سلام عليكم
شخباركم ايتها الحريم السنعات
عاد تدرون من اول مادخلت القسم لفت نظري موضوع عارفينه طبعا
وهذا ردي عليه .. طولوا بالكم كلامي سنع وفيه فايده الموضوع فيها حقاائق غابت عن اغلبكم
تعالي اعلمك ياصاحبة الموضوع ليه بعض ردود الحريم الدفشه تعجبك وبعضها لا
اول شي ياعزيزتي هل تريدين معرفة لماذا ردود الحريم الخاليه من مراعات النفسيه التعبانه لصاحبة الموضوع تعجبك؟
لانك متفرجه فقط لاغير
طبعا..
جايه وقهوتك بجنبك تدخلين عالم حوا فقط لاكتشاف مشاكل العالم وتضيع الوقت دون التعمق والاحساس بمشاعر ووضع صاحبة المشكله
فتشوفين رد سيء مغمس باسلوب جذاب وتريقه وتمسخر عجيب مضحك ملفت للنظر فحبيتي الشغله .
زي محنا عارفين الغريب الشاذ واعني الشاذ باسلوبه ملفت ويلاقي رواج هالايام
تجيني الحين وحده مدافعه ليتها تدافع على حق وتقول (ردود الحريم مهي سيئه او غير مراعية لصاحبة المشكله لكنها صريحه بدون لف او دوران )
اقولك ايتها المدافعه المضحوك عليها او التي على عينها غشاوة عن اسلوب النصح والمسانده السليم ..افهمي زين معنى الصراحه ..او التوعيه الصريحه ..
الوحده تكون صريحه باسلوب لبق مراعي لصاحبة المشكله تعطيها الحل العملي بدون تكسير مجاديف احد او التقليل من شأنه ..
مثال
تاتي صاحبة المشكله وهي تعاني من تعب نفسي لان الله مارزقها عيال او ماتزوجت او اي مشكله مهما بدت سخيفه عند البعض لكنها عرقله بالنسبه لها عبرت عنها ..
خشوا معي بالعميق وتخيلوا حالتها
انسانه ناجحه طموحه لطيفه طيبه حنونه متفائله
تاتيها لحظات ضعف وحزن ويأس قوية
تاتي لعالم حوا وهي تشكي الحال ..سواء من زوج مهملها بسبب مشكلتها ..او من كلامه الجارح ..او مواقف محزنه تضيق الصدر مرت فيها سواء من قرايبها او زوجها او اهلها...او احساسها القوي من انها محرومه (هو طبعا امر الله لكن الانسان يضعف ويحتاج لكلام يوعيه.. يقويه.. يهديه.. يشجعه ) عندما تشكي صاحبة المشكلة الحال لا يعني انها انسانه غير متزنه او غير واثقه من نفسها او لا تفكر بمنطق لكن كما قلت كلنا نضعف ونبي الكلمه الطيبه ولحد ينكر
وتجي صاحبة الردود الدفشه مشمره وفايقه ورايقه ربما يكون عندها هموم لكن اسلوبها بالحياه وطريقة معالجتها للامور ليست مثل اغلبنا يمكن هي غير مباليه او لربما شخصيتها قوية وغير حساسه كمعظمنا وتقول ..
(وخير ياطير
تزعلين عشان الحريم قدامك يتكلمون عن عيالهم وعن امور عيالهم ؟؟!!
تبين الناس تسكت وماتتكلم عن عيالها وتراعي حالتك النفسيه
العله مو في الناس العله في نفسيتك
توكلي على الله والله يرزقك )
8
8
اتحدى
اتحدى
اتحدى لو مرت هذي الانسانه بموقف اليم بحياتها وتمنت وحده ترد عليها بهالاسلوب
كلام جارح وغير مراعي بتاتا ثم دعوه وباي وباي
تعمل على نهج (رمتني بدائها وانسلت )
الصراحه يابشر واسلوب القوه والتوبيخ لا يُتبع مع الكل .
اذا وحده حالتها حاله ومهمله ومهي عاقله ويبيلها قرصه ممكن تسوين لها صحوة زمن باسلوب قوي صريح بعيد عن العاطفه .
لكن في مشاكل ونفسيات جدا حساسه تبي الكلمة الزينه الطيبه الي تشرح الخاطر وتخلي الوحده تنسى همومها لو شوي لو ثوااني.
يعني ماتدرين ياصاحبة الدفاشه ان لك اجر لو قلتي كلمة خير حنونه لاختك المسلمه طيبتي خاطرها وخليتيها تعيش لو ثواني وهي حاسه ان احد حاس فيها من خلال ردودك!!
ام انك اهتميتي بالصراحه ولفت النظر وعدم المراعاة اكثر !!
اتعجب فعلا من الي مسمينهم رهيبات ومحد قدهم وصريحات وراعيات حق ومحد يغطي عليهم!!
لو متي ياصاحبة الردود الساخره او الغير مراعية لصاحبة المشكله هل تتوقعين بتكونين رااضيه تماما عن ردودك المستفزه او الجارحه او الصريحه مع حبيتين هواش وتهزيء في غير محله ؟؟!!!
عشان تجاوبين على هالسؤال
خذي نفس عميييق..
وفكري بعقلك وقولي
ياترى لو مت والعضوات شافوا ردودي القويه الغير مراعية بعض الاحيان لصاحبة المشكله هل راح يترحمون علي ؟؟هل العالم سيفتقد انسانه اخلصت النيه وحاربت الاسلوب الهزلي والقوي الصارم حتى تريح وتعطي انسانه محتاجه نصيحه حنونه تجلب الامل من اخت تبي الاجر ؟؟
في اخرتك بتكونين لحالك لسانك له اغلب اعمالك ..بكلمة طيبه واسلوب حاني صادق تغيرين حال بنت كانت ناويه تغلط لكن بنصيحتك لها هونتي عليها وقويتيها واعطيتيها امل ..
او غيرتي من بعد الله بنصيحتك حال متزوجه محرومه كانت ناويه تضعف وتضيع حياتها الزوجيه لكن ذكرتيها بايجابيات حياتها واعطيتيها دافع وحسستيها انها مهي وحيده وانك متفهمه مشكلتها ولم تقللي من شأنها .
فكري زين
عقلك براسك وتعرفين خلاصك
لاتغرك الشهره او اسلوبك المميز والشعبيه الي اظهروك بها من بعض الاخوات .
تذكري البنات المحتاجات ذوات النفسيه التعبانه الي احتاجوا كلمة حانيه ولم يجدوها منك .
(الكلمة الطيبه ..الاسلوب الدعوي الصحيح الي كله منطقيه ويجلب الامان هو المرغوب مهما لاقى غيره من اساليب شهره ولفت نظر)
موضوعي غير موجه بتاتا لشخص معين
لاني ماانتبه لاسامي العضوات دائما لكن استغرب من ردودهم الغريبه واستغرب اكثر من الحريم الرايقات زياده عن اللزوم الاتي يُطربن ويستمتعن بقراءة الاسلوب هذا .
اتمنى تفهمون كلامي زين
Aشاي اخضر بسكرA @ashay_akhdr_bskra
عضوة مميزة
يلزم عليك تسجيل الدخول أولًا لكتابة تعليق.
زيزي07
•
لااله الاالله محمد رسول الله
سلمت اناملك ولا فض فوكي
هذا كل اللي بخاطري وكنت نفسي اكتبه بس سبقتيني لاعدمتك
وابشرك بنات حواء صاروا اغلبهم يتنافسون بهالشي يعنني اعطيك على راسك ولاهمني شي
باسلوب بعيد عن الصراحة ومفهومها والا تجيك داعسة والله ماتدري عن السالفة وتناقش شي انتي ماجبتي سيرته
هذا كله بس عشان تلفت الانتباه لان واضح اللي تبي تقول الحق اسلوبها درر ومحترم وتفرض احترامها
وغيرها ........ ماابي احش بس استغفر الله ..
والله يوفقلك باختباراتك ياقلبي
هذا كل اللي بخاطري وكنت نفسي اكتبه بس سبقتيني لاعدمتك
وابشرك بنات حواء صاروا اغلبهم يتنافسون بهالشي يعنني اعطيك على راسك ولاهمني شي
باسلوب بعيد عن الصراحة ومفهومها والا تجيك داعسة والله ماتدري عن السالفة وتناقش شي انتي ماجبتي سيرته
هذا كله بس عشان تلفت الانتباه لان واضح اللي تبي تقول الحق اسلوبها درر ومحترم وتفرض احترامها
وغيرها ........ ماابي احش بس استغفر الله ..
والله يوفقلك باختباراتك ياقلبي
الله يوفقك بأختباراتك
الله يجزأأكي كل خير على الكلام والاسلوب وصلت الرساله من غير تجريح
موووفقه ياارب
الله يجزأأكي كل خير على الكلام والاسلوب وصلت الرساله من غير تجريح
موووفقه ياارب
الكلمة الطيبه ..الاسلوب الدعوي الصحيح الي كله منطقيه ويجلب الامان هو المرغوب مهما لاقى غيره من اساليب شهره ولفت نظر)
100 %
100 %
الصفحة الأخيرة