صدمتي بزوجي الخاين

السلام عليكم انا عضوه جديده بالمنتدى حبيت اعرض مشكلتي لما لمسته فيكم من الفه ومحبه تمثلت في قول رسول الله صلى الله عليه وسلم ( مثل المؤمنين في توادهم وتراحمهم وتعاطفهم مثل الجسد الواحد ...) وانا الحمد لله عندي خوات وبنات عم وخال قريبين لقلبي لكن لحساسية الموقف ولاني متابعه جيده للمنتدى لاحظت ان قلوبكم ع بعض ونصايحكم دائما تكون بمحلها 
انا تزوجت رجل اي زوجه تتمنى زوجها يكون مثله لانه حنون وطيب تزوجته صغيره وكنت اعيش معاه احلا سنين عمري كان لي الاب والاخ والزوج قدر الله وحملت وانا حملي متعب واغلب حملي منومه بالمستشفى وقدم لي شغاله وكانت اول خادمه تدخل بيتي وتعاملت معها والله الشاهد بالحسنى وباللي يرضي الله ورسوله اشتري لها ملابس واغراضها الشخصيه ع حسابي وشريت لها جوال وكنت شهريا اشحنه لها وهي بالمقابل كانت شايله بيتي وتنظفه مضبوط حتى عيالي تهتم فيهم بالرغم اني ارفض اهتمامها بهم لكنها تصر 
لاحظت زوجي صار باخر فتره يناديها بكثره ويدور اسباب تافهه شكيت وراقبته لفتره وبيوم المغرب خرجت للحوش وكنت فاتحه الشبابيك كل اللي بالبيت فتحات صغيره عشان اقدر اشوف كان برا وشافني جالسه بالحوش دخل ورحت اراقب كانت تكوي وهو واقف يكلمها طبعا ماسمع دخلت وارتبك وبعدين نومت عيالي بدري وطلب حقه الشرعي قلت باخذ شور وفتحت المويه وقفلت الباب وطلعت للحوش وللاسف لقيت الشباك مقفل طالعت من تحت الباب الرئيسي وكنت ادعي لايطلع ويشوفني واخرب كل خططي وشفتها راحت ترتب الصاله كعادتها قبل ماتنام وهو دخل وراها بس ماشوف الا جزء من الصاله ولاقدرت افتح الباب عشان الباب يطلع صوت راح للمطبخ وهي دخلت غرفتها وخلت بابها مفتوح شوي شفته يابنات وهو في حالة رغبه واكيد عارفين قصدي سويت نفسي مانتبهت له وادعيت اني خرجت من الحمام ابغى المقشر وان اللي بالحمام خلص وجيت اخذ عبوه جديده خرج للحوش ودخلت غرفة عيالي عشان تكشف البيت كله لكن دخل يغطي الاولاد وشافني سالني وش تسوين وواجهته قلت وش كنت تسوي مع الشغاله بالصاله نكر وراح للغرفه رحت وراه وعصبت عليه وكان يبغى يطلعني غلطانه وظالمه قلت تكلم ولابسالها قال اساليها رحت وانا بقمة غضبي وسالتها انكرت قلت انا شفتكم من الشباك ليش تنكرين وبابا اعترف وقتها اعترفت وقالت انه حضنها من ورا ولمس صدرها رحت غرفتي لميت ملابسي وطلبت الطلاق وماخليت كلمه ماقلتها له وجا يبغى يهديني اعطيته كف واضرب فيه يمين وشمال واسب واتحسب عليه وقلت يلا ودني لاهلي اتصل ع اخوي وجا وقال له غلطت مع الخدامه واختك تبغى الطلاق اخوي قال طلبتك لاترديني الطلاق لاتطرينه وزوجك من تزوجك ماشفنا منه الا كل خير ومافي رجال مايغلط انا مستعد اخذك معي واتحمل كامل مسؤوليتك وانتي وعيالك ع راسي لكن فكري شوي بعيالك مالهم غير ابوهم وبنت الرجال تستر ع زوجها وعيالك ابدا لايدرون باللي صار عشان نفسياتهم ومايطيح ابوهم من عيونهم صعب الاب قدوه جلست ابكي قلت وانا وش ذنبي اجلس مع رجال خاين قال ذنبك انك ام وهذي ضريبة الامومه الام تضحي عشان عيالها ولا ماكانت الجنه تحت اقدامها وماكان قال رسول الله صلى الله عليه وسلم امك ثم امك ثم امك وحضني وقال انا مابغاك تخربين بيتك وتتعبين عيالك بينك وبين ابوهم وعشان خاطري اولادك قولي لهم اي شي لاتخلينهم يعرفون شي عن ابوهم طلع اخوي وجا زوجي قال اطلبي اللي يرضيك طلبت ثلاثين الف قال بعطيك عشرين وافقت لان اخوي رفض طلاقي وقلت اخذ حقي منه سحب العشرين وعطاني اياها بيدي وقال الله يهنيك فيها قلت الله لايهنيك ولايبيحك كنت اتلفظ عليه ومايرد يسكت وليل نهار ابكي مو طايقه اشوفه كان يجي يراضيني يوديني مولات وشرا لي طقم ذهب بتسعه الاف وعطورات وجاب لي اسواره غاليه كل هذا باسبوعين ومع هذا كله نفسيتي تعبانه والله يابنات انه طاح ع رجولي يطلب اسامحه ويبوسها ويبوس يديني لكن الخيانه صعبه وزاد اهتمامه فيني اكثر من اول ماينام الا وهو ماسك ايدي لاني منعته يقرب جنبي كل ماشافني يسلم ع راسي ويطيب خاطري ومع هذا كله كارهته وحاقده عليه لكن بعد فتره جاملته اكلمه واضحك معاه واللي بقلبي الله العالم فيه جلسنا كم اسبوع سمن ع عسل وحذرته لو شفتك بمكان هي فيه او مريت من جنبها صار بغرفتي مايطلع الا اذا طلعته حتى الحمام يقول شوفي احد بطريقي 
