مخنوقه والدنيا صاكه ف وجهي

الأسرة والمجتمع

سلام
انا اعاني من الفراغ القاتل
متخرجه من اربع سنوات
وحياتي متوقفه بشكل تام
كان عندي اصدقا
كنت اخرج
كنت اتمنى وقت فاضي
اللحين تعبت من الفراغ والروتين
خلاص ماني قادره اتحمل سنين جايه
الدنيا صاكه فيني بشكل غريب
دورت عن صديقات لكن دام مافي مصلحه محد يبغاك
دورت عن وظيفه ووظفوني واتعبوني بدون راتب ولا تقدير تعب ع الفاضي
كل اللي ف البيت يشتغلون الا انا مع امي والبزران
واغلب الوقت اذا مو كله جالسه معهم وامي تطلع كل اسبوع تقريبا
ولما اقولها بروح معك تقولي لا فلانه بناتها مايجونا وفلانه انتي متزاعله مع بنتها وووووووو
طلعه انا الوحيده ف البيت مااطلع
صايره اتخيل ان عندي صديقات واروح معهم ونتقهوي بس ماعندي
تعبت من الروتين اللي اسويه على مدار اربع سنوات اصحى انظف واسوي القهوه تعبببببت
واهلي مو مقدرين وضعي لا ولما اتضايق واختنق يقولون نفسيه بس نايمه
امس صحيت من النوم وامي تقولي روحي سوي قهوه بسرعه قلت لها مافحالي وهي تهاوش ولما تاخرت تهاوش وابوي واخواتي جالسين ويقولون هذي مريضه نفسيه منفسنه ويضحكون علي ولما زعلت ماصبولي القهوه وزعلانين مني ولما اقول انا مخنوقه من حياتي يقولون انتي فاضيه ومدلعه
ورحت الغرفه نمت من البارح وماصحيت الا قبل شوي وهم نفس الشي يتريقون علي


احاول اغير جو بس مافي فايده ولا جديد
حفظت البقره وقريت الرقيه واحاول اصبر واصبر بس تعبت
اذا سنيني الجايه كذا ماابغى اعيشها ولا ابغى اعيش
حسبي الله ونعم الوكيل
18
4K

يلزم عليك تسجيل الدخول أولًا لكتابة تعليق.

تسجيل دخول

n3oooma
n3oooma
اهلين اختي ... ليش ماتكونين مسسوقه؟! ماراح تلاقين وقت فاضي
أم الوروود
أم الوروود
الله يفرج لك حبيبتي ويرزقك الزوج الصالح ينسيك همومك وبنياتي والمسلمين ادخلي تحفيظ او دورات حبيبتي
إلهي تولى أمري
إلهي تولى أمري
يالغاليه كلنا مثلك والله محد يحس فينا الا الله

بنشكي همنا للناس بيتطنزون وبيضحكون

لكن مايعلم حرقتنا وحزننا الا الله وحده ..كرري دعاء الكرب واكثري استغفار وطبقي طريقة الشيخ المشيقح

واسمعي رقيه وتصدقي

مره سمعت وحده تقول احتسب اني اذا سويت لاهلي اكل اكل او نظفت البيت انها صدقه


الله يفرج عني وعنك ويرزقنا ازواج صالحين وييسر امورنا من حيث لانحتسب

وكرري حسبنا الله ونعم الوكيل

اسماء ال
اسماء ال
مثلك ملييت من الفرااغ وجلسة البييت.
نور
نور
تعملي شي جديد للغه اي شي

استغلي وقت فراغك بالطاعات

ايش رايك تمسكي روضة اطفال منها تتلهين معهم ويعطوكي من ايجابيتهم ومنها ووظيفه جميله