هايدي حواء @haydy_hoaaa
محررة برونزية
***حتى لا تقتلي طفلك لا سمح الله #الحسااااااسيه من الطعام***
(((طفلي والبيض)))
عزيزاتي واخواتي الامهااات
ليس من الضروري ان يكون طفلك الاول اكسبك
الخبره في كل امور حياته من
اكل ولبس ونوم وتربيه
بل من الممكن ان يكون لديك عده اطفاال
ولا تزلين تجهلين بعض الامور وترتكبين
العديد من الاخطاء مثل ما حصل معي.
اسمحن لي في البدايه ان اعرض عليكن مشكلتي
مع طفلي الرابع والتي اصبحت تؤرق مضجعي
وتسيطر على تفكيري ومجمل حياتي مشاركة
مع جميع افراد اسرتي.
***********
بدأت مشكاتي مع طفلي فيصل وعمره 6 اشهر حاولت اعطيه قطعه من البيض
وكانت تحتوي على جزء صغير من البياض وكانت
اصغر من حجم نوى التمر ولكنه رفضها
واخرجها بلسانه وبعدها بدات عليه علامات حساسيه شديده
في اقل من دقيقتين كان يتنفس بصعوبه
وحكه في وجهه وانا صراحه ماتوقعت الامر خطير
وممكن يكون قاتل لا سمح الله
كانت الساعه 2 الظهر واعطيته اجتهادا مني
فنستيل 5 نقط
و بعد ان شفت الاعراض زادت تورم وجهه وحمرت
عيونه وبدأت شفايفه تزرق خفت الاعراض
في خلال نصف ساعه
وديته اشتشاري اطفال وفي الطريق قبل اوصل
كلمت الدكتور فقال
اذا كانت الاعراض خفت او راحت لا تجيبونه
جيبوه وقت الازمه
رجعنا البيت وصار والحمد لله احسن.
بعد فتره تكرر الموضوع ولكن بدون قصد اخذ بيض
من اخوانه
واعطيته فنستيل 5 نقط وديناه الطوارى
اعطوه ابره وبعدها تحسن
في تطعيم عمر السنه قلت للدكتور فقال
لازم تعطينه 10 نقط فنستيل وتودينه اقرب مستشفى
والا يختنق ويموت واعطاه موعد حساسيه بس
في شهر 1 الجاي.
في عمر سنه و2شهر جربت اعطيه بياض بعد ان
سمعت ان البياض
ما يعطى الا بعد سنه وكانت القطعه صغيره مررره
بلعها
وبعد اقل من دقيقه
استفرغ وبدات عليه علامات تحسس
قوووووويه بالمره تورم وجهه وصار يتنفس بصعوبه
وصار يترنح وطاح على الارض دايخ
عطيته فنستيل 10 نقط
وديته
الطوارى وعطوه الابره
في عمر سنه واربع اشهر اكل كاجو وبعدها علك بالفراوله وجته نفس الحاله
بس
ماعندي فكره من الكاجو والا العلك
في موعد تطعيم السنه و6شهور قلنا للدكتور هل الحساسيه
تخف والا لا
فقااااال وكاااانت الصدمه :
حساسيه الطعام ما تخف بالعكس تزيد مع العمر وممكن
تكون قاتله
وايضا لازم تنتبهون لاكله بالمره
وحتى الكيك والبسكوت من السوق
لازم تقرأين المكونات زين قبل تعطينه
وبعدين سأل هل سبق وتحسس من التطعيمات قلنا لا
قال اغلب التطعيمات مزروعه في بياض البيض
انا انقهرت مرررره ماعمري وقت التطعيم
احد سأل هل عنده حساسيه او لا
علما اغلب التطعيمات طعمته في مستشفى قوى الامن
طبعا رجعت البيت وبحثت في النت عن التطعيمات
المزروعه في بياض البيض
وعرفت ان منها:
1- الحصبه
2- الحمى الصفراء
3- تطعيم انفلونزا الطيور
4- تطعيم انفلونزا الخنازير
5- تطعيم الانفونزا العادي
(القهر بغيت السنه اللي راحت اطعمهم حقت الانفلونزا
بس الحمد لله ما سويتها)
وبعدين قال الدكتور لازم تروحون مستشفى حبيب الطبي
يصرفون لكم ابره الطوارى مو موجوده الاعندهم
لان احنا قلنا اوقات نروح مستوصفات فما يعرفون الابره
فلازم نروح مستوصف ثااااني
ومن الاشياء اللي تعبتني نفسيا من الكلام اللي قاله لي الدكتور
قاااال السبب ان الطفل اعطيتوه بياض البيض قبل السنه
يعني اعطيتوه المرض بانفسكم
وقال الطفل لازم قبل عمر السنه مايعطى الطفل
بياض البيض ،السمك ،القمح،حليب النيدو
هذى مقطع لطريقه استخدام الابره في حال حدوث الازمه
طبعا حياتي تغيرت ما اقدر احط حاجه فيها بيض
وهو موجود لازم يكون نايم او احط لاخوانه
واروح معاه في غرفه ثانيه اشغله لين يخلصون
أي شي يدخل البيت بسكوت او كيك ممنوع ينأكل قبل اقراء المكونات بدقه
ماقدر احطه عند احد على طول ملازمته
ما يفارقني اخاف سبحان الله يأكل حاجه وفيها بيض
او احد يعطيه شيء يضره بدون قصد
اكل المطاعم مأساه اذا جبنا حرب على السفره وحذفنا
اي شي فيه مايونيز
او
اكل من ناس او عند ناااااس حاله استنفار
نسأل عن المكونات
كيكه المناسبات مستحيل لان اخاف يكون
مستخدمين المارينج في الكريمه
اعتمدت على نفسي في المناسبات اسوي اللي يناسبه
و ما
يضره لو اكل.
باحاول اجمع دراسات عن الحساسيه وانزلها هنا
في الموضوع للفائده
للوصول الى بقية الموضوع على هذي الروابط
حساسية القمح
مرض السلياك
Coeliac
الحساسية لمادة الجلوتين في القمح والشوفان والشعير
حساسية حليب البقر
حساسية الأسماك والمأكولات البحرية + حساسية المكسرات
واخيرا ياليت تستفيدون من تجربتي وتدعون لــــفيصل تخف عنه الحساسيه
شاكره مروركم
305
83K
يلزم عليك تسجيل الدخول أولًا لكتابة تعليق.
فيفي هلا والله
حساسيه القمح
المجموعة السعودية الداعمة لمرضى حساسية القمح
http://www.saudi-celiac.com/main/index.php
حساسيه القمح
المجموعة السعودية الداعمة لمرضى حساسية القمح
http://www.saudi-celiac.com/main/index.php
ليتني
•
فعلا معلومات قيمه اكثر الامهات تجهلها وماتدري ان اضر اولادها
اسأل الله رب العرش الكريم ان يوالي ابنك فيصل لباس الصحه والعافيه ويشفيه مما هو فيه يارب العالمين
اسأل الله رب العرش الكريم ان يوالي ابنك فيصل لباس الصحه والعافيه ويشفيه مما هو فيه يارب العالمين
انا مثل ولدك فيني حساسيه في الدم
وفي نوعيه من الاكل وبذات البيض
وابرة الافلونزا كنت باخذها
يسالون ان كان فيك حساسيه
انا سمعت بنصيحة الدكتور فــ بناتي
واكتفيت بي الحليب لين صارت اعمارهم 8شهور
وبعد اعطتيهم اكل بي التدريج وبكميات قليله
والحمد لله ماجاتهم الحساسيه
انا استغرب من الي يقولو من زمان
وحنا نعطي اطفالنا وماضرهم
الحساسيه انتشرت الان بشكل مخييييف
الله يحفظ لانا اطفالنا واطفال المسلمين
ومشكوره غلاتي على النصايح ربي يشافي لك ولدك
والله يجعلها في ميزان حسناتك
وفي نوعيه من الاكل وبذات البيض
وابرة الافلونزا كنت باخذها
يسالون ان كان فيك حساسيه
انا سمعت بنصيحة الدكتور فــ بناتي
واكتفيت بي الحليب لين صارت اعمارهم 8شهور
وبعد اعطتيهم اكل بي التدريج وبكميات قليله
والحمد لله ماجاتهم الحساسيه
انا استغرب من الي يقولو من زمان
وحنا نعطي اطفالنا وماضرهم
الحساسيه انتشرت الان بشكل مخييييف
الله يحفظ لانا اطفالنا واطفال المسلمين
ومشكوره غلاتي على النصايح ربي يشافي لك ولدك
والله يجعلها في ميزان حسناتك
الصفحة الأخيرة
ربنا يحفظه لك ويعافيه من كل شر وتشوفيه في أحسن المناصب
معلومات جديدة علي ربي يوفقك يالغلا وين ما تكوني
ياحي ياقيوم اسدل على فيصل لباس الصحة والعافية وأقر به عين والديه أمين