبر في نضج الاكل
بتلاحظون فيه رقم 0 زياده هذا يعني خالي من الهوا < لاجيتي تفرغين القدر من الهوا
وفيه شكل رابع وهو شكل بخار طالع
هذا نفس الشئ لتفريغ الهواء
الخطوه الثالثه :
بتلاحظون على سطح الغطا مثل العلامه الحمرا
هذي تدل على تواجد الهوا داخل الضغط اذا كانت نازله على تحت مثل الصوره يدل على انه فارغ من الهواء وتقدرين تفتحينه
اما اذا كانت طالعه لفوق هذا معناته ان القدر داخله هوا باقي ماطلع وماتقدرين تفتحين القدر الا اذا نزلت تحت
:)
السعر /
بصراحه ماعندي فكره عن سعره لانه جاني هديه