اليوم حابة اعرفكم ع المامونية
فطور بريحة بلدي الحلوة سورية
سهل وطيب بس مشكلتو انو ابدا مابينفع للدايت و رح تكتشفوا هالشي من المقادير
المقادير:
كوب سميد
كوبين سكر
4 اكواب مي
مي زهر
ملعقة قرفة
علبة قشطة
الطريقة؛
تدوبي السمن ع نار عالية
وبتضيفي السميد ويتحركيه لحتى يتغير لونه ساعتها هدي النار 🔥
ع جنب بتدوبي السكر بالمي.. الافضل تكون المي سخنة مشان يدوب السكر اسرع... بعد ما تتاكدي انو السكر داب منيح صبيه فوق السميد وعلي النار وحركي لحتى يغلي... هدي النار واستمري بالتحريك لحتى يتماسك
ضيفي مي الزهر والقرفة وعلبة القشطة وتركيها شغلة دقيقتين
صبيها بصحن التقديم وزينيها بالطريقة اللي تحبيهاانا زينتها بلوز محمص وقشطة ( قيمر) وشوي قرفة🍴
عادة يستخدموا فستق مبروش بدل اللوز بس انا ما كان متوفر عندي 🙈
وصحة وهنا