بسم الله الرحمن الرحيم
السلام عليكم ورحمة الله وبركاته
مبارك عليكم الشهر .. اخواتي المغتربات
والله يرجعنا لأهلنا سالمين .. اللهم امين
اخواتي..
بغيت اسألكم عن أورلاندو .. وش الاماكن الحلوة
والترفيهيه غير ديزني وينفرسل استديو..؟؟
يعني الاماكن الحلوة الي توسع الصدر ..
والمولات الحلوة و( الرخيصه) وين القاها..؟
واذا فيه شيء حلو ويستاهل الزيارة .. وشو ؟
اعذروني ثقلت عليكم ..
والله يتقبل صيامنا وقيامنا وصالح اعمالنا..
جزاكم الله خير..:23:
بسم الله الرحمن الرحيم
السلام عليكم ورحمة الله وبركاته
مبارك عليكم الشهر .. اخواتي...
عسى كذا تكتب هههههههه
اورلاندو تهبل وتوسع الصدر بس لاتروحين وقت الصيف زحمه وحر على غير سنع انتبهي
روحي بالربيع او نهايه الصيف
والديزني لاند ماهي شويه تستاهل العنوة وعلى فكرة هي احلى من ديزني الغرب لوس انجليس
ولاتنسين روحي ديتونا بيتش وخذي شاليه هناك وادعي لي
مولات ما اذكر شي يستاهل
حديقه الحيوان في تامبا تبعد عن اولاندو ساعه
ميامي بعيده شوي بس حليوة وفيها رحلات بحريه اسبوع او اكثر تروح لجزر الباهما جزر العشاق كما يسمونها بس ميامي غير امنه انتبهي
الا شخبار رحلتكم يا انا مين اللي بتروحين فيها من شرق لغرب امريكا بالسيارة بشرينا
وتحياتي لك وللحبايب
وانت يالجريئه روحي واتكلي على الله راح تنبسطين ان شاء والغالي يرخص لك
الا نسيت اقول لك على السكن فندق ماريوت رائع جدا
بالم ريزورت يجنننننننننننن لا تسكنين بغيرة
ويست جيت حلو ماشي
ماريوت ريزورت حليو
ولاتنسين تستغلين العروض على الشاليهات المعروضه للتمليك يعزمونك ويفرجونك ولا بعد يعطونك كروت للديزني ببلاش على امل انك تشترين منهم شاليه وانتبهي لايخدعونك ويبيعونك السمك بالميه ترا العمليه ماتخلومن النصب
رحله سعيده