SAROOONA

SAROOONA @sarooona

عضوة مميزة

شي خياااال خياااال خيااال للشفايف (صور)

العناية بالبشرة

انا شفت الموضوع هذا و نقلته لان طريقتها وايد عجبتني

---------------------------------


السلام عليكم ورحمة الله


اشلونكم حبايبي



وااااي اليوم صج انا هلكانه من الأشغال
وسامحوني اذا ما رديت عليكم بمواضيعي السابقة..ان شا الله على يوم اتفرغ للردود

انا ذكرت لكم بمواضيعي اني سويت ثورة على الكريمات وكل الاشياء اللي تخص الجمال

سميتها "لا تسمحون لهم بخداعكم" "Don't let them fool you"

اقصد بالشركات ومؤسسات التجميل

علشان جذي قررت اني اسوي كل شي بيدي انا منها اتطمن نفسيا و ايضا وااايد و أكرر وااااايد بشرتي تستفيد من الكريمات الفريش الطبيعية

اختي تقول لي ان شفايفها ناشفة و تتشقق

سألتها شنو تستخدمين؟

قالت احط فازلين علشان تترطب

قلت وانا شنو قاعده اقول لكم عن الفازلين!! ذبحتوني ما تسمعون الكلام
قالت شسوي يعني

قلت خلاص انا باجر بسوي لج زبدة لشفايفج طبيعية و تغذي شفايفج و ترطبها و فوق هذا تعالج الشقوق اللي بشفايفج .. اسوي لج الزبدة هذي بس على شرط
قالت شنو شرطج
قلت لها ييبي كامرتج

قلت بصور الخطوات مرة وحدة لحبايبي **** وادري والله انا مقصرة وايد ووعدت بنات وايد اني انزل شغلي اللي اسويه بس السموحة والله انشغل..وحبايبي البنات اللي طلبوا مني انزل موضوعي عن التقشير باحماض الفواكة .. نطروا على حبايبي<< شكلي بنطق


الحين نبتدي خطوات عمل زبدة الشفايف.. ترى الكمية تكفي انج تعبين 7 او 8 من العلب البيضاء مالت زبدة الشفايف

1- مثل ما تشوفون بالصورة المكونات اهي
أ-قفشة كبيرة زبدة الشيا انا يايبتها من بره بس اعتقد في تاجرات اهني يبيعونها.
ب- قفشه و نص شمع النحل اللي صاير مثل حبات العدس لأنه اسهل من القطع لكبيرة و بسرعة يذوب (انا يايبته من بره بس تقدرون تستخدمون شمع النحل من الجمعيات اللي يبيعونه مع العسل او يمكن موجود بمحلات بيع العسل).
ج- 3 قفشات من زيت الخروع انا اخترت الماركة هذي لانها نظيفة و خاضعة لمواصفات الصيدلة البريطانية مثل ما ذكرت لكم في مواضيع سابقة.
د- فيتامين اي موجود بالصيدليات
هـ- زيت جوز الهند قفشه وحدة كبيرة
و- علبة فاضيه (مالت زبدة للشفايف انا شاريتها من زمان قطيتها واستخدمت علبتها ز- من بينيفت السائل اللي يستخدم كبودرة للخدود و للشفايف (مو شرط مع الخلطة بس انا حبيت اعطي الزبدة لون)

والسعفة اللي بالصورة ترى مو من ضمن المقادير هذي اختي حاطتها اتفلسف











2- هذا شكل شمع النحل وزبدة الشيا مزوومه عليهم














3- تضيفين المقادير كلها في إناء عميق ما عدا فيتامين اي و وبنيتيت اللي اهو اللون










4- تحطين هذي المقادير في حمام مائي علشان كل شي يذوب و يختلط مع بعض..طنشوا الجدر الاحمر هذا غدانا










5- بعد ما تذوب المقادير كلها اطلعينهم وتخلينه دقيقة يبرد(بس ديري بالج لا يجمد.. اذا جمد رديه للحمام المائي مره ثانية) و تضيفين فيتامين اي واللون الوردي.. طبعا انا ما صورت لمن ضفت الفيتامين و اللون لاني كنت قاعده اعابل ..خواتي نحاشوا عني و قعدت بروحي









6- و تصبينها في العلبة اللي انتي مجهزتها و تحطينها بالفريزر علشان تجمد لمدة دقيقة او دقيقتين واستعمليها وعادي ما تخرب اطول عندج لي 6 شهور او حتى سنة اذا كانت كل الادوات اللي استخدمتيها نظيفة و منظفتها بكحول











وبالنهاية مابي منكم الا دعواتكم لاخوي ان ربي يتمم عليه الشفاء .. امين



---------------------------------



منقووووووووول
29
48K

يلزم عليك تسجيل الدخول أولًا لكتابة تعليق.

تسجيل دخول

تغريد0
تغريد0
رووووووووووعه
يعطيك العافيه ويحقق مناك
SAROOONA
SAROOONA
تسلمين حبيبتي :)
الماسه الكرستاليه
ماشاء الله موضوع جميل ومميز الله لايحرمك الاجر
بعدعسر يسرين
بعدعسر يسرين
الله يشفي اخوك
joooooooooojooooo
joooooooooojooooo
جزاك الله خير