كيف تتصرفين مع الي كانو صديقات وتغيرو

بنات هذي وحده من قرايبي كنا نسهر ونضحك مع بعض ونقضي وقت حلو مع بعض ويمبسطوا علي هرجتنا

يوم اقلهم ليه ما تجون يقلون ماعندنا احد يوصلنا وبعدين اكتشف يرحون لناس في نفس حينا ما ادري هم نسوا عشرتنا ولي ما عاد صرنا من صديقاتهم المهم انا عتبتها بشكل غير مباشر فيوم درت امي زعلت المحبه مو بالقوه انا الي يحز في نفسي ان الين دحين يوم تشفني في المناسبات عادي نهرج ونضحك سوا لكن زياره مستحيل تزورنا بس في المناسبات تجي تاديت واجب بس لكن اقاربنا الثانيين تجي عندهم لكن احنا لا برغم عمرنا ما زعلناهم الي ادا في مشاكل عائليه لكن هذي تصير في كل بيت المشاكل العائليه الي اذا اهلها حاقدين
انا دايم اقولها تعالولنا لكن صرت معد اقول الوحد عنده كرامه
لكن سؤالي هو هل خلاص اطنش ولا عاد اقولها تعالوا عندنا وكيف اتعامل معها انا مره حازه في نفسي انهم يجون كل الناس ويتعنولهم حتي لو ما عندهم سياره الي احنا يارب اش الاقارب هذولا والله يابنات لو ما احبهم مايحزون في نفسي لكن علشان اعزهم والصراحه هم قعدتهم حلوه ما ادري فين المشكله
بنات قلولي اش اسوي معاهم ما عاد اقولهم تعالوا ولا بطريقه غير مباشر ه خلاص اسكت