وبيوم كان بالعمل وهي بالصاله دق الباب وقال في احد زعلت وقامت وهي متعوده تسهر معاي ولمن دخل الغرفه ناديتها ماردت زعلت واذا جا من الدوام مايدخل لحد مافتح له الباب ولايقدر يدخل مع ان معاه مفتاح  يخاف ازعل واحيان اخليه يجلس بالشمس وبعدين افتح له وهي لاحظت عليها صارت تتعمد تطلع بطريقه واكثر من مره اخليها بالحوش وقت رجوعه واراقب وكان يخاف ويرجع للسياره لحد ماتدخل او يدخل بسرعه وبيوم جلست معاها وقلت لها قولي وش صار بينكم ولاتخافين من زوجي مايقدر يسوي لك شي وعطيتها فلوس وحكت لي انه عرض عليها خمس الاف عشان  ينام معاها وانه قال لها بجيب لك بطاقة شحن وهي رفضت وطلعت كذابه اخذت البطاقه وكان يلاحقها وانا نايمه الصباح نفس الشي يداعبها ويحضنها من ورا ورحت قلت له كلامها واعترف ان كلامها صح وانفجرت فيه وزادت المشاكل وهو يحاول يهديني وانا اسب واضرب فيه انا كنت اوفر له ماروح المولات الا بالمناسبات عشان ماكلف عليه وعيالي اذا طلبوا شي انا ارفض واقولهم كل مره نجيب شي لكم من الراتب حتى مااحرمهم من شي اخر شي يعرض المبلغ هذا للشغاله 
حلف وقسم اني مابعطيها شي واني بس اضحك عليها قلت شحنت لها قال مره واحده سالته اخذتها قال ايوه هي طبعا قالت ماخذتها بس عرض عليها وسالتها حدود علاقته معاها ومن متى قالت من شهرين وماتعدت اللي ذكرته لكم وسالته وقال نفس الكلام 
وطلب اسفرها لان كل ماكانت موجوده بيزيد تعبي ومعاناتي انا وافقت لاني لاحظت انها تحاول تلفت نظره لها بعد كل اللي صار وكنت الاحظ انها تزعل اذا سولف معاي ولا جاب لي هديه ووقوفها له بكل مكان لكن هو كان حريص مايطلع الا اشوف له الدرب 
انا في حيره زوجي يقول انسي وخلينا نرجع زي اول ولاتهدمين بيتنا وتشتتين عيالنا وانا ماقدر اعيش بدونك مع اني قلت تزوج وطلقني اي بيت يتمنى تدق بابه بس طلقني ورفض بحجة ان مايحب الا انا ولايتمنى غيري 
والله يابنات اروح زوارات وحفلات وانا ضايق صدري اتصنع الابتسامه ابتسامتي صارت باهته بلا معنى اجلس مع صديقاتي وانا سارحه بفكري 
امي تقول وشفيك بينكم مشاكل اعرفك زوجك مايغلط انتي لسانك طويل ماتدري باللي فيني قولوا كيف اتعامل معاه بعد اللي شفته واللي سمعته 
ع فكره الشغاله  قبل ماسفرهاجمعتها مع زوجي وقلت انتي قلتي ان زوجي يمسكك غصب وانك تبكين قال ايوه
قال زوجي انتي كذابه انتي لو بكيتي كان انا خفت من ماما ومارجعت امسكك ثاني
قلت انتي قلتي انك هددتيه انك تعلميني قالت ايوه
قال لها لاتكذبين لو قلتي كذا انا ماجيتك ثاني انتي اذا مسكتك ارجع اسولف معاك وعادي تسولفين وتضحكين
قالت انا بسافر قال زوجي يلا شيلي شنطتك وبعدين جلست تبكي وقالت مابغى اسافر قلت لها انا من دخلتي بيتي غلطت عليك قالت لا
قلت قصرت معاك بشي قالت انتي ماما كويس مره
قلت طيب كيف تخليني انام وتجلسين تضحكين وتسولفين مع زوجي ولما اكون صاحيه ماتكلمينه وليش لما شفتي بابا مو كويس ليش تضحكين معاه انتي تضحكين يعني انتي موافقه ع حركاته وطلعت كذابه لانها قالت اذا مسكها تبكي وتحاول تبعده عنها وانها هددته اكثر من مره انها تعلمني بحركاته وطلعت كذابه لما واجهها بالعكس كانت لما يتركها تسولف معاه وتضحك 
واخذناها للمطار وسفرتها  لكن مارتحت نفسيا اجلس يومين واتعب مع ان زوجي حاط ايده بيدي بشغل البيت وبتربية العيال حتى لو صحوا يسهر معاهم ويخليني انام ارتاح يحاول يكسب ثقتي ويتودد لي بكثره لكن صعب انسى واسامح 
دعواتكم لي بان ربي يربط ع قلبي واقدر اتخطى هالمرحله ع خير وانصحوني كيف اتعامل معاه اسامحه ولا لا  
ونصيحه يابنات مهما كان زوجك محترم او يحبك لاتخلينه مع الشغاله لحالهم ابدا ولاتخلينها تدخل تنظف مكان زوجك موجود فيه انا كانت تدخل تنظف وهو جالس عادي واطلع واخليهم سوا لكن الحمد لله لحقت قبل مايطيح بالزنا ولو ان اللي سواه مو بسيط