Bebeworld

Bebeworld @bebeworld

عضوة جديدة

انفجاررررررررر انقذوني ياهوانم الله يسعدكم :(

الأسرة والمجتمع

بالبدايه انا ابي راي حكيمات واتقبل كل انواع الانتقدات والتوجيهات واحتاج ارائكم 
بعرفكم بنفسي اول شي عمري 27 حلوه خلوقه مؤدبه محترمه طيبه قلب مره اسامح وانسى بس مرات نفسيه ومزاجيه يعني ممكن مزاجي يتغير في الساعه ميه مره اكون حزينه فجإه القى نفسي اضحك والعكس صحيح واحب اضيف اني جامعيه وقريبا راح اتوظف وظيفه كويسه ... احس اني بالمختصر حلم اي رجل وده يكون عيله واستقرار .... اعتبر قويه ومعتمده ع نفسي لي كلمه وماني ضعيفه استمديت هالثقه والقوه من بعد الله من ماما الله يحفظها ربتني على كذا و  كانت دائم تقولي لاتحبين ولاتثقين في اي رجال خليه هو يحبك بس لاتحبينه لانهم مالهم امان واحنا اهلك سندك ولاتسمحين لاي مخلوق يهينك والجزمه (قصدها الرجال )بدالها جزمه ثانيه ... رسخ هالمفهوم في عقلي الباطني بشكل ابدي وصار الوقت الي اطبقه تخرجت من الجامعه وجاء عريس الغفله واقنعتني ماما فيه لانها تحس انو خلاص كبرت وتبيني بس اجيب عيال وتشوف احفادها مني 
حاليا لي متزوجه 9 شهور وحياتي الزوجيه اقدر اقول عنها اقل من المتوسطه مو هذي الحياه الي اطمح لها ولا هذا فارس الاحلام جاني واحد غاااااااااااااااامض لابعد درجه مستحيل يفضفض ويخبي علي اشياء عاديه ومايرد ع اخوياه وهو عندي يكلمهم الا اذا طلع او اذا نزل من السياره وماعرفهم هم مين اصلا ومايحبني اسئل عنهم ويحس انه من خصوصياته يحب يكون بينا ةمساقه ولايرضى امسك جواله وهو 24 ساعه عليه وحتى اذا دخل الحمام معه ... مابينا حوار وسواليف كثير  وو برضو بليد كسول خامل يحب يقضي كل وقته متسدح ومتبطح ع السرير او الكنبه ومايحب دوامه ويسحب رجوله لشغل وراتبه محدود وماعنده طموح يزيد من دخله ومايجي اسبوعين من نزول الراتب الا وهو مطفر ويتسلف من هذا وذاك ومابقى مخلوق مإخذ منه ريال وهالشي مره اكرهه فيه دايم اقوله لازم نفكر في شغله نتاجر  فيها ورانا مصاريف واجار شقه ويقول لا عادي مكتفين ودايم يطلب من واحد من اخوياه عادي مغسول وجه بمرق ويمكن صرف عليه اكثر من عيلته وهوسه وتفكيره كله بالحريم والاحظ عليه كيف يهتم لسوالف الحريم وشغلات بناتيه ماله علاقه فيه ويلفت انتباه المسلسلات ويحب يطالعهاا ؟؟؟؟ هو بصراحه اول رجال اعرفه كذا يحب مسلسلات اخبر الرجال اخبار او كوره او برامج سياسيه وممكن يأجل اشغاله عشان يشوف كم لقطه فيها ممثله حلوه وعينه جدا زايغه ومايخلي حرمه في حالها سواء بالتلفزيون او بالسوق او بالشارع وياليته في قوه وفحوله الا انا الي اطلبه لل.... واانا دايم الي ابادر وماحس بهذيك المتعه وقت ..... وفوق هذا كله مدخن بشراهه وريحه الدخان تقرفني وكنت اعرف انه مدخن وترددت اقبل فيه بس النصيب وماتوقعت لهدرجه بعاني ومستحيل يدخن عندي يدخن بحمام المجلس بعيد عني بس حتى ولو  ريحه فواحه وانا  جدانضايق وهو ولا ع باله ومايصلي بالمسجد ومايصلي بوقتها وكثير يجمع صلواته وانا ياما نصحت بس ماكأني اتكلم وشكله اقل من المتوسط طوله حولي تقريبا 160 ونحيف واسمر وعادي انا ماشوف الرجوله شكل واشوف الرجوله الي قد المسؤليه الزواج ومخلص ووفي وتفكيره بزنس مو حريم ولايحط راسه براسي يكبر راسه ويعطفً علي بس صار عكس هذا كله ومن اول يوم تزوجنا وهو يبني احمل وبالفتره الاخيره صار يلمح لي انو ليش الى الحين ماحملت وطبعا قلت له لازم نكشف كلنا ونشوف وش السالفه طلع عنده تشوه بالحيوانات المنويه فوق المستوى الطبيعي ودوالي وصديد وهذا ياثر بشكل كبير على الحمل  وانا عندي تكيسات بس ماتمنع الحمل نهائي وطمنتني الدكتوره تقول حالات كثيررررر مثلك وبعضهم يحمل بكلوميد وبعضهم من ربي بدون وعادي قضاء وقدر وتقبلت الموضوع والمفروض باديه منشططات من شهرين بس ماتحمست مره وكل مره اقول الشهر الي بعده لانو بصراحه صار كل يوم ويوم نتهاوش هو صح طيب وكريم بس مايعرف يتعامل معي وكثير يجرحني بكلامه مره دفش وجارح ومو متفهم ويعتقد ان مهمه الرجال بس يعبي الثلاجه ويوديني لاهلي غيره لا وانا لازم انظف واغسل واطبخ كل يوم وممنوع استخدام بلاستيك يقول وشوله انتي ليش ماتغسلين واذا قدمت وحطيته بالامر الواقع ماكل منه وكان بدايه الزواج من اول مارجعنا من العسل يبيني اروح لاهلي وانام وصار يطلبني كثير انام عند اهلي ويك اند وكنت مصفيه النيه وعادي مبسوطه ابي اهلي ومافي احلى من جمعه امي وخواتي بس زاد الوضع عن حده وبديت اشك وش السالفه وبدت العفاريت تتنطط من كل مكان وحسيت اني مقصره معه وقلت لازم اخليه يتعلق فيني ومايتخلى عني صرت  اسوي النون ومايعلمون وهدفي اجيب راسه وماناقشته في موضوع النومات عند اهلي سويت نفسي طيبه وسبيكه وكنت بجواتي ابيه يتعلق فيني  ومايستغنى عني ومايقدر ينام من دوني بس للاسف ماكاني اسوي شي ومع ذلك صار يبني انام ومانفع ولاشي معه ووداني لبيت اهلي ع اساس بنام الا ادق عليه نص الليل ومايرد وادق وادق لحد مارد مرتاع اقوله انا بالطريق نسيت علاج لي وقتها كنت اكل مضاد وانا اكذب ابي اطب عليه الا الاخ يتلعثم. وينصفق ويقول خلك انا بجيبها لك وارجعي ووش طلعك انا قلت اكيد في شي وعصبت وقتها وتناقشنا في الموضوع ميه مره وصارمايطلبني انام ولحد الحين مدري وش كان وراه ولا ابي اعرف خلاص بس في شي جرح قلبي منه ومشت الايام والشهور وقلت ماراح اخلي اي شي يدمر حياتي كان كل هدفي اني استمر مع هالمخلوق بس خلاص طفحت واحس انفجرت لحد متى وانا صابره صح كويس بس فيه جوانب كثير سيئه واولها مو متفاهمين وكل يوم ويوم هواش وخايفه ومتردده بطلاق  لانو ادري اغلبيه الرجال هنا فيهم عيوب وعاهات وبمسك قردي لايجيني اقرد منه واذا تطلقت ماراح يجيني الا مطلق ولو فيه الخير ماعافه الطير او معدد وحرام مستحيل اخرب حياه الزوجه الاولى وخصوصا جربت نار الغيره سؤالي لو انتي بمكاني بتصبرين عليه خصوصا انو محرومه من هدايا والالماسات وسفريات لانو ماديته اقل من المتوسطه وبرضو محرومه من  الاطفال وكلنا يبي لنا علاج !!! 
ونفسيته شينه ومكشر وعقله كنه بزر يزعل على اي شي ودايم يحط نفسه مكان شبهه وماثق فيه ولمن اناقشه مايعرف يحاور وودايم رده انا رجال كيفي حر اسوي الي ابي مالك شغل فيني ومالك دخل !!!!!! وانا كل هذيك الفتره اسلك اشياء من طيبتي واكبر راسي وانسى واسامح بس خلاص انفجرت ماعاد فيني 
والفتره الاخيره صرت انام عند اهلي كثير اصلا عشان اخفف هوشات لانو مستوى الزعل زاد عن حده وخصوصا ع اشياء سخيفه بس احس اني احن له واشتاق له مرات احس اني احبه ومرات لا احس عادي و ادعي الله ياخذه واكون ارمله اهون من المطلقه مدررري مشاعر متقلبه خايفه ابعد عنه وبنفس الوقت مو مقتنعه فيه وودي الفكه منه  
36
8K

يلزم عليك تسجيل الدخول أولًا لكتابة تعليق.

تسجيل دخول

فتاة اليمـMــن
فتاة اليمـMــن
الله يعينك والله ويسهل أمرك
Bebeworld
Bebeworld
فتاة اليمن شكرا الله يسعدددك 
ريحان وفل
ريحان وفل
فتاة اليمن شكرا الله يسعدددك 
فتاة اليمن شكرا الله يسعدددك 
احس بينكم مشاكل كثير واختلافات اكثر اذا خلفتي وكان عندك اطفال بتتعبي معاه لذلك استخيري وادعي لنفسك ولزوجك    وربنا يكتب لك كل خير يارب
عزتي في. ديني
عزتي في. ديني
تسع شهور تعتبر فترة قليلة عشان تفهمينة انتي اعرفي شخصيتة وتعاملي معة ع حسب شخصيتة يبي لكم وقت عشان تتعودون على بعض ما اشوف ان فية سبب واحد عشان تطلبين الطلاق الله يصلح حالكم

الله يرزقك با الحمل السليم عاجل غير اجل ان شاء الله
sahraouia
sahraouia
تعبت و انا اقرا بس اقول لك اخري الحمل حتى تتفاهمي مع زوجك و الكسل و الخمول و متابعة المسلسلات هذا طبعه اظن ما راح تقدري تغيريه بين يوم و ليلة يا تصبري عليه سنتين او ثلاث و تغيريه للافضل اذا شفتيه انسان يمكن انك تغيريه للافضل او كل واحد يشوف طريقه اذا بكلامك هذا تلمحي للطلاق و ما قدرتي تبلعيه او تحبيه

و الزواج يا اختي اوله صبر ثم صبر ثم صبر انتي بعدك 9 شهور