دنيا العجب طريقتك حلوه وانا ناويه باذن الله افتح حساب ثاني اجمع فيه وبنفس الوقت اخذ قرض لان راتبي والله مو بسيط يكفي لاكن قلة التدبير مني خلتني للحين ماسويت شئ

ابله ساره طيب القرض العقاري مبلغ كبير وبنفس الوقت المنطقه الي انا فيها اجاراتها مو مره مرتفعه زي المدن الرئيسيه يعني الاراضي مربحه اكثر من فكرة العماره لان الاراضي مو مره غاليه خاصه المخططات الجديده وبنفس الوقت ترتفع الاراضي سنويا تصدقي ان زميلتي اشترت ارض قبل سنتين والحين سعرها دبل

ابله ساره انا ماعندي نية تعمير ابغى الارض للاستثمار اذا ارتفع سعرها بالمستقبل بعتها وانا عندي ارض ثانيه اشتراها ابوي باسمي من زمان وهذه الي ممكن افكر ابنيها اذا فركت بالبنا لاكن الارض الي باخذها استثمار وشكرا لنصايحك

انتهبوا اخواتي من القروض البنكيه فهم يدسون السم في العسل!!!!
حقيقه انا لي 7 سنوات موظفه ومابدأت ادخر من راتبي بطريقه فعليه الا لما حطيت لي هدف معين وحابه اوصل له
فصرت ادخل جمعيات وماآخذ سهمي الا اخر الجمعيه واحطها بحسابي ولا اقربها واذا في احد محتاج سلف اسلفه هي
طبعا ناس ثقه من اهلي يعني مو اي احد
وبهالطريقه ضربت عصفورين بحجر ادخرت المبلغ وفكيت كربه لمسلم
وهذه طريقتي في التجميع
الله يبارك لكم ويبارك لي ويرزق اخواتنا المسلمات بالوظائف والرزق الحلال

شوفي حبيبتي دام الاراضي عندكم سعرها شوي رخيص انتي جمعي
يعني ممكن تستلفي من احد مبلغ وترجعينة له بعدين احسن لك من القرض
ياحبيبتي القروض الحين صح هامش الربح نسبتة قليلة الا انة نافية بركة والله
يعني ممكن تاخذين القرض 100 الف وترجعينة 140 الف
انتي توكل على الله وامسكي يدك وفكرة كمان انا كنت مسويتها مرررررررة تنفع معك
افتحي لك حساب ثاني بنفس البنك اللي ينزل فية راتبك بس بدون بطاقة صراف وسوي امر مستديم تحويل مبلغ مثلا الفين او ثلاث الاف ريال شهريا وصدقيني بتجمعين وانتي مرتاحة والحساب الثاني مستحيل تمسكينة لانة بدون بطاقة
بس تقدرين تحولين عن طريق المباشر

(((ياليت تفيديني وين هالمخططات اللي تقولين عليها باي منطقة ربي يوفقك .. ارسليها بالخاص اذا ما تحبي تكتبيها هنا ))