のrosyの @rosy_4
محررة
ملف شامل من تأليفي ومجهودي لتعليم الطفل الحمام بالطريقه السليمه مدعم بالصور
صباح الخير عزيزاتي الامهات
اليوم حابه اهديكم هاد الملف الشامل
المتكامل من جهدي وتعبي وتجارب واقعيه
هنا وهناك وناجحه بأذن الله
واي ام حابه تنقله للفايده
سواء بالايميل او غيره فجزاها الله كل خير
موضوعنا متل ماهو واضح بالعنوان
هو طريقة تعليم الطفل الحمام من الالف
الى الياء
اكيد كتير منكم يتساءل
ياترى ايش هوه افضل سن للتعليم
وهادا يعتمد على اشياء كتيره
اولا البيئه والمحيط بحيث انو
اطفالنا في الخليج ككل مو زي
اطفال الغرب والاوربيين
يمكن هناك بيعلمو ابو شهور
كل حاجه وانا مااقول دا الشي غلط
بالعكس هما يعملو الشي الي نجح
مع اطفالهم وناسبهم
فما نجي نطبق نظامهم من ناحية
تعليم الحمام على اطفالنا
والاسبا كتيره ولاداعي لذكرها
اختصارا للموضوع يكفي ان بيئتهم
وحياتهم مختلفه عنا تماما تماما
فلي ينجح معاهم مو شرط ينجح معانا
بنفس السن والوقت الخ
ومن واقع تجارب وبحوث واقعيه
ارى ان السن المناسب لتعليم الحمام
هو سنتين و10 شهور تزيد وتنقص
حسب فطانة الطفل ومستوى نباهته
ومتى نقول للبامبرز باي للابد بشكل
رسمي هو في سن 3 وحوالي 4 شهور
ماعدا وقت النوم استمري عليها
بحيث تتخلصي منها نهائي وقت النوم
قبل سن 4 ونصف
الحين عرفنا السن المناسبه لتعليم الطفل
نجي لاهم الحاجات الي لازم نجهزها
قبل مانخوض التجربه
اولا الاستعانه بالله والتوكل عليه والعزم
وعدم التراجع واختيار الوقت المناسب
بحيث يكون الجو معتدل او حار بعيد عن الشتاء
تروحي السوق وتجيبي هادي الاغراض
هافات ضد التسرب وانا ارح تبع سنتربوينت
تتحمل وتكرف طوال مدة التعليم
انا جربت كتيييييير وكانت تتقطع وماتصمد
للاخر وبرضو ماتنظف بسهوله او تصفر
سعر الكلوت وقتها حوالي 12 ريال سعودي
مااعرف اذا ارتفع سعرو
تجيبي حوالي 4 والي ماديتها تسمح تاخذ اكتر
وهادي صورتهم وتجيكي بأشكال والوان متعدده
دا افضل واريح نوع بلامنازع الي بالنص المنقط الوردي والازرق
شكرا اشراقة انثى
بعض الامهات يحبو يجيبو القيصريه
وبعض الكماليات دا راجع للام نفسها
بس رايي الشخصي مالها داعي
حطي الطفل مباشرة على الحمام
العادي ياعربي او افرنجي
ماتفرق بس مو لازم قيصريه نهاااائي
في قطعه تباع في الهرم ب10 ريال
لو حمامكم كبير على الطفل تنحط على الكرسي
بس افضل تاخذوها من الاماكن دي لرخص سعرها
والجوده ماتختلف عن تجربه
لان سعرها بالصيدليه خيالي ممكن يوصل 80 ريال
لاتشتروها ماتفرق عن الهرم
شوفوها
هادي اهم حاجتين تجيبها من السوق
نجي للحاجات التانيه الاقل اهميه بس كمان ضروريه
تجيبي مجموعه حوالي درزن
كلوتات قطنيه قصيره عشان سرعة الخلع واللبس
ويلحق الطفل على الحمام
وتجيبي حاجات تشجيعيه بس ماتكون حلويات
حاولي تكون اشياء مفيده زي القصص الملونه
او الاكياس الصغيره الي بداخلها لوز او بندق
او قطع شوكلا بس ماتكثري
والاسهل هيه الصور كل ما نجحت العمليه
لصقو انتي وياه ملصقات يحبها على اي شي
سواء لوح تشجيعي او كراسته
نجي للطريقه
زي متفقنا نستعين بالله
وندعي ان ربي يعطينا طولة البال
والرفق والحنيه على هالمخلوق
الضعيف الي لاحول له ولاقوه
اهم حاااااجه طوووولة البال وعديها عديها
واتحملي وانسي الاثاث والبيت
اهم شي نفسية الطفل انتبهي تخديشها
بصرخه او توبيخ او حتى نظرة استهزاء
او زعل حااااولي ضبط اعصابك
وقولي لنفسك طفلي اهم من كل شي
بالدنيا ترى انتي ام وقلبك رهيف وحساس
يعني اذا ضربتي او صرختي على طفلك
بثانيه رح تجلسي ايام واسابيع تعالجي
الجرح الي تسببتي فيه
فخوديها من قاصرها وطووووولي بالك
واعرفي ان كل الامهات زيك مابتعاني لحالك
وتعبك حتجنيه ومافي شي يضيع عند ربنا
ومااقولك الفرحه والراحه الي رح تحسيها
لما طفلك يصير متعلم ومرتاح من البامبرز
لانها تتعب الطفل لما يعدي السنتين وتضايقه
تخيلي 24 ساعه لابسها ياحررااام
ترى يحسو زينا بس مايعبرو فأنتي استهدي بالله
وتحملي كلها اسبوعين تلاته وبعض الاطفال
يتعلمو في اسبوع يعني اتكلي على ربنا ولاتخافي
طيب نجي للمهم المهم المهم
الحين بدى الجد وهادا اول يوم لطفلك
في التعليم
تقومي الصباح وتدخليه معاك الحمام وتشرحيلو
الوضع بكل حنيه وحب وتفهميه كأنك تكلمي واحد كبير
تكلمي معاه بحنيه وفهميه انو كبر ورح يتعلم
الحمام ويودع الحفاظه وشجعيه وحمسيه
وسيبيه يرميها بنفسه
واشرحيلو طريقة الجلوس واعطيه الثقه كامله
وانتي كبير وانا رح اسيبك على الكرسي تسوي بول
وتغسل لحاله واعطيلو راس الحنفيه بيدو
وفهميه بعد ماتخلص غسل لحالك
طبعا كل هادا مارح يسير ههههههههههه لاتنصدمي
بالعكس احتمال كبير يرفع ضغطك ويعصبك
بس زي ماتفقنا طووووولي بالك وخدي نفس عميق
وابتسمي والله يعينك
عملها ممتاز ماعملها خرجيه مو تخليه على الكرسي ساعه
يكره الحمام بعدها ويعذبك المره الجايه
اتكلمي معاه بعد 3 دقايق قوليلو هاه حبيبي مافي دحين؟
اذا قلك ايوا مافي خلاص قولي طيب حبيبي
نخرج دحين ونرجع وقت تاني
ولاتخافي على الاثاث بس تخرجو لبسيه الهاف الي
ذكرناها في اول الموضوع والله مايسرب ولانقطه
حتى البراز وانتو بكرامه مايطلع يمسك كل شي
طبعا تلاحظو اني استخدم الفاظ صريحه
انا قاصده وافضل تكلمي طفلك بيها احسن
مثلا فيه امهات بيقولو للبول ايشو او هوهو
والتبرز ككه واسماء كتيره
عموما هيه مو غلط بس الافضل اسمها الصريح
ترى ياامهات انا اتكلم من واقع تجارب
وبحوث والله يعلم اني ابغالكم الخير
طيب نكمل دحين
الطفل اول ايام التعليم خاصة او 3 ايام
لازمي تحسبي نص ساعه
وتشيليه بنفسك للحمام بس مو بالقوه
والعصبيه بأسلوبك وكل ام تعرف لطفلها
اهم حاجه يروح معاكي وهوه رااااضي
لاتعنفيه ولاتجبريه ولاتاخذيه على غفله
وتهجمي عليه
يووووووووووووووووووووووه جيت اكمل الموضوع
قلي بعد 24 ساعه وانا من امس مخبيه مشاركاتي
عشان الموضوع دا
انا اسفه اعذروني رح اكمل العصر اكيد بأذن الله حيفتحوها
العصر ساااامحوني اقسم بالله ماكنت اعرف عشان ماتقولو
قااااصده :(
165
155K
يلزم عليك تسجيل الدخول أولًا لكتابة تعليق.
مشاء الله تبارك الرحمن موضوع رررروعه
انا نفسي اسويه لبنتي بس هي توها صغيره حيل سنه ونص بس من كثر حبها للحمام اكرمكم الله ابي ارتاح منه بس توها صغيره الله يصلحها
انا نفسي اسويه لبنتي بس هي توها صغيره حيل سنه ونص بس من كثر حبها للحمام اكرمكم الله ابي ارتاح منه بس توها صغيره الله يصلحها
موضوع رائع في انتظارك لي يومين احاول اعلم ولدي ومشكوووووووووره على الهافات انا كنت ادور عليها من زمان ماكنت ادري من وين
الصفحة الأخيرة
انا ناوية ابداء ببنتي ان شاء الله عمرها سنةوتسعة شهور وتتضايق من الحفاظة
وتفكها وترميها
وابي اعلمها قبل مايجي البيبي