كيف طريقة طبخ السبانخ بالمصرى

اطباق عالم حواء

يا ريت يا جماعة تقولولى ازاى نطبخ السبانخ بالتفصيل علشان أنا بحبها ولكن لا أعرف أطبخها
معلش أنا خايبة شوية فى الطبيخ بس أدينى بتعلم معاكم
ولكم منى جزيل الشكر:26:
9
39K

يلزم عليك تسجيل الدخول أولًا لكتابة تعليق.

تسجيل دخول

sasa271974
sasa271974
شوفى يا ستى حاقولك على طريقتى
اولا تقطعى السبانخ بالسكينه كانك بتخرطى بقدونس بس اكبرشويه
اغسليها كويس جداااااااا و حطيها فى مصفاه تمام كدة
نجيب حلة و نحط بها سمنه او زيت و نشوح بصله لحد ماتصفر و بعدين نضيف مكعبات اللحمه
و نقلب شويه و بعدين نحط صلصه و شويه ماء و سبيها تتسبك و بعدين لما اللحمه تستوى
نحط الملح و فلفل اسود و نحطالسبانخ ( انا مش باسلق السبانخ ) علشان غايدتها ما تروحش و كمان اطعم سبيها على النار حوالى 10 دقائق لغايه لما تستوى
و بعدين نفرم كام فص توم و نشوحهم فى سمنه و نحط ملعقة كزبرة ناشفة و هوب على السبانخ و غطى الحلة و بعدين قدميها مع رز بالشعريه و بالهنا و الشفا
fareda_2000
fareda_2000
ولاء ازيك ....
بتقطعى السبانخ ناعم وتفرمى عليه كسبرة خضرة بتجيبى الحلة تحطى زيت او سمنة وتحطى بصلة مفرومة لحد ما تصفر وبعد كدة تحطى السبانخ وتحطى عليها عصير طماطم او صلصة بس بالتجربة الصلصة احلى معاها كتير كتير وتحطى مرقة اللحم اذا مفيش لحمة فيها وتبليها بالفلفل والملح لحد ما تستوى بعد كدة فى مقلاة ثانية تجيبى شوية زيت وتحطى ثوم مفروم وشوية كسبرة ناشفة زى الملوخية بالضبط وتحطيها على السبانخ وهى سخنة
وبالهنا والشفا
أم خضراء
أم خضراء
نفس الطرق السابقه ولكننىأضع الثوم المفرى مع البصل عندما البصل يبدأ يصفر أضع الثوم يصفروا مع بعض ثوم الكسبره الخضراء المفريه أقلبها دقيقهأو أثنين ولكننى ماجربتها بالكسبرة الناشفه ثم عصير الطماطم ثم السبانخ وكوب شوربه وتهدى النار وإن أحتاجت شوربه ضعى قليل0
أم "مريم"
امى بتحط عليها كبشة رز صغيرة عند السواء عشان تاخذ قوام شوية.
ولاء فاروق
ولاء فاروق
متشكرة لكم يا جماعة إنكم بتساعدونى لأنى عروسة جديدة وبصراحة مش قوى فى الطبيخ وبحاول أتعلم معاكم قبل ما زوجى يطفش منى
وشكرا لكم ولكم منى كل احترام