تدخلات امه وتعاطيه للحشيش ادخلو عطوني الحل

عطيه فرصه اخيره ان تسنع زين ماتسنع الله يستر عليه
واشترطي انه يراجع مستشفى يعالج من الحشيش ويجيب التقرير

يا اختي انتي حلك توكلين لك محامي لان الى يتعاطى مايكون في عقله
و من الغلط انك تخلين ولدك معاه انتي يبي لك شخص متخصص يقدر يساعدك
كلمي محامي واعرضي عليه و دام ان يتعاطى لاتخافين راح يطلقونك منه و تاخذين الحضانه
بس اهم شئ المحامي يكون شاطر اسالي عن محامي متمكن من هذا النوع من القضايا
والله يسهل لك امرك استخيري واتبعي قلبك
استغفرالله واتوب اليه

والله شوفي ياختى انك غلطتي يوم عطيت ولدك لبوة
انا وضعي يشبه وضعك 
زوجى كل شي يقوله لخوته مايخلي شي مايقوله ويكذب على عندهم وفوق هذا يحشش وحاولت سنتين معاه ابيه يترك هالحشيش بس فشلت ماقدرت لانه هو مايبي يروح يتعالج فقبل ثلاث اسابيع جيت عند اهلى ورفضت اطلع معاه ونا لى شهر عند اهلي وكان يبي ياخذ بنتى ورفضت قلت ماتاخذها الا لا جبت لى امر من المحكمه انك تاخذ بنتى ولا اذا تعالجت لكن ارجع ولا اعطيك بنتى ونت مدمن حشيش مستحيل لو تموت وسكت ماقدر يناقش لانه عارف لو بتكلم ببلغ عنه وبيروح فيها 
الى خلاني اصر على رايي ان الحشيش هو بوابه الادمان على الكابتجون والشراب ونا ماعندي اي استعداد اني اعيش عمرى وعيش بنتى بجو كله ادمان 
والحين  الي يمسكونه معاه حشيش ولا يحشش يسسجنونه سبع سنين او يحكم عليه تعزير  
لكن بالنهايه هذي حياتك ونتى قرري اذا تبين تعيشين مع مدمن بقيه حياتك وتعيشين اولادك بهالجو ولا ترجعين لبيت اهلك معززه مكرمه وعيالك عندك وتعيشين حياتك وتعيشين عيالك بجو نضيف 
انا والله مابي الطلاق وتشتت عايلتي لكن فكرت ببنتى قبل لا فكر بنفسي خفت انها تدمن على الحشيش تدرين ان الادمان على الحشيش مو بس للي يدخنه لا حتى للى يشمه بصورة متكرره يدمن عليه فليش اعرض بنتى ونفسي للخطر  علشان وحد هو باعني وباع بيته وباع بنته فليش ابكى عليه لو فعلا يبي بيته كان تعالج لو مو علشاني علشان بنته الى مايخاف الله فيها يلف حشيشه ويدخنها بوسط البيت ولا يهتم لا بصغير ولا بكبير
فانصحك بالاستخاره والله يلطف بحالك وحالنا جميعآ محد مرتاح الله يعظم اجرنا بس

أؤيد الاخت ندى العمري
أسال مجرب ولا تسأل خبير
وربي يصلح حالكم ويعوضكم خير 

حرام عليك ربي عيالك مع بعض ولا تفرقين بينهم
الله عز وجل يقول ( واعدلوا بين أبنائكم )
ليش تفرقين بينهم
والله تقطع قلبي ع الكبير ياويلك من الله
ترى حضانتهم الشرعية لك إنتِ مو لأبوهم
او استحملي أبوهم وارجعي له واركدي في بيتك وادعي له بالهداية والصلاح وربوا عيالكم سوا
ترى الجو الأسري مهم للأطفال مدام أبوهم لا يضربك ولا يضربهم احمدي ربك وارجعي ربي عيالك مع بعض
وادعي لزوجك لأن هذا ابتلاء من الله عز وجل 

وفهميه انه كلامكم لا يطلع برا البيت عشان لحد يتكلم فيك من قرايبهم

والله يصلح أحوالكم ويرجعكم لبعض