حبيباتي الحواءات ..
:)
جبت لكم اليوم طريقه لذيذه جدا جدا جدا للمندي في الصينيه ..
جدا سهله ..
جدا رائعه..
أتحدى زوجك إذا ما أثنى عليك ومدحك بعدها .. من جد بدون مبالغه ..لو تطبقين الطريقه بحذافيرها صدقيني ما تندمي..
المهم ما أطول هرج .. وندخل بالتفاصيل …
اولا:
الكميه تكفي شخصين .. وانتي عاد بكفيك في الكميه اللي بتعمليها ..
ثانيا:
المقاديروالطريقه بالتفصيل ..* كوب ارز مغسول ومنقوع .
*2 صدور دجاج بالجلد والعظم .
* بصله مقطعه صغير + 2 فلفل اخضر.
*ملعقه صغيره كمون + ملعقه صغيره بهارات منوعه مطحونه + ملح + ملعقه صغيره اجينو موتو >> ولو اني قاطعته فتره ورجعتله ..مدري وش سالفتي..!!
* بهارت صحيحه : دارسين – ليمونه سودا – ورق غار- كزبره حب – بصل مجفف – فلفل اسود حب...((اللي عندك ))
* } تتبيلة الدجاج { :
ملح + خل + ليمونه كبيره + بهارت وكركم وفلفل اسود مطحون ..
}*تغليفة الدجاج : {
قليل صلصة طماطم + ربع ليمونه صفراء معصوره + قليل جدا فلفل اسود مطحون + ملح
}* لإضفاء النكهه الخاصه للمندي { :
ملعقه كبيره ماء كادي + قليل زعفران ..مخلوطين ومنقوعين .
*}للزينه{:
بيضتين مسلوقه + جوانح البصل المحموسه + صنوبر محموس + شرائح ليمون اصفر.
*}لتدخين المندي {:
جمره صغيره مشتعله + شريحة بصل + زيت زيتون .
~~~~~~~~~~~~~~~~~~~~~~~~~~~~~~~~~~~~~~~~~~~
الطريقه :
نتبل الدجاج من فتره وكل ما طالت مدة التتبيل كل ما كان ألذ ..وهذا شكلها بعد التتبيل ..زي الصوره "
نحمس البصل في قليل من زيت الزيتون حتى يشقر ثم نضيف لها الفلفل الأخضر ونقلبها شوي ..ثم نضيف البهارات والكمون والملح والآجي ونقلبهم ..ثم نضيف البهارات الصحيحه مع اضافة الماء ..ونتركها حتى تغلي .. بتتكون معانا مرقه ريحتها تجنن ..
زي الصوره "
بعدين نجيب صينيه بايركس او أي صينيه عندك ونكب الرز المنقوع فيها بعد ما شخلناه من المويه ونساويه في الصينيه .. زي الصوره "
بعدين نكب المرقه اللي عملناها على الرز وترتفع عنه بقدر 2 سم تقريبا ..على حسب نوعية رزك إذا كان يشرب مويه كثير او لا..
زي الصوره "
بعدين نغلف الصينيه بقصديرجيداااا .. ونعمل فيه ثقوب او شقوق بالسكين زي طريقة ام شهوده الله يحفظها زي الصوره "
بعد كذا نضع الدجاج المتبل عالقصدير .. زي الصوره "
ثم نغطيه بطبقه قصدير ونحكمها على اطراف الصينيه .. زي الصوره "
هذي صورة التغليفه"
وهذي منقوع الزعفران "
وكمان لاتنسي تولعي فحم للبيت وللمندي..خخخخخ .
ونعمل الزينه .. وهذي بصلتي تنقلي.."
بعد ما تخرجي الصينيه من الفرن شيلي الدجاج على جنب وغلفيه بالخلطه ثم شيلي القصدير من تحته ( اللي عالرز ) وصبي منقوع الزعفران على الوشششش وقفلي القصدير مره ثانيه .. وحطي عليه الدجاج المغلف ودخليه الفرن يشوي ..الصور بتوضح لكم اكثر..:
بعد ما تشوي الدجاج وتتحمر نطلعها ونفتح القصدير وشمي الريحه يميييييي ..خذي فنجان قهوه صغير قزاز وحطي فيه زيت الزيتون وشريحة البصل (بتخلي ريحة المدخن تجنن ) وحطي الجمره وقفلي القصدير بسرعه ..واكتمي الرز زيييييين عشان ما يطلع الدخان ..شوفي طريقتي..زي الصوره: