الأم المطفووقه والأطفال التائهين😢

مطبخ الملحق :

مو شرط اهمال من الأم ساعات الطفل يصير حرك وبلحظه يفلت منها مهما تكون حريصه موقف صار لي قبل سنوات ومستحيل انساه كان عمر ولدي ثمان سنوات وكان طالع لي بسالفة ما ادخل دورات الحريم تكرمون ابي ادخل دورات الرجال وكنت ارفض رفض تام مستحيل اخليه يروح لحاله مع الرجال المهم مره كنا واقفين قدام دورات المياه بمنطقة المطاعم انتظر اهلي نتجمع قبل نطلع كانت تقريباً الساعه 11 ونص يعني الوقت متأخر قام الولد ياماما ابي الحمام وطار بلحظه يدخل قسم الرجال ما انتظر ارد عليه ولا قدرت الحقه لان فيه زحمة رجال جلست انتظر وقلبي مقهور بس قلت ان شاء الله ماعليه بس على اعصابي شوي الا ولدي طالع يصرخ ويصيح ومرتاع من الحمام تخيلو ويقول الرجال قفل علي الحمام وكلامه ملخبط وانا انهرت ومن رحمة ربي بلحظتها جو اهلي واخواني وراحو فهموا السالفه من الهندي اللي ينظف الحمام انه سمع صوته يصيح قافل على نفسه الحمام وساعدته وفتحته بس ولدي من الخوف ومن كثر ما انبه عليه ظن ان العامل هو اللي قفل عليه الباب طبعاً بعد ماهدا ولدي تأكدت ان العامل ماله ذنب طبعاً كنت بحاله ما يعلم فيها الا الله ومن رحمة ربي فيني ان خواني جو بالوقت المناسب بس اللي قهرني وقتها جت حرمه وتهاوش علي كيف تخلين ولدك وليش تهملينه وانا اللي فيني مكفيني وماعندي استعداد اشرح لها الوضع وصارت تتطاول بالكلام انت مهمله وانت وانت لقيت نفسي بدون شعور تلفظت عليها وقلت انقلعي عن وجهي مالك دخل طبعاً ردت بنفس الاسلوب وطست الله لا يحلل الظالم والله اول مره تطلع مني الفاظ على احد بس فعلاً قهرتني وانا مو ناقصة لقافتها طبعاً ليش قلت هالكلام علشان الملاقيف اللي يدخلون بين الأم وعيالها وهم مايدرون وش السالفة ترا ماانتم احن ولا احرص من الأم على عيالها قريبتي تقول اشغلتني بنتي بالسوق وهي صغيرة تقول قلت اعقلي عساك تعرسين وهي دايم تضحك وتدعي على بنتها كذا مافيها شي تقول لقيت حرمه تتهجم علي انت ماتخافين الله انت وانت اذا ما تبين عيال لا تجيبينهم !!! طيب وش دخل اهلك بيني وبين بنتي تقول قلت وانا داعيه عليها بالموت ؟؟ دعيت تعرس آمين الله يجيب لها الرجال الكفو اذا كبرت وش قاهرك ومره كنت بالمستشفى عندي موعد وكنت وقتها بمدينة غير الحين بعيد عن اهلي بدون مقدمات لقيت حرمه تكلمني بأسلوب حاد حرام عليك تنقلين اطفال للمستشفى انت ما تدرين انك تعرضينهم للمرض والفيروسات والمفروض الاطفال ما يجون للمستشفيات وكان اسلوبها زفت معصبه علي قلت خلاص المره الجايه اذا عندي موعد برميهم بالشارع واجي قالت حطيهم عندك امك قلت مالي احد هنا قالت معليش آسفه ليتك جارتي كان اخذتهم عندي اذا لك موعد !!!!!!!!!! طيب وش دخل اهلك من الأساس من جد دعوا الخلق للخالق الأم اعرف بعيالها حتى لو ضربتهم منتم احن منها عليهم ذي وجهة نظري ومقتنعه فيها والمثل يقول يازين امي وضربة عصاها ويبغضي للناس لو دللوني

مو شرط اهمال من الأم ساعات الطفل يصير حرك وبلحظه يفلت منها مهما تكون حريصه موقف صار لي قبل سنوات